مصطلحات سورية .. 100%

basharov · #1 29-07-2006

شو بدك بطول القصة ;... جملة محشورة داخل قصة يزيد عدد كلماتها عن
100000000 كلمة

بدك الصحيح وإلا ابن عمه ;... مقدمة لكذبة من الحجم العائلي

وما شفنالك الا; ... موسيقى تصويرية قوتها 7.9 على مقياس ريختر
لقصة سخيفة

صلي على النبي ;... استراحة لكثير الكلام ليبلع ريقه

وما كذبت خبر ;... عبارة لنفش العضلات وبداية لكذبة ورسم بطولات
ما حصلت الا بالخيال

انت لسه ما بتعرفني ;... تقال عندما يشعر المتكلم انه تبهدل و انمسحت بكرامته الأرض

نشفت دمي; ... تقال للذي يطلب كل دقيقة إعادة نفس الجملة بطريقة
مختلفة

الله يستر على خلقه ;... تقال بعد نهاية كل قصة تم فيها نشر غسيل
جميع بنات الحارة و صديقات بنات الحارة

أتمنيتك تكون معنا أو اشتهيناك تكون معنا; ... تقال لحرق أعصاب
المستمع وإذلال شعوره

طوق الياسمين · #2 29-07-2006

ولله معك حق
وكل وحدة من هدول بنسمعها باليوم شي أكتر من مية مرة
بس أحلى وحدة أنت لسه مابتعرفني
هههههههههههههههه
وعلى فكرة كمان النكت اللي حطيتون قبل كانو كتير مهضومين

شكرا الك كتير بشار
عم تحطلنا شغلات بتزرع ابتسامة لو كانت خفيفة بس نحنا بحاجتا

جزيل الشكر

angel · #3 29-07-2006

شكرا الك بشار عبارات صحيحة
كل واحد بقولا شي مية مرة بالنهار وبيحكيا بدون مايشعر
شكرا بشار كتير حلوين

Arnold · #4 30-07-2006

شكرا عا الموضوع المهضوم .. و ها شوي من عندي
مالك بالطويل ... بعد مط الحديث و الدخول في ترهات ( الا أول و مالا آخر )
بدك الدغري ؟؟ ... متل ( بدك الصح ولا ابن عمو )
حاجتك بقا !!! .... للاستغراب و الدهشة من كلام الآخر و التشكيك بكلامو
شو ها الحكي ؟؟ .... عند الاندهاش من فظاعة كلام الآخر
و دخيل فلان ..... للدلالة على أن تصرفك شابه تصرف فلان لا و بل أسوأ
حاجتك هرت يو ... بالمشتاوية .. تعني عن الاقتناع إطلاقا بحديث الآخر
كلنا عا ها الطريق ... كلمة عبرة تقال عن المتوفي
متل ما عم قلك ... للدلالة انو في تهويل و مبالغة و الحكي ما بيتصدق
ما بذلّ عليك ... نفس الشي

sisi · #5 30-07-2006

مشكور ملببلم عهالموضوع و رح ضيف تنتين مشتاويات :

حاج تتصهصن " بيكفي ضحك "

لا يووووووو " شو هالحكي ما بيتصدق "

ولي على آمتي " يا خطي "

ياااااااخ " عنجد "

basharov · #6 30-07-2006

اقتباس:

المشاركة الأصلية كتبت بواسطة طوق الياسمين

ولله معك حق
وكل وحدة من هدول بنسمعها باليوم شي أكتر من مية مرة
بس أحلى وحدة أنت لسه مابتعرفني
هههههههههههههههه
وعلى فكرة كمان النكت اللي حطيتون قبل كانو كتير مهضومين

شكرا الك كتير بشار
عم تحطلنا شغلات بتزرع ابتسامة لو كانت خفيفة بس نحنا بحاجتا

جزيل الشكر

على فكرة يا طوق الياسمين ... انت كمان لسى مابتعرفيني

susu · #7 30-07-2006

اقتباس:

بدك الصحيح وإلا ابن عمه ;... مقدمة لكذبة من الحجم العائلي
وما كذبت خبر ;... عبارة لنفش العضلات وبداية لكذبة ورسم بطولات
ما حصلت الا بالخيال
انت لسه ما بتعرفني ;... تقال عندما يشعر المتكلم انه تبهدل و انمسحت بكرامته الأرض

أتمنيتك تكون معنا أو اشتهيناك تكون معنا; ... تقال لحرق أعصاب
المستمع وإذلال شعوره

شكراااااااااااا mlbblm

كتتتتتتتتتتتتير حلوين ومهضومين

sisi · #8 31-07-2006

و هاي مصطلحات شامية " منقولة "

