افتتاحية زين شعيب في تحدي حبوش ,

[شفيق]

قصيدة الافتتاح في المباراة التي جرت في بلدة حبوش بالجنوب بين الشعراء زغلول الدامور والسيد محمد مصطفى وزين شعيب وحنا موسى::

زين::

اكتبي بدم الفطاحل يا صحيفي,,,,,,,,,,,,,,,,,,,نزل للحرب بو السطوي المخيفي

إذا ما بينزل التاريخ ضدو,,,,,,,,,,,,,,,,,,,,,,,,,,,,,,,,,,اندهيلو تراجع الحملة خفيفي

اندهي جنود المنية يستعدو,,,,,,,,,,,,,,,,,,,,,,,,,,,,,,,,,,,فئة للذبح فرقة للعليفي

المقابر شهر صرلن ما تغدو,,,,,,,,,,,,,,,,,,,,,,,,,,,,,,,,,,,,ما إلهن خبر إلا من رغيفي

أنا اللي اجتزت للمريخ حدو,,,,,,,,,,,,,,,,,,,,,,,,,,,,,,,,ولمهري نجمة الزهرة مضيفي

الشمس يللي سوالفها اسودو,,,,,,,,,,,,,,,,,,,,,,,,,,ان كانت بنت باخدها خطيفي

أنا ابن الجنوب اللي انعدو ,,,,,,,,,,,,,,,,,,,,,,,,,,,,,,,,,,رجالو جنود عحدود الضعيفي

حدود وصارت بكدو وجدو,,,,,,,,,,,,,,,,,,,,,,,,,,,,,,,,,,,,دروع بتكسر سيوف الرهيفي

وعلى حبوش مد الدهر يدو,,,,,,,,,,,,,,,,,,,,,,,,,,,,,,,,,وعطاها أربع حروف اللطيفي

نصن حب نصن وش خدو,,,,,,,,,,,,,,,,,,,,,,,,,,,,,,,,,,,,نزل باسو القمر بوسة نضيفي

بحرف الحاء حامل سيف حدو,,,,,,,,,,,,,,,,,,,,,,,,,,,انحمل من بوالحسن أول خليفي

وبحرف الباء بيت الما انهدو,,,,,,,,,,,,,,,,,,,,,,,,,,,,,,,,,حجارو تا صبح كعبي شريفي

وبحرف الواو للشعار ودو,,,,,,,,,,,,,,,,,,,,,,,,,,,,,,,,عمسرح بو علي يأدو الوظيفي

وبحرف الشين جدي شعيب بدو,,,,,,,,,,,,,,,,,,,,,,الليلة يشكشك رقاب الفوارس

,,,,,,,,,,,,,,,,,,,,,,,,,,,,متل شك التتن بعد القطيفي,,,,,,,,,,,,,,,,,,,,,,,




افتخر يا كامل الصباح فيي,,,,,,,,,,,,,,,,,,,,,,,,,,بثفة مش عن طريق الطائفية

أنت نورك لجو الغرب أنعش ,,,,,,,,,,,,,,,,,,,,,,,وأنا للشرق نور الشاعرية

أنت عقلك على المجهول فتش,,,,,,,,,,,,,,,,,,,, غزيت الشمس كهربت البرية

انتزعت من الفلك توبو المزركش ’’’’’’’’’’’’’’’’’’’’’’’’’’’’’’كسيت الأرض بدلة مخملية

وأنا كلما سمعت الدف خشخش’’’’’’’’’,,,’’’’’’’’’’’’’’’’’’بيصير الموت يرقص بين ديي

الأرض بتصير بالدم المطرطش ,,,,,,,,,,,,,,,,,,,,,,,,,,,,,,,متل باقة ورد بالمزهرية

سمعت صنين والأرزي توشوش,,,,,,,,,,,,,,,,,,,,,,,,,شو قولك يا عروستنا العلية

إذا حلو جنوب الشعر بلش ,,,,,,,,,,,,,,,,,,,,,,,,,,,,,,,,,,,أكلناها عناصرهن قوية

إذا الزغلول بالسيد تحركش,,,,,,,,,,,,,,,,,,,,,,,,,,,,,أنا شو خصني من هالقضية

عملت حالي كفيف العين أطرش,,,,,,,,,,,,,,,,,,,,,,,,,,بعركة هاشمية بهاشمية

ويا حنا برحمة المرحوم "بحبش",,,,,,,,,,,,,,,,,,,,,,,البجيشو كنت راعي أبرشية

تخلي اليوم طربوشك مطربش,,,,,,,,,,,,,,,,,,,,,,,,,,,,عراسك متل بياع الشمندر

’ ,,,,,,,,,,,,,,,,,,,,,,,,,,,,,,,,,,,,,,,,,,العم ينادي عسل يا سمسمية’’’’’’’’’’’’’’’’’



اسهري مع زين يا نجوم الليالي,,,,,,,,,,,,,,,,,تعي نسكر تعي نغني ليالي

اشربي كاس النصر طيب شرابو,,,,,,,,,,,,,,,,,,اسكبيلي خمر بزرعلك دوالي

وعندما ما بتقشعي الكاسات طابو,,,,,,,,,,,,,,,ولعب فيي الخمر وارتاح بالي

النظر بيصير يقشع عا جنابو,,,,,,,,,,,,,,,,,,,,,,,,الجمل برغوث والنملة غزالي

اتركيني وللفلك شقي عبابو,,,,,,,,,,,,,,,,,,,,ارجعي مطرح ما كنتي ولا تبالي

وأخونا الشيخ حنا مين جابو,,,,,,,,,,,,,,,,,,,,,,,,,,,,,تايوقف وقفة المارد قبالي

إجا يهاجم أسد في قلب غابو,,,,,,,,,,,,,,,,,,,,,,,,,,,,,,,إجا يقهر إلاه الارتجالي

لو ما الضيف غالي عا صحابو,,,,,,,,,,,,,,,,,,,,,,ولو مالسيف متل الضيف غالي

تا خلي الموت يشحنلو ترابو,,,,,,,,,,,,,,,,,,,,,,,,,,على البترون بكياس النخالي




,,,,الافتتاحية المقبلة افتتاحية زين شعيب مع أحمد السيد في سينما الزهرا

[عمر]

لك الله يسلم إيدين يل كاتب عن الزجل
أنا بشكرك كتير و بكرك كتير على الموضوع ويا ريت تتوسع بموضوع الزجل أكتر
و

[شفيق]

الله يخليك,,,

تكرم عيونك البدك ياه بكتبو بس أنا وقفت فكرت أنو ما حدا بدو يقرا خلص من اليوم برجع بكتب افتتاحيات وحفلات و,,,وفي كتير مشاركات زجلية بهالموقع إذا بدك شوفن بالقسم الثقافي.


شفيق

[صقر]

سلم دياتك هيك مواضيع أكيد بتكون حلوي بتمنا الزياده لأن في كتير محبين للزجل بيفوتو لهون على مشتاوي
...........................................شكرا

[شفيق]

محاورة زجلية بين خليل روكز وزين شعيب وكان بالحفلة الشعراء أحمد شعيب وخليل شحرور::



زين::

جابوا خليلييين في ليل الظلام*********بمسرح شعيبيين عالمسرح عظام

ان كنوا خليلك متل صاحبنا خليل*******افرش بعين الشمس يا أحمد ونام


خليل::

جابوا خليليين مع أحمد وزين ******** يا عين صبي دمع عا هالعينتين

حط إيدك في يديي يا خليل ********* وبيع شعيبيات عا اسم التنين

زين::

ان قلت الشعيبيات ما بينذم زين******* زين الخلق زيني لشرع الأمتين

نحنا شعيبيات قصر المعرفي********* وأنتو خلقتو خل في روس التنين

أيضا:

من شي قدر شهرين كنا يا خليل******* في أرض سن الفيل سبع بجنب فيل

واليوم مش رح روح من هالسينما******* تيصوروا القاتل على جنب القتيل


خليل::

أنتو الشعيبيين ملوة كل عين *********** ونحنا الخليليين مركزنا تنين

لوما الخليل ما تكون الخل الوفي******* ولوما الخليل اختل شرع الأمتين

أيضا

ربحك قبالي سوكرو من المبتدا ******** لو قتلتني بتخلد على طول المدى

لكن أنا لو بقتلك بخسر كتير ********** بحمل جرم وبكون مش قاتل حدى

زين::

البيكون عندو ورد ما بيرشق كلل ********* وان راد تا يعطي مواعظ للملل

قالوا الخليل باني شريعة أمتين ******** بهني شرع مكن أساسو عالخلل

أيضا

لو قتلتني في قتلتي بتخسر كتير******** وبتكون مش قاتل حدى قاتل ضمير

بموت بالجمعة الحزيني الخاتمي*********** وبقوم مع ياسوع بالعيد الكبير

خليل:

بكلمة خلل سر الرجولية انتشر ******** وهيدي عوايد كل شخص بينحشر

لو ما الخليل يشيد مكة مكرمي*************بقيت الأصنام معبد للبشر

أيضا

بقتل الضمير ما زال تا همني إلي *********عاهالضمير الفيك يا ليلى انخلي

قبلك قتل لصين عا جنب المسيح ********* صاروا تلاتي بحضرتك يا بو علي

,,, التتمة لاحقا

[عمر]

الله يسلم إيديك يا شفيق على هالمشاركات الحلوة بس يا ريت تراسلنا على هالإيميل وتعطيناإيميلك
tanan8@hotmail.com

[عمر]

يا عشاق المعنى في وطنا*************** أنا شايف الزجل مظلوم عنا
أومو تاننشر للزجل إعلان هون ********** بركي بيستفيد الزجل منا