زغلول يا زغلول بلش بالهديل=وخلي أصيل المنبر يخاطب أصيل
عاشرت جيل للي مضا وطويت جيل=وكان بو علي عا منبرك أول زميل
بلشت دربك بالزجل مع بو علي=ومع بو علي رح تختم الدرب الطويل
عا منبري انكنك يا ناوي تعتلي=وتطلع وتتمرن معي مش مشكلي
لاكن اسمحلي قلك بهالمرحلي=كلمات عا شريط الاذاعه مسجلي
بدك كتير كتير تعصير وغلي=وتنشير عا حبلة غسيل مجدله
وبالمروانيه ترجع من الاولي=تخلق من جديد وحياتك تنجلي
وتقعد بظل جوانحي خمسين عام=تا يصير عندك ربع شهرة بو علي

يا جوانح الزغلول صرتي مهلهلي=ولا عاد فيكي تطلعي ولا تنزلي
ما كان ناقص غير طير الترغلي=يفيي عليي وعا سميي بو علي
يا جبال ميدي ويا حصون تزلزلي=غاب الولي عن منبرو وطل الولي
زغلول قضى زين طول المرحلة=ينتف بريشاتك عا منبرنا العلي
وفي بعد عندك كم ريشة بجانحك=المرحوم زين شعيب دشرهن إلي
يا بو علي تركني بلا هالمهزله=يما بخلي الارض فيك مزلزلي
الاشعار ما بتحتاج ضجه وبلبله=بدها قوافي بالعطور مبلبله
وياريت فيك تزورني عا منزلي=وتشوف كم آيه عليي منزله
ومش بس مر الصبر من صوتي حلي=كروم الزجل كانت بدوني ماحلي
وحيثك انت جايي بطريقه معجلي=ولا خرج للشعر ولا خرج المرجله
من جوانحي انفلتت شي ريشه بالغلط=بتوصلك من هون لديار البلي

المشاركة الأصلية كتبت بواسطة حسن بنوت يا جوانح الزغلول صرتي مهلهلي=ولا عاد فيكي تطلعي ولا تنزلي ما كان ناقص غير طير الترغلي=يفيي عليي وعا سميي بو علي يا جبال ميدي ويا حصون تزلزلي=غاب الولي عن منبرو وطل الولي زغلول قضى زين طول المرحلة=ينتف بريشاتك عا منبرنا العلي وفي بعد عندك كم ريشة بجانحك=المرحوم زين شعيب دشرهن إلي

زغلول قضى زين طول المرحلة=ينتف بريشاتك عا منبرنا العلي
وفي بعد عندك كم ريشة بجانحك=المرحوم زين شعيب دشرهن إلي

المشاركة الأصلية كتبت بواسطة حسن بنوت وياريت فيك تزورني عا منزلي=وتشوف كم آيه عليي منزله ومش بس مر الصبر من صوتي حلي=كروم الزجل كانت بدوني ماحلي

نار وبلي وجمر وجحيم وزلزلي=ما خوفو ابن الجنوب العاملي
الفجـّر بصدرو القنبله عالقنبلي=مش رح بيهتل هم ريشه مزغللي
زغلول هالدنيا صليب وجلجلي=وهجر وشقا عالمؤمنين مسجلي
تلاتين عام بغربتي بغلي غلي=ناطر جناح الحرب عنا تنجلي
ديار البلي وغربه سوا بذات العذاب=وما بتفرق الغربه عن ديار البلي
وينك يا بنت الشعر شعرك جدلي=واحكي المزح للغير خلـّي الجد لي
من خزانة العرسان قومي تبدلي=مش عادتك تتغيري وتتبدلي
يا نجوم أصغي ويا زغاليل اهدلي=موقف حسن بالشعر عزمي هدّ لي
أرض الجنوب العاملي بمعدلي=تا صونها بفرغ بصدري معدلي
قبلك أنا بغربة بلدنا مبتلي=وما بتنشف جروحو تا ترجع تنتلي
بترابها مش بس دمي بفورو=لعيونها بمرق عا صدري المحدلي

باللام يا حروف القوافي تكللي=ويا نجوم غني ويا كواكب هللي
ووينك يابنت الشعر قومي تدللي=وفوتي عا قلبي ومن عيوني تسللي
ويا مرجلي لما الرجال تحللي=زيدي المتل زغلولنا ولا تقللي
لبنان أرضك بالكرامه مبللي=حرمت على الاعدا وعلينا محللي
خلقت الك يا بو إيلي وخلقت إلي=وما في فرق بين بو علي وبين بو إيلي
بالغرب أو بالشرق وشمال وجنوب=بتضلها الأرزة علينا مظللي
يا بو علي رجاع لزمان الاولي=بتشوف شعري متل نهر الاولي
آدم بيشهدلي وشهدت حوا لي=بحور القوافي عا حسابي محولي
وقصة زجلنا مش قضيه مدولي=ولو تدولت بتضل مني ممولي
لا تخاف ما عادت الغربه مطولي=منرجع بعد رحلاتنا المتجولي
عوايد ولاد البيت تبرم بالنهار=وترم العشيه بيجلسو عالطاولي

أنا إنسان لبناني بحناني=حنيت الدهر لاكن ما حناني
صدا صوتي بعرس النصر غنا=وعطيت المجد أكتر ما عطاني
أرز الرب عا جبيني تغنا=وسكبني عبقرية من المعاني
وعا شط الموهبة ياما تمنّى=الزمان يكون لحظة من زماني
أنا لما هجرتك يا وطنا=سقيت الارض من دمعي عياني
وتا إرجع عالجمر قلبي استنا=ولهلق بعدني بعدّ الثواني
ما بدي قول مين للي تجنا=علينا وفرق العيله المصاني
انتو بتعرفو شو صار عنا=وشو عم بيصير من فعل الخياني
قضينا سنين بالغربه كأنا=خلقنا لوعة الفرقه نعاني
بتعبنا وكدنا اللقمة عجنا=وغريب الدار ما بيرضى الإهانة
نودي فلوسنا لأحمد وحنّا=اللي هني أهلنا وهني الأمانة
ولا مره سال مسؤول عنا=البيهم تضلها جيابو ملانة
ويا زغلول الانت فينا ومنا=وإلك تقدير حبي وامتناني
ما جايي عليك تا سل الاسنا=ولا أفرم لحمك بحد اليماني
لاكن يا زند للشعر بنا=جايي قلك بصدق وتفاني
ما كنت رجعت زغلول المعنا=لوما تلتقي بآخر حياتك
بلدنا يا وطن جدي وبيي=أنا خلقان فيك وانت فيي
وشعوب الما بتسهر عا وطنها=نعم بتكون ورقه منتهيي
وزجلنا الانعم واسلس وانهى=من البسمه من النسمه الطريي
وأنا وزين المن الترياق أشهى=اجتمعنا عا فرد منبر سويي
زين الكان للمهره برسنها=ان قرصها يرجف عضام المنيي
معو بطولية المنبر دفنها=والو بهالامر شهره عالميي
ويا حضرة بو علي بنوت منها=الك مصلحة زين الشاعريي
لا انت من العجينه للي عجنها=ولا افكارك ولا زنودك قويي
زين الرجف الدنيا بسكنها=أمير وبو علي من الاشبهيي
قوافي البكر عا أسمو وزنها=بميزان الفكر والعبقريي
وكنوة بو علي في كتير منها=ببلدنا والبلاد الاجنبيي
وبهالكنوه للي انت حكيت عنها=إذا اسمك على اسمو مطابق