معايير جمالية جديدة

**عصام يوسف** · #1 09-01-2008

لَ كل الأخوي الزوّار ...لمنتدى مشتاوي :

رح وضّح نقطه مهمّه كتير بالنسبه للمشاركه بقسم الزجل ...
جرت العاده بكل المنتديات ... عا كترتها ... استخدام النمط التقليدي الرتيب الممل بالتعاطي مع
الشعر و الإبتعاد عن الخلق و الإبداع .. لدرجه ..كتير من الناس صاروا لمّا يشوفوا موضوع أو مشارك شعريه .. يبتعدوا عنها ... و بما إنّو نحنا بموقع مشتى الحلو الأول اللي بيستقطب جمهور كبير على مستوى العالم ... كان لا بد من الإرتقاء للأحسن و القيام بقفزه نوعيه بقسم الزجل .. على أمل المتابعه ببقية الأقسام ...
و لولا هالقفزه النوعيه اللي بادرت فيها الإداره مشكوره .. الأخ رامي و الأخ طوني ..و الأخ أنهل

ما صرنا نشوف هالكم الهائل من الشعراء و الزوّار من سوريا و لبنان و فلسطين و كل دول العالم ... اللي تركو كل المنتديات و تمسّكوا بمشتاوي .. رغم صعوبة الثبات و البروز فيه بقوّه

لذلك بدعي الكل يتفهّموا هالنقطه .. اللي بيحب يبقى و يتمتّع بلذّة الصعوبه .. أهلا و سهلا فيه
و اللي بيحب يروح الله معو ... بالرغم من إنّو كتار قالوا رايحين .. و المصيبه ما بيتزحزحوا من عنّا.

مشتاوي رح يبقى الأول بإدارتو .. بجماهيرو ... بالخلق و البدع المستمر فيه

معلش اللي مش معوّد عَ الجديد الحلو ... معو معو بيصير

فاتحمعمحبّتي

slayman · #2 09-01-2008

اقتباس:

المشاركة الأصلية كتبت بواسطة فاتح

لَ كل الأخوي الزوّار ...لمنتدى مشتاوي :

رح وضّح نقطه مهمّه كتير بالنسبه للمشاركه بقسم الزجل ...
جرت العاده بكل المنتديات ... عا كترتها ... استخدام النمط التقليدي الرتيب الممل بالتعاطي مع
الشعر و الإبتعاد عن الخلق و الإبداع .. لدرجه ..كتير من الناس صاروا لمّا يشوفوا موضوع أو مشارك شعريه .. يبتعدوا عنها ... و بما إنّو نحنا بموقع مشتى الحلو الأول اللي بيستقطب جمهور كبير على مستوى العالم ... كان لا بد من الإرتقاء للأحسن و القيام بقفزه نوعيه بقسم الزجل .. على أمل المتابعه ببقية الأقسام ...
و لولا هالقفزه النوعيه اللي بادرت فيها الإداره مشكوره .. الأخ رامي و الأخ طوني ..و الأخ أنهل

ما صرنا نشفوف هالكم الهائل من الشعراء و الزوّار من سوريا و لبنان و فلسطين و كل دول العالم ... اللي تركو كل المنتديات و تمسّكوا بمشتاوي .. رغم صعوبة الثبات و البروز فيه بقوّه

لذلك بدعي الكل يتفهّموا هالنقطه .. اللي بيحب يبقى و يتمتّع بلذّة الصعوبه .. أهلا و سهلا فيه
و اللي بيحب يروح الله معو ... بالرغم من إنّو كتار قالوا رايحين .. و المصيبه ما بيتزحزحوا من عنّا.

