سمعوا يا شباب القصتين عن لسان الخال ابو اسعد | |
هاتين القصتين يا شباب من لسان الخال ابو اسعد إلى ادني مباشرة
قصـــة الحيــة:
قال مرة الخال ابو اسعد كان نايم الضهر بالدوارة وغافي ما حس إلا شي تقيل على صدره فتح عيونه وإلا حية ها التخن نايمة على صدره وراسها فوق راسو ولسانة عم يلعب لعب
قام الخال زورها قامت زورته
غمض عين اليمين قامت غمضت عين اليمين
غمض عين اليسار قامت غمضت عين اليسار
غمض وفتح العينتين قامت غمضت وفتحت العينتين
رجع غمض وبلحظة فتح كانت الحية اسا مو ملحقة تفتح واجا وكمشها براصها ( وهنا كان الرومان )
قصة الحرامي الأدمي والجماعة الأوادم :
قال مرة كان في حرامي بس كتير ادمي وخلوق رح تا يسرق بيت وصل عند الباب فكر وقال والله عيب مو حاجي اسا بدنا نسرق الباب كمان نخلع القفل
قال رح دق الباب إذا ما حدا فتح رح اخلع الباب
قام دق الباب رد صاحب البيت قلو مين جاوب الحرامي انا حرامي
رجع فكر الحرامي وقال بركي صاحب البيت معو مسدس وفكر يقتلني من وراء الباب رح انبطح بالأرض مشان إذا قوس يمرق الضرب من فوقي
وبالفعل كان صاحب البيت هوي ومرتو وجابو المسدس قام صاحب البيت قلها لمرتو والله وجعني قلبي عا هل الحرامي مبين عليه أدمي وما بدنا نضره
رح قوس بين جريه مشان خوفه بركي بيخاف وبيروح
بالفعل حط صاحب البيت الفرد باسفل الباب وراح مقوس
وين اجا الضرب بنص راصو للحرامي
قام الحرامي الأدمي تزوع ( هنا كان الرومان ) والجماعة الأوادم قضو حياتن بالحبوسات  | 