دشرو : يعني حل عنو
ماني غضران : يعني لست بقادر (وهي بالميداني)
يوه تشكلو آسي : يوه مفرده يأتي شرحها لاحقاَ
تشكلو آسي (بعيد الشر) تعبير يفيد شدة حب المتكلم للمتكلم عنه ....
الواه الواه : تعبير نسائي قح يفيد التمسخر على شيء ما
معبّا بـ بنطرون : يعني واحد أجدب وجاية يحكي
ولا : آداة تستخدم في النهر والشتم
وخنان : مسبة مانها ظريفة بس وضعت للضرورة اللغوية
دشّرني : أي حل عني ... وحل عني يعني اتركني بحالي
أيدي بزنارك : تعبير يستخدم للتعبير عن الرجاء
دخيل الله : أيضاَ تعبير والمقصود به هو الاستغاثة بالله
شعره متل الشوشة : أي أن شعره منفوش ومنكوش
وضرّاب السخن : وهي مسبة.. وتعني .... مابعرف مسبة وبس
يوه الواه الواه : مفردة شهيرة جدأ عند النساء وتفيد الأوية
كوكش : يعني يفتش
بحبش : أيضاً مفردة تعني البحث مع التمحيص
ينمحق : ويعني ينضرب على قامتو .. يسطفل
يبعتلو حمى : أي تصيبه حمى ويمرض
يتحورق : متل يبعتلو حمى
يتقوص : بنفس المعنى
يتأمع : كمان هيك شي
عود يقعد رزك : يعني خيلتنا حاجة تحوص
والمعنى الأدق: يقعد رزك يعني تموت والناس ياكلو رز.. لأنو من المعروف عندما يموت حدى بتصير عزيمة وبيطعمو الناس أوزي على روح الميت والأوزي أكلة معروفة بالشام
وين غاطط : وين مو مبين
والسبع تنعام : يعني إلنا الشرف
حيط بياخذو وحيط بيجيو : تقال للي بيسكر من كتر الترنح
مابيعرف الخمسة من الطمسه : عن الرجل اللي ماعندو ثقافة
سرّي مرّي : عاللي بيخفق برات البيت
شندي بندي : للي بيحكي بلا طعمه شروي غروي
فايت بالحيط – طاقق الفيوز : للدلالة على انو ماعم يلاقي كلمة مناسبة
مجنط : مفلس ولا قرش
كحته : إيدو ماسكه .. بخيل
شاطط ماطط : يعني مدلع زيادة
نعيان : يعني قلبو بارد
نايط = نعيان = بارد
شاضومه : بنت مجلوئة .. يعني كيف بدي إلكن .... قليلة أدب ومصبينه
شحاطة : مايلبسه المرء في قدمه عندما يكون في المنزل
تعسيله : نومة بعض الظهر
مسرسبة : يعني بتحب النظافة كتير
أسسييع أوعى الزيت : بمعنى وسع وفسح طريق
أغّيييييى : هي للأبضايات وبس
تأكلو الدودة العميا : يعني الواحد يموت وياكله الدود بعيد الشر
يبعتلو أتلو شو سمج : كمان يعني يموت وسمج يعني غليظ ..
موسوس : مهووس بشغله
عقلو جوزتين بخرج : يعني عقله صغير
متل الأطرش بالزفة : يعني مالو علاقة بالموضوع
حاج تحوص وتلوص : يعني حاجة تفتل وتدور
شوية لخار : بعد شوي
بنت عمي : يعني مرتو وطبعاً بالعكس

basharov · #9 31-07-2006

اقتباس:

المشاركة الأصلية كتبت بواسطة sisi

و هاي مصطلحات شامية " منقولة "

دشرو : يعني حل عنو
ماني غضران : يعني لست بقادر (وهي بالميداني)
يوه تشكلو آسي : يوه مفرده يأتي شرحها لاحقاَ
تشكلو آسي (بعيد الشر) تعبير يفيد شدة حب المتكلم للمتكلم عنه ....
الواه الواه : تعبير نسائي قح يفيد التمسخر على شيء ما
معبّا بـ بنطرون : يعني واحد أجدب وجاية يحكي
ولا : آداة تستخدم في النهر والشتم
وخنان : مسبة مانها ظريفة بس وضعت للضرورة اللغوية
دشّرني : أي حل عني ... وحل عني يعني اتركني بحالي
أيدي بزنارك : تعبير يستخدم للتعبير عن الرجاء
دخيل الله : أيضاَ تعبير والمقصود به هو الاستغاثة بالله
شعره متل الشوشة : أي أن شعره منفوش ومنكوش
وضرّاب السخن : وهي مسبة.. وتعني .... مابعرف مسبة وبس
يوه الواه الواه : مفردة شهيرة جدأ عند النساء وتفيد الأوية
كوكش : يعني يفتش
بحبش : أيضاً مفردة تعني البحث مع التمحيص
ينمحق : ويعني ينضرب على قامتو .. يسطفل
يبعتلو حمى : أي تصيبه حمى ويمرض
يتحورق : متل يبعتلو حمى
يتقوص : بنفس المعنى
يتأمع : كمان هيك شي
عود يقعد رزك : يعني خيلتنا حاجة تحوص
والمعنى الأدق: يقعد رزك يعني تموت والناس ياكلو رز.. لأنو من المعروف عندما يموت حدى بتصير عزيمة وبيطعمو الناس أوزي على روح الميت والأوزي أكلة معروفة بالشام
وين غاطط : وين مو مبين
والسبع تنعام : يعني إلنا الشرف
حيط بياخذو وحيط بيجيو : تقال للي بيسكر من كتر الترنح
مابيعرف الخمسة من الطمسه : عن الرجل اللي ماعندو ثقافة
سرّي مرّي : عاللي بيخفق برات البيت
شندي بندي : للي بيحكي بلا طعمه شروي غروي
فايت بالحيط – طاقق الفيوز : للدلالة على انو ماعم يلاقي كلمة مناسبة
مجنط : مفلس ولا قرش
كحته : إيدو ماسكه .. بخيل
شاطط ماطط : يعني مدلع زيادة
نعيان : يعني قلبو بارد
نايط = نعيان = بارد
شاضومه : بنت مجلوئة .. يعني كيف بدي إلكن .... قليلة أدب ومصبينه
شحاطة : مايلبسه المرء في قدمه عندما يكون في المنزل
تعسيله : نومة بعض الظهر
مسرسبة : يعني بتحب النظافة كتير
أسسييع أوعى الزيت : بمعنى وسع وفسح طريق
أغّيييييى : هي للأبضايات وبس
تأكلو الدودة العميا : يعني الواحد يموت وياكله الدود بعيد الشر
يبعتلو أتلو شو سمج : كمان يعني يموت وسمج يعني غليظ ..
موسوس : مهووس بشغله
عقلو جوزتين بخرج : يعني عقله صغير
متل الأطرش بالزفة : يعني مالو علاقة بالموضوع
حاج تحوص وتلوص : يعني حاجة تفتل وتدور
شوية لخار : بعد شوي
بنت عمي : يعني مرتو وطبعاً بالعكس

ريتها تسلملي هالانامل لكتبت هالمصطلحات كلها يا ...... سي سي

طوق الياسمين · #10 31-07-2006

فعلا تسلم هالأنامل ياسي سي أنتي وكل اللي أتحفونا بهالمصطلحات الحلوة

عجبتني تبع عود يقعد رزك ماعرفت أقراها لحتى قريت الترجمة

sisi · #11 01-08-2006

تكرموا ملببلم و طوق الياسمين
و هاي مصطلحات حلبية مني إلكون :
مطرمخ = يقال عن شخص أنو فايق مطرمخ أي ما صحي مظبوط وما عم يستوعب-
فستوكة = يقال عن بنت أنها فستوكة أي أنها لا تزال صغيرة
جوجحانة = مرجوحة لعبة للأولاد الصغار
فرشخانة = أداة للمّ الوسخ
جقجقة = المشي بحذاء مبتل فوق مكان نظيف و الفاعل مجقجق
شنق=صحن
بتاتة=بطاطا
أربا وأربين=أربع وأربعون
سقرطون=خزانة
مقرمد = يقال عن الشيء اللي ملزق ويبسان عليه وسخ
مجقة = قبلة
سهسكة = الضحك بصوت عالي
بشتي = أشتهي
بركي = لعل
معلاق = تقال للشخص الغليظ
لقلوقة = يقال عن البنت التي بتدور كتير من بيت لبيت
عالهس النس = يقال عن الشخص التحتاني (يعني اللي من تحت لتحت)
طشم = بهيم
مفجلق = قليل الحياء
صقاق = شارع
يوب = بابا
يوم = ماما
خيتو = أختي
خيو = أخي
" امممممم ما بعري إش في كمان .........
ميت السلامة و الله ........

basharov · #12 19-12-2006

بالفعل يا سي سي ................

الكبير بيظل كبير

TIGER_A · #13 10-02-2007

ولله انت دقيق الملاحظة بقى اذا حدا بدو يتعلم لهجة ما ألو غيرك هههههههه شكرا الك

basharov · #14 11-02-2007

شكرا الك كتير يا تايجر على مرورك الكريم ....