كل ما يا باسم دهرك عليك اعتدى=بحر الظلم ما تقوقع بصدفة هدى
مو مشكلة لولا كنت صوت وشدى=المشكلة أنو قبلت حالك صدى
كنّا إذا قعدنا عشي جمعة غدا=تهربو وبثانية تقصّو المدى
وعنّك رفيقك يحمل ضروب الردا=وتطلع براسو تا رفيقو ينفدا
وهلق يا باسم ما حدا صلّى عليك=شفلك ان كنّو عليك بيصلّي حدا

حلك من السكرة يا صاحبنا تفيق = لنك أمير و لا أنت شاعرعريق
و معلمي النسر ال بأفكارو طليق = خلا بذاكرتك جرح مزمن عميق
ولما بعرس صاحب لنا بمسبح عريق = عزمناك صوتك ليش تا صابو الخنيق
شادي بقلك كيف حتى بلعت ريق = كيف رجعت عابيتك بدمعك غريق
هيدي جزات المفتكر حالو عتيق = وكل أهل المنتدى بظرف الدقيق
صلو تايحمي الرب شاعر عبقري = وصلو عاروحك حد مني يا شفيق

معلّمك نسر الهريبة الأولي=زرزور عرّم جانحو عالمقصلة
وتكسير أوزان وجهالة وبهدلي=وتقليد زاد البلبلة عالبلبلة
والصار بالعرس البشر شهدو إلي=فجّرت قنبلتي وما هدّى القنبلي
بحيلة بلفني وواضح هروبو جلي=بسلطان باشا الأطرش وصالح علي
لمّا غمز صاحب العرس المنجلي=تا هرّبو من انفجار المرجلي
بواب الصبر سكّرتها ويا سنبلة=ضلّي اهربي اخرتك على منجلي
ومو بسّ يللي علّمك عالترغلة=اللي علّمو والشّرقو سمّو وبلي
بالغصب عن دقنك ودقنو المبتلي=سيّد المنبر مهنتي وأكبر ولي
ويللي إلك صلّو بحكم المتولي=صلّو إلك نار وصلَو جمر البلي
وقالو إلي لو شفت صلّ بيختلي=راسو وديلو قصّهن عالطاولة
والبل وصّل دقنك وجنب الحنش=قبرك فتح حالو يا أكبر مهزلة

وين الرضي يجمع دراري المرتضى=ويعرف بأنو الارتضا غير الرضا
ويشوف جمرات الغضا كل ما مضا=حرقت على الأرض وما حرقت بالفضا
ويا فاتح اعذرني إذا عمري انقضا=وما عرفت اكبر غير عا جمرة غضا
احكمني على ذوقك ولا ترحم شفيق=ما زال أنت الحاكم وأنت القضا

قَلي زماني بحكم فلسفة الظروف=رفوف المكاتب فوق أجنحة الرفوف
وكل ما سواد العين بلّش بالكسوف=اكتب عقلبك اسم فاتح تا تشوف
ويا فاتح, وراق القصايد بالألوف=ومن كل بيت جمعت هالقلب العطوف
ويا ريت قلبي كان بيت من الوراق=الخزّقتها وخلقت بقلب الفيلسوف

يا فاتح الدوّبت أوتار السكوت=نغمات عذريّة عشفّة عشتروت
مزبوط حكيك لازم الكلمة تفوت=عالقلب حتّى تنطبع فوق الكروت
بسّ المصيبة ان ضلّت بقلبي الثبوت=من وحدنتها بفزع عليها تموت
ون طلعت على الشمس بيصيروا البشر=يتسابقو يحكو على بنت البيوت

ال متلك غرور الكون عافكرو لفا = يفتكر أنو روكز بشعرو طفا
قبلناك النا خيي بليالي الصفا = وبالرغم ما تظهر كنت النا الجفا
بقينا الك نظهر من الطيب الوفا = بس الحقد من قلب قلبك ما اختفا
اعذرني بحيث عرفت انك يا شفيق = لا بالوجه بتصونا ولا بالقفا

يا بنت الشعر والنيّة النبيلة=جميلة عرفتك وبعدك جميلة
قلت عنّك:: ( يا أجيال اعرفوها=هيدي فجر يستقبل رحيلي)
هيدي من محطّات الألوهة=مع الوردة مع النسمة العليلة
البداية أمّها وفاتح أبوها=وسليلة مجد يا نعم السليلة
كنت خلي عيوني يقابلوها=وما وفّر للقرب منها وسيلة
انتهو سنيني وما قدرو يودّعوها=رجعت ليها وعجيلي بنيت جيلي
ويا فاتح عاودوا سنيني وعطوها=المحبّة والتسامي والفضيلة
ورغم كلّ السنين النطّروها=طمّن بالك عليها يا فاتح