لو كنت مطرح إيل
بخربط .. بْحط .. بشيل
بْزوزق عَ مهلي الكون
من دون ريشي و لون
و بنحت بلا إزميل
"لو كنت مطرح إيل "
و بختصر من هالدني أعوام
و إيّام بتبكّي
و يلّي بقي عليهن سبع تيّام
بخلقهن بتكّي .
بشعشع بلا شمس و بلا قناديل
"لو كنت مطرح إيل "
بتلّي الدني حلوين
يشعّوا حلا
و بلغي الصلا
و بقول .. ما بدّي تصلّولي
صلّوا قصايد شعر للحلوين
و تلّوا الدني مواويل
"لو كنت مطرح إيل "
بنزّلكن أحلى سما
بتستاهلوا إنتوا يا هالشعّار
عطيتوا الحلا منكن غمار .. غمار
و بفهم عليكن بالوما
ما كنت بنطر "تطلبوا تا توجدوا"
بعطيكن عيوني
و عمري و حلا ظنوني
و ما بقلّكن ليّي تعوا
لعندكن وحدي بجي
ووقت اللي إنتوا بتتعبوا
عنكن هموم بشيل
" لو كنت مطرح إيل "
إيل القديم بحاكمو
و بحاسبو .. عا كل أعمالو
و بلغي جميع مواسمو
و بحط شاعر عبقري بدالو
يغنّي الكحل و الميل
يتلّي الدني مواويل
" لو كنت مطرح إيل "
يابسطاطي
ل بغيم الروح ساقف
الحياة ..وفي الك منها
مواقف
بشاقوف الوحي ..وقدام الله
كنت صخر الخلق
بالنص شاقف ..
رسمت دنيا جديده
بلون خلى
القمر عالريح .. أصبع حب عاقف
وكتبت كتاب دين
الأرض علّلا
وصارت كوكب ومهما يشقلب
بحضن الكون بدو يضل واقف
