بأرض الشعر ياراجح ويوم السّبَق=كل مين قدّم لون عَ فْكارو انطبق
مرّات فاحت كلمتك ورد وحبق=مرّات باب الموهبه بوجهك طبق
الشعر بالدنيا طبق والمشكله=شو رح تقدّم للخليقه عالطبق

ياشعر لولا عالتحدي صاح ديك = بتعرف خيول العبقريي من الدبيك
ومروان عمتسأل على المنبر نبيك = شو رح يقدم للعدوّ وللشريك
بقدم عقارب ساعة الشعر الجديد = وبترك عقارب بوعلي* تَ تـْغزّ فيك

جايي أنا إروي الحقول الماحلي=ولاعب الغيم اللي بسمانا معتلي
بَوّس العين ال بالدموع مغَسّلي=وهدهد القلب اللي بحياتو مبتلي
ودقّيت عابابك متل نسمة هوى=بتقوم تحكيني بعقارب بوعلي

المشاركة الأصلية كتبت بواسطة مروان جايي أنا إروي الحقول الماحلي=ولاعب الغيم اللي بسمانا معتلي بَوّس العين ال بالدموع مغَسّلي=وهدهد القلب اللي بحياتو مبتلي ودقّيت عابابك متل نسمة هوى=بتقوم تحكيني بعقارب بوعلي

دقدق على بوابي وانطر حدّها = قبلك حسن بنوت إيــدو مدّها
وهيدي العقارب بوعلي بيشدّها= وكـمّـاشـتـو للقرصنه بيعدّها
لكن (ع قارب )راجح بْ بحر الجمال=لولاطلعت ,رحلة عمر بتعدّها

من ريحة الدّخنه عرفنا نارها=ومن ورقة الزهره عرفنا بذارها
غيومك بعد مابيّنت أمطارها=عرفنا أصولا وبحرها وسرارها
مازال في عندك بحور من الجمال=ليش هاجرو من شطوطها زوّارها

المشاركة الأصلية كتبت بواسطة مروان من ريحة الدّخنه عرفنا نارها=ومن ورقة الزهره عرفنا بذارها غيومك بعد مابيّنت أمطارها=عرفنا أصولا وبحرها وسرارها مازال في عندك بحور من الجمال=ليش هاجرو من شطوطها زوّارها

القلبو حجر, بالحب مش رح يلتقى = مهما بنهر الشاعريي ينسقى
ويللي بشوكه من الجهل عينو فقا= مش رح بيقرا أبجدية زنبقه
ومن هيك حوا وآدم بحسب الكتاب = هجرو السما وعالأرض نزلو للشقا

لا تذم يلّي هاجرو وترْكو المكان=هيدا ناموس الكون عجبين الزمان
شوف النوارس كل سنه بتهجر كمان=حتى تصون جيالها وتبقى بأمان
ولو ما هجر آدم وحوّا من السما=مابان بقلوبن حنين ولا حنان

المشاركة الأصلية كتبت بواسطة مروان لا تذم يلّي هاجرو وترْكو المكان=هيدا ناموس الكون عجبين الزمان شوف النوارس كل سنه بتهجر كمان=حتى تصون جيالها وتبقى بأمان ولو ما هجر آدم وحوّا من السما=مابان بقلوبن حنين ولا حنان

الوقت لمااشتاق للماضي نصب = فخّ النّحو وبفتحة الفعل انّصب
ولما نسيم الروح عالشّوق انغصب = نمّل حنين قيامتو لحن القصب
وهيك الوجع لو رفّ ع راس الغصون = بدّو يغطّ ن بنّجو جذر العصب

حَسّن ياراجح هالقوافي القاصره=ماني معك جايي تَ إلعب باصره
الأشواق للروح المحبه عاصره=وبتظل بالمهجر القلب مْناصره
وبْدونها من الرّحم لا هاجر جنين=ولا كان خِلْق الناصري بالناصره

المشاركة الأصلية كتبت بواسطة مروان حَسّن ياراجح هالقوافي القاصره=ماني معك جايي تَ إلعب باصره الأشواق للروح المحبه عاصره=وبتظل بالمهجر القلب مْناصره وبْدونها من الرّحم لا هاجر جنين=ولا كان خِلْق الناصري بالناصره

بالليـل لمـا سقّـع تـراب الضـجـر =شقّ الحنين الأرض تاطلّع شجر
والدمع يللي بعتمة صخورو هجر= فجّر حياتو نهر ساعة ماانفجر
وماضلّ الا أنت حجره بْلا شعور=واليوم بدي كسّـرك متـل الحجـر

تْركني حجر مع إخوتي بقلب العَمار=يلّي الهَرَم بيناتهن حط لسرار
فيّي اختبتْ لفنون وعلوم لكبار=وعا جبهتي بتِقرا عن جدودك خبار
بتظَل حجره بْلا شعور بهالدني=أحسن من شْعور وبِكَسّر بالحجار

المشاركة الأصلية كتبت بواسطة مروان تْركني حجر مع إخوتي بقلب العَمار=يلّي الهَرَم بيناتهن حط لسرار فيّي اختبتْ لفنون وعلوم لكبار=وعا جبهتي بتِقرا عن جدودك خبار بتظَل حجره بْلا شعور بهالدني=أحسن من شْعور وبِكَسّر بالحجار

اتركني أنا كسّر حجار مدهّبـي = بتمثال باع النفط ت يكوّم عبي
وكسّر حجار عْلى ضريح المكتبه=ت يقوم عاصوتي مسيح الموهبه
قبلي النبي كسّر صنام المشركين = نقّي مابين المشرك وبين النبي

قلبي انفطر عَمحبة العقل الأبي=نْ كَنّو نبي ولاّ قليل التجربي
وبين النبي والمشركين، بمذهبي=هيدي قضيه واضحه ومْبَوّبي
لولا العتم ماكان في نور انتشر=لولا الكُفر ما طَل عالدنيا نبي

المشاركة الأصلية كتبت بواسطة مروان قلبي انفطر عَمحبة العقل الأبي=نْ كَنّو نبي ولاّ قليل التجربي وبين النبي والمشركين، بمذهبي=هيدي قضيه واضحه ومْبَوّبي لولا العتم ماكان في نور انتشر=لولا الكُفر ما طَل عالدنيا نبي

مين قال لولا العتم مافي نور, روح = دوّر عألله من الأزل موجود روح
بتضوي الدني,وبالعتم لولا ناح نوح=وحبّيت أنتي تنوح متلو روح نوح
العتم نقص النور, والطوفان فيك = وفلْك للي داوى جرح بيداوي جروح