جسمِك لبّيس

**عصام يوسف** · #1 26-12-2007

يَوم اللي شاف خيالك *** جسـمِك لبّيس
علّم لِمْـــرايه قــــبالك *** تِشلح و تْقيس

شفيق · #2 29-12-2007

بخيـــــالات التنــــــــّورة***** تفيّــوا الأحلام
من مشــتانا المســـحورة***** لحـدود الشّام
ومن بـــاريس المشـهورة***** طـــار الإلهام
يسحب عنّك شي صـورة***** لمتحف باريس

هب الريح · #3 30-12-2007

قـــــــلبي كان عْلا دقرا **** من صدري طار
لمّا من خـــــــوابي فقرا **** داق الخـــــــمّار
و كفّي عا خصر الشقرا **** المكــــتوب بنار
متل الأعـمى لْ ما بيقرا **** إلا تلمـــــــــيس

بسطاطي · #4 30-12-2007

صــدرك متل تسونامي **** طــرطش عالبــدر
وفوق شـواطي أيامي **** عــم يهــدر هـــدر
بين دوّامــي ودوّامــي **** ع غصون الصـدر
بينداق التوت الشّــامي **** وحبــوب الــّديس

بسطاطي · #5 30-12-2007

شِعري ع شَعرك شاكل **** عيـــنو غمّـاز
و قلبي العـاملي مشاكل **** جـرحو نــّزاز
شفافك صـارت تتـــآكل **** من هاجن داز
و هالبوظــة ما بتتــاكل **** إلا تلــحـيــس

**عصام يوسف** · #6 30-12-2007

شـَــعرك بيرد بْرادي *** و بيطــــل نهار
متل اللحـن لْ بيدادي *** فـــــوق الأوتار
بعـــيونك دير عبادي *** و هيكل اسـرار
وهمسك عَ تم الوادي *** صوت نواقيس

بسطاطي · #7 31-12-2007

شَعرك طــارو دبابيسو **** وجنّو اللّوحـات
وأطلق كــل محابيسو **** ســــجن اللذّات
جداديلك نــزلو يقيسو **** خصور الوردات
وصارو كِف مابيميسو **** الزنبــق بيميس

شفيق · #8 01-01-2008

محبســة الّديــن عطيـــها **** مســبحة زهــور
تقــــدّس عظمـــــة باريها **** بشـــــمّ المنتـور
وبشـــــارط لـــو زرتيــها **** ومرّيتــي مـرور
كنّــــو القــــدّيس الفيــها **** بيبـــقى قـــدّيس