وينو شفـــــــــــيق اليوم ما بيّن ******* ولا بيـــــــــانو بالشــــعر بيّن
يمكن معي خايف من الجرصه ******* لمــّا الفرق بيـــــــناتـــــنا بيّن
مبارح قرصتو بالـشعر قرصه ******* قلت رح إبــــقى مــــــــعو ليّن
و اليوم ما بقّـــــــى ولا فرصه ******* إن كان مش قدران يوفي الدين
كان عيــــــــب علــــــيه يتديّن

هيك بقولوا عا هالقافية .... تعلّم ....

لولا كنت بالشــــــعر متشــيّع ***** و جاي أمير المــــنبر تشـيّع
يا ريت عندي متل هالخلــطة ***** كــــنت منها بـــروح وبّيـــّع
خايف تصيبك عَ الوهم جلطة ***** دمّك ســــــــميك و ما بتميّع
من هيك شفلك بالـحرش بلطة ***** قطّـــــــــع وزن أبياتك وقيّع
مفكّر على فاتح إلك ســــــلطة ***** بكفّو الشـــــعر كلّو قلم طيّع
مش بس لولا بايدك الــــسلطة ***** متلك ألف عَ المـــنبر بضيّع
و سيدك محمد مصطفى بكيّع

يا شـــــفيق بشـــــــــعرك ترقّى ***** ولا تـــــــبيع مي بحارة السقّى
حامل معك موس بسبع طـــقّات ***** خايف عليك تــــــطق شي طقّه

هيهات لو تقنع معي هيـــــــهات ***** كيف الــــشعر مفروض يتنقّى
القش بدّو ســـــــَفْ عَ الطرقات ****** و القمــــــح بدّو جرن و مدقّه

يمكن عليك قســـــــيت بالأبيات ***** تَ ترتــــــقي بِ عاطفة و رقّة
و تبيع بيت الــــــشل و العنزات ***** وتاخد على ســــطح القمر شقّه

لا تظــــــــن حالك أحمد الزيّات ***** بعدك إنـــــت ريما الحــــــندقّه
تتصير... فتّو الـخـبز و الكعكات ***** بس انتبه .... شـــــدّوق ما بقّى

لحاق حالك يا أبو الهمــــــــــّات ***** الســــــــاعه عم تدق تنعش دقّه
بكرا بيجي الطوفان عَ الطرقات ***** تمســــــــــــّك مليح بجدع دلبتنا
حتّـــــــــــى من الطوفان تتوقّى

لمّا عــــــــجين الفكر يتــــــــخمّر **** و الشــــــــــاعر الحسّاس يتخمّر
برجع بعمّر بالـــــــــجمال قصور **** غير كلشـــــــــي مــــبارح تعمّر

بْشيل طهر الشــــــعر من طاغور **** و بقطف قمر عا خـــدودها تقمّر
بغطّسو بجرن العتم و النـــــــــور **** و بْمرّقو عا مـــــــــــــوقد مجمّر

لكن شفيق لْ خاطــــرو مكـــسور **** صار يتملــــــــمل و يتزمــــــــّر
كل هـــمّو .. بيـــــــــتنا مكـســور **** و يا ريت متلو بالشــــــــعر عمّر

وقّف عَ شاطي الموهبي المسحور **** مطرح ما كان الــــــشمس تتسمّر
بَدْل ما يدفق وحي و شــــــــــعور **** خلّـص جــحي المـســمار و تسمّر

ساعة بيحكي شطر بالـــــــشاغور **** و ســـاعة بيحــكي شطر في دمّر
متل اللي بِ عَمّر قصر مهــــجور **** و بيصير عَ الحــــــــجران يتأمّر

مهما علينا بالعــــــــتابا يشـــــــور **** و يحكي بقبــــايل خزعل و شمّر
و مهما يشعّل ديس بالــــــــــــتنّور **** و مهما على زندو الــــقوي شمّر

و مهما يشوف الشعر حـــــقلة بور **** و مهما يشوف المــــــــنبر مدمّر
بجبلو طبل و بحــــمّلو زمّــــــــور **** بالآخرى و بالأوّلي منــــــــشان
يرجع عَ بـــــــــــــيتو مطبّل مزمّر

يا شفــــــــــــيق رفاع هالقيمي **** لا تظن عَ راســـــــك إنت خيمي
تحت السما لا تهيص هالهَيْصا **** يمكن تشتّي( حـــــــجار) هالغيمي

لا تلعب عْلا الحبــــــل رقّيْصا **** و تلعب مع الـــــــساطورطمّيمي
لو جيتك مْن الـــــــنار طقّيْصا **** بتهرب من المــشتى على الكيمي

كل ما خبّــــــــــــصت خبّيصا **** بتبكي متل شي طفـــل عا الميمي
بجبــــــلك من الدكّان مصّيصا **** و أربع خمس طابات حمر زغار
و خشخيشتين بخـــــيط برّيمي