يا فاتح سيوف البلاغه سلها

بيدق · #1 28-03-2007

يا فاتح سيوف البلاغه سلها = لا تضل لاطي في غياهيب ضلها
عقدة غرورك عيفها مـَ بْـ ـتفعك = جايك بيدق تا بشعرو يحلها

**عصام يوسف** · #2 28-03-2007

جاي تحل الشـــمس عا لون الصباغ *** و جاي تحل الجاذبيــــــــــــّة بالفراغ
ما بواخزك , حيث اللّي عم بيحرّكك *** حامل حجر شطرنج مش حامل دماغ

بيدق · #3 28-03-2007

بيـن الـعَـقِـد والحـل عَـلـي رايـتـك = مــا همـنـي ألفـيـن مـتـل حكايـتـك
نقله وْنقله عالهدى الشوط إبتدى = تتشوف يا فاتح عا إيدي نـْـهايتك

**عصام يوسف** · #4 28-03-2007

عا ساحتي لا تفوت يا بــــــيدق حكي *** مش شَطرنِج هيدي رمال محركي
بالأســــــــود بيســــــوَد وج قصايدك *** بالابيض بْتبــــــيض عينك عالبكي

بيدق · #5 28-03-2007

اقتباس:

المشاركة الأصلية كتبت بواسطة فاتح

عا ساحتي لا تفوت يا بــــــيدق حكي *** مش شَطرنِج هيدي رمال محركي
بالأســــــــود بيســــــوَد وج قصايدك *** بالبيض بْتبــــــيض عينك عالبكي

بأبيض وأسود ردتك عنونتها = و ِ بْيات شعرك بالكسر مونتها
رح ساريك كرمال سوِّدْ عيشتك = وْبَـ ـيِّـ ـضْ ليالي بعتمتك لونتها

**عصام يوسف** · #6 28-03-2007

كيف بدنا عالجمـــــــــــال نشجّعك *** و عنــــدك عما ألوان الله يقطعك
حيثك إنت بيدق عا شطرنج الزجل *** بالأبيض و بالأسود محكي معك

بيدق · #7 29-03-2007

مالك عن الموضوع صاير عم تْحيد = بين العقد والحل كان المبتدا
وأبيض وْأسود شوف شو ردك زهيد = ضعفك قبالي اليوم يا فاتح بدى

بنشوفك بكره يا فوفو مع كل الحب باي

**عصام يوسف** · #8 29-03-2007

فاتح بهالموضـــوع أوعى تخيّرو *** و الله اللي متلك بالزجل بيحيّروا
ما زال يا بيدق إنت بيدق صغير *** و قت اللّي بدّي بغيّــرك و بغيّرو

بيدق · #9 29-03-2007

اقتباس:

المشاركة الأصلية كتبت بواسطة فاتح

و الله اللي متلك بالزجل بيحيّروا
---------------------------------------------
حيثك إنت بيدق عا شطرنج الزجل
--------------------------------------------
مش شَطرنِج هيدي رمال محركي
-------------------------------------------
بالأســــــــود بيســــــوَد وج قصايدك

مستفعلن مستفعلن مستفعلن = مستفعلن مستفعلن مستفعلن
مستفعلن مستفعلن مستفعلن = مستفعلن مستفعلن مستفعلن

تقديري

**عصام يوسف** · #10 29-03-2007

سيتا اخترع شطرنج في ماضي الزمان *** و قلّو الملك شو بتطلب عليك الأمان
يا ريــــــت بدل القمـــــــح لو إنّو طلب *** ينقص راس البيـــدق و راسك كمان

بيدق · #11 29-03-2007

بيدق بأول صف خطوه لو خطا = بأسلو ب نابليون لملوكك غطا
شفلك بقى موضوع حتى نـ ّـاقشو = حاجي يـ َ فاتح لعبْ حاجي نطنطه

**عصام يوسف** · #12 29-03-2007

مش هم نابليون معــــــنا تشركو *** يا بيدق و موضوع بالــــي تحرّكو
لْ بيهم اذكر اسمك و قرّق عليك *** و كلشي معي بهالمنتدى يتضحكوا

بيدق · #13 29-03-2007

ضحكو عليي صح ما بدها حكي = حيثي قبلتك في خضَّم المعركه
كنت إفتكرتك شاعر وعودك قوي = يا غبن شعري رخـ َّـ ـصو سعر الحكي

**عصام يوسف** · #14 29-03-2007

سمّيت حالك بيدق و كلشي انتهى *** و علّقت عنقك في حبـــــال المنتهى
مْفكّر إذا غيّرت إسمـــك بالزجل *** بْتمشي السفينه متل ما الريح اشتهى

بيدق · #15 29-03-2007

ما غيرت لا أسمي ولا شي من وين جبت هالحكي مو عارف+++++++++++بحاكيك بالشرق بترد بالجنوب الغربي +++++ وكسرت أربع شطرات وقلنا ماشي بيرتجل ومو منتبه ++++++ شوفلك شي موضوع أو إنسى الموضوع , عن إذنك
++++++++++++ شكرا على السهره ++++++++++++
تحياتي