مشتاوي رح يبقى الأول بإدارتو .. بجماهيرو ... بالخلق و البدع المستمر فيه

معلش اللي مش معوّد عَ الجديد الحلو ... معو معو بيصير

فاتحمعمحبّتي

صباح الخير خيي فاتح لأنو عندي صباح
أخي فاتح بعرف أنو نيتك طيبي وما في شك عندي بس بحب ألك لو الكل شعراء تجريديي
كنا عايشين بالجني متل مانك بحاجة للحجر الملطش كذلك الأمر بيحاجي للدبش
حال سازج ...وغيرو
أنا معك من حيث حذف كل شي منافي للأخلاق وبشكرك عا مراجعة بعض المواضيع وبتمنى عليك تتابع
التنضيف بس لا تعمل متل ما عملو بيكوبا وقت الثورة
أجوا تا يزرعوا القمح مدري الشعير ويقيم ثورة الحاكم بلا الأسم
ثورة زراعيي وقال للشعب يلا بلشو نضفوا الأرض والعالم متحمسي بلشو يشلطو ها المزروع
منشان يزرعوا محلو قمح وشعيير
ومع الأسف ما كانو عارفين أنو عم بيشيلو قمح وشعير
يعني أنا حبيت خبر هيك خبريي أخ فاتح مش لشي ألا للتنبيه
لا تعتقد حكم أو أدارة رح تكمل مظبوط بلا معارضة وهدف المعارضة هو التصحيص لمسار الحكم أو
لمساعدة الأدارة
وبالنسبة للي عم بتقول رح يتركوا وما تركو لازم تفرح مش تستهزل لأنو صدق ولو ما بيحبو مشتاوي كانو فلوا في
ناس عندامقومات المقاومي للشياطين الشرعيي متل راجح حبيب القلب
وفي ناس ما بتقدر تتحمل مزحة يمكن تكون سميكي المهم النييات
أنا من جهتي بطمنك ما رح فل ألا ما تكحتوني لأني سميك وتقيل الدم
وبنصحك يا مشرفنا المحترم لا تلغي المعارضة بترجااك
لأنو المنبر الزجلي مش كلو موسى زغيب والزغلول
كانوا أدواروطليع وبطرس ديب وجريس الخ.....؟
وحتى كان وبعدو غير شعراء انا ما بعتبرن أثر وتركو بصمات شعريي
بس الدني أذواق وأذا بدك شعراء كاملين مش موجودين هون بأكدلك واذا بتحب الشعر بتحب الله أكيد
في ناس راسلوني صدقني تعلقو بالشعر وبدن مساعدة ليش تكون قاسي عليهم
حط شروووط بالمنتدى وبالتسجيل
وقسم يعلم أصول النظم
أما بالنسبة للقصيدة انا بتعرفني ما بحب المهاترات الشعريي ببعتلك ياها عا الخاص
منشان الأحراج وما يدخل حدا وتفهم القصة غلط
وانت عندك ضميير وبتركك لضميرك
خييك أبو شربل

بيدق · #3 09-01-2008

الأخ فاتح :
تحيه وبعد
التجديد والخلق والأبداع سمات مطلوبه في أي عمل أدبي
وكتير مهم وجود مقاييس ومعايير بتضبط هالسمات
لكن عندي كمن سؤال
ماهي هذه المعايير
وما هو الضابط لها
من الذي يقرر صلاحية الماده الأدبيه للنشر في هالمنتدى
من هم القيمون على هالموضوع
هل يملكون أدوات الحكم على ما يصلح أو لا يصلح للنشر
أرجو الأجابه على هذه التساؤلات

ويا ريت تترك الأشراف صار يأثر على شاعريتك .............
خليك هرم شامخ
بيدقمعمحبتك

Sageh · #4 09-01-2008

شو قصتك يافاتح الفهـــــــمان
عالأرض جيت وجنــّـــــــك تــأنّس
حاجي بيكـــفّي تمسح القصــدان
تركنا بهــــالقصـــــــدان نتــونّس
انضليت تتفــــــزلك على الألــوان
بيصيـــر لــــون ( الفاتح ) مونّس
انضليت تمسح هيك كيف ماكــان
وبتــــــدعّي هالموقـــــع مــدنّس
خايف ماجبلك مكنســــة بـــــــلان
وأول مافيـــــــــها أنت تتــكنّس

__________________________

**عصام يوسف** · #5 10-01-2008

اقتباس:

المشاركة الأصلية كتبت بواسطة بيدق

الأخ فاتح :
تحيه وبعد
التجديد والخلق والأبداع سمات مطلوبه في أي عمل أدبي
وكتير مهم وجود مقاييس ومعايير بتضبط هالسمات
لكن عندي كمن سؤال
ماهي هذه المعايير
وما هو الضابط لها
من الذي يقرر صلاحية الماده الأدبيه للنشر في هالمنتدى
من هم القيمون على هالموضوع
هل يملكون أدوات الحكم على ما يصلح أو لا يصلح للنشر
أرجو الأجابه على هذه التساؤلات

ويا ريت تترك الأشراف صار يأثر على شاعريتك .............
خليك هرم شامخ
بيدقمعمحبتك

يا أخ بيدق .
من مقومات الشعر على سبيل المثال لاالحصر :

الخلق : أي صور جديدة وفكر جديد
الخيال: لأنو الشاعر بلا خيال كسيح
الجمال : لأنو الشعر بلاجمال من الشيطان
الكهربا :واذا الكلمة مابتكهربك مابتتذكرها ولابتشتقلها
أما الوزن والقافية : فهما من أبسط الأمور ولكن مابيكفو
اذا القصيدة مافيها صورة جديدة أو لوحة جمالية أو فكر مشعشع فهيده قصيدة خلقت ميتة ..
أسلوب القصيدة وانسكابها وتدحرجها مهم جدا لأنو القصيدة سجادة بدها بالاضافة للخيطان ايادي ماهرة
بالحوار: لازم يكون في شي جديد , في حركة , في دم عميتحرك , واذا في صلابه وقساوي المفروض مايكون في قلة أدب . العنفوان مسموح بس مش الاهانة والشتائم
السرقة : جريمة ولاسيما وقت بتشوه الأصل ومابتطورو

باختصار : الشعر طوفة جمال ويللي مابيعرف يسبح لا يجرب يطلع من بيتو ..فيه يتفرج من الشبابيك ..وفيه يكتب ويخزق ووقت بيطلع شي حلو بينشر ووقتها منزقفلو ومنعطيه كرسي ..

فاتحمعمحبّتي