حورية بحـــــر.....

عمر بن أبي ربيعة · #1 23-08-2007


	حوريــّة البحرْ...... نزلتْ .... على شط ّ البحرْ بنت الهوى و النـــــــورْ جن البحر بيشيبتو و البحر صار بحــــــورْ الرمل انزرع عحفاف إجريها و نام الدفا بصابيع إيديها من لمسة الإيدين رسمت عالرمل شتلة .... انشقّ الرمل من تحتها منتــــــــورْ عانق جسمها الزبد.. و تنهدوا الموجاتْ... و هاج البحر و المي عم تحلى نسيوا الشمس والفي ّ و اللي خـِفي أحلى.... فنجان قهوة سكر زيادة و يمكن عنب معصورْ... السمكات مرّوا حدها غاروا و لولو الصّدف عشقان عشتارو فينوس طــّلتْ عالزّبد صدفة فاق الزبد من بعد نوم دهــــــــورْ نيـّال موج البحر بحمرة شفافك والشعر شلال انسدل غفيان عكتافك جنوا عيوني صِحتْ يا رب ّالسما.... عمرك شفت عاج انسكب عاصفحة البللــــــور ْ.....! د محمود إسماعيل خليل mimodentist@aloola.sy