قصيدة موسى زغيب في حفل إزاحة الستار عن تمثال خليل روكز | |
قصيدة (((خليل روكز))) بكتاب أنا والسهر لموسى زغيب ومكتوب بالصفحة :::
((خليل روكز رفيقي الأول بعد ما غاب سميت الجوقة عا اسمو لمدة عشر سنين وهالمقاطع من قصيدة انقالت يوم إزاحة الستار عن تمثالو بمزرعة يشