يكفي حاجتنا غناني = وما طوّلنا
حاجتنا صف معاني = شو حصّلنا
العالم صارت نعساني = ونحنا تعبنا
وصلنا للساعه تماني =وقفلوا الميدان
من السهلي ما في قومي= يا منشّيها
إلا بدعوى محكومي= وتكفّيها
ورسم شهادي مختومي= وامضاك فيها
إني شاعر من يومي = سحرت العربان
تطلّع نحوي تطليعه= وقلّي مينك*
ومن أيَّ عيله* وْضَيْعه= وما هو دينك
وخوذ شهادي بتوقيعه= تكرم عينك
من دون حكم وشريعه= وقاضي وديوان
أصل النسبي فغاليي= من بيت "بو صعب"
من ديار الشحروريي= من أنمى شعب
وجهي مرايه مضويي= وخسوفو صعب
تطلّع بتشاهد بيّي ="خليل سمعان"
شو هالقصّه يا إبني= عني تغبّيت
بعلمي ما بدك تبني= من كاري بيت
الليله سحرك شيبني= وفيك انغشيت
بيظهر بدك تتعبني =يا "بو قبلان"

بربح للقنديل جميل = مش تايشفلك ويشفلي
لولا ما لاقي القنديل= ما كنت حضرت الحفلي

يا بني ل رجال الالهام = قنديلك كلّو مروّي
انشالله بتوصل عا إيام= متل القنديل تضوّي