يا بو علي داعيك عاقد بيرقو = وباب المراجل والتحدي طارقو
تيْعَـ ـرّفك مقدارك بشعر الزجل = وراسك بسيفو عن كـ ْـ ـ ــتافك يفرقو

ما زال حامل سيف مش حامل قلم=بفزع عا حالك في مجالي تنظلم
وراسي علم للمنبر وفن الزجل= ولو راح راسي دولتك من دون علم

بسيف وقلم ما بتفرق الشغله كتير=وتنينهن خلقو لتقرير المصير
وحضرتك من قبل ما تاخد قرار=لازم تشوف بحالتك شو رح يصير

بنوت نحنا حولك منبقى جنود = طلبنا منحضر ما منخلف بالوعود
و هلق يا فاتح يا ابو عينين سود = بتعرف نحن بالمعركة متل الأسود
راح انطرك عاصفحتي شرف و عود = بسحب القلم دخلك يا جاهل لا تجود
لما القلم نرميه عاعيون الغبي = بيصير اعمى كل شخص متلك حسود

حتى القلم ما عرفت كيف تستعملو= ولا سيفك بيلمع ولا زندك ملو
طموحك انحد من الكرم للخابيه=لاكن أنا طموحي نهايه ما إلو

راح جاوبك تكرم انا عاردتك = ولا تفتكر مرة بعد راح فلتك
طفل ال من شفافو الخميري جبتها = هيدا انت يا خيبتك عاعلقتك

بيدق بدي بالمعركه وفاتح نجد=واحد هرب من ساحتي وواحد سجد
ومرق القربان عا شفاف العبيد=تا يعرفو سر الازل فيي انوجد

تكرم انا راح جاوبك عاردتك = ولا تفتكر مرة بعد راح فلتك
الطفل المن شفافو الخميري جبتها = هيدا انت يا خيبتك عاعلقتك

يا حرام الشوم عا هيكي خطاب=بعمرك يا فاتح انت مش فاتح كتاب
كل شغله بهالدني والها مسيح=وشغلة حسن يعمل مسيحك بالجواب