حرف منقّط لا تخلّوا

**عصام يوسف** · #1 08-02-2008

طلّوا عالســـاحه طلّوا *** و حرف منقّط لا تخلّوا
لو غربلتوا نجوم الليل *** بس حــروفي بيضلّوا

**عصام يوسف** · #2 08-02-2008

عصــــــام هلال الإلهام *** الإله و موســــــى كلّم
لطـــموحو علّوا الأعلام *** لعســـكر روما ما سلّم
لو طلّ و سَل الصَمصام *** وعَ الرمح السَمهر سلّم
الدم الأحمر سال و عام *** و ملّـى هَالعــــالم كـلّو

معمحبّتي بلا نقط

شفيق · #3 10-02-2008

لـو علّو أســـــعارك روح **** دوّر عا أوســـــع مطرح
وعا الإهرام وراسـو لوح **** وعمّر مصرعْلى المسرح
ولوما السـاح مدل طموح **** الرمح على صدر مرحرح
أعداءو عادو والـــــروح **** مع دمــــــع المدمع صلّو

بيدق · #4 10-02-2008

لو علّو أسعارك روح****دوّر عا أوسع مطرح
وعا الإهرام وراسو, لوح****وعمّر مصر على المسرح
ولوما الساح مدل طموح****الرمح على صدر مرحرح
أعدائي عادو والروح****مع دمع المدمع صلّو

================================================== ====
لكل جواد كبوه ......... حبيبي شفيق لا توخدنا هه ..... حبيبي إنت

================================================== ===

شفيق · #5 10-02-2008

كمشتني والله يا بيدق ...
هلق كنت فايت صلحها

بتمنى من عصام يحطلي ياها ...

أعداءو عادو والروح

شكرا
مرقوا دخيلكن

بسطاطي · #6 14-02-2008

مهــــما حـــط العــدل وطــار ..... وراح وأعــــــلامـــو لاحـــــــو

طهـرو هـدّم صــرح العــــار ...... وكسّــــــر عالصّـــدر رمــــاحو

لحــــملو أحــــلام وأســـــرار ...... وآلام الدهــــــــــــر وراحـــــــو

عـــادو أحــــرار على الـــدار ...... لــو مهـــــما طــــــارو وعــــلّو

------------------------------------------------------------

مروان · #7 18-02-2008

لمّا سِمْع الورد الرعْد=مال الورد عْلى الموّال
راح الهمّ وطلّ السعد=وصار الموسم أحلى حال
كل واحد واعدلو وعد=وللواعد عادو الآمال
سلمى وصالح عَمْر ودعد= وأعراس الموسم هلّو