شاعر أنا و عم يكبر طموحي
و ما بتدعس عالأرض روحي
و لمّا جروحي تصير تتفتّح
بتتفتّح الورده على جروحي
شعلان قلبي و واجبي إنصح
روحي قبل ما إحترق روحي
لكن إذا بقيتي بهالمطرح
بكرا مع البخّور .. بتفوحي ...
حبّيت ..
إسقي شفافك الماورد
وغنّج حلاكي
متل ما بدّو
إطلع أنا و قصايدي عالجرد
قطّف قمر
خدّك متل خدّو
لكن قبل فصل الشتي و البرد
خايف إذا تخطّى القدر حدّو
عمّر قصر
بعيونك من الورد
بكرا يجي تشرين و يهدّو
آخر تعديل بواسطة عصام يوسف ، 21-03-2007 الساعة 02:06 PM.
مسكت الحقيقة خلعتها كفين
ولعنت بي بيو اللي خلّفها
وشلحتها بغابة وعالميلين
الوحوش والخوف بمدار العين
هيدا لهداكي صار يشلفها
ومرت سنين كتار وصحابي
راحو وهجروني
وبقيت وحداني
وطلعت متل مارد من الغابة
تطلعت بعيوني
وخلفا زمان كبير
تاريخ انساني
ومر الزمان وصرت بالغابي
وكل يوم بموت كم مرة
بالسر صرت بمزق تيابي
وبموت بالحسرة
وصرت أدعي تطل عابابي
وتخوفت لاروح ما عرفها
ولما أجتني هيك عالغالبي
مسكت الحقيقة خلعتها كفين
ولعنت بي بيو اللي خلّفها
وشلحتها بغابة وعالميلين
الوحوش والخوف بمدار العين
هيدا لهداكي صار يشلفها
خصرك كأنّو برج بيزا ...!!
و مال ..
وواقف خيالك بس عَ دَقرا
و الأرض برمت متل شي سلسال
قعدت عَ ضو الشمس
عَم تقرا
بس القمر
عن قصد صار هلال
تَيْلف عَ خصر السما ....
الشقرا
هاي فعلاً تحف عا صغير
يا ريت ما توقفوا و تستمروا تتحفونا بأجمل القصيد الفيها جماليات
ناطرين الأخ جعفر يرد بشعرو الرائع و كمان الأخت ثناء يا ريت تشارك وكل الشعراء الأفاضل
فاتح و بسطاطي و أنهل وكل اللي بقدموا كلمة حلوة
يعطيكن ألف عافي
حلو كتير يا شباب بتمنى تضلوا ع هالمستوى الراقي و نضل نسمع تحف ع صغير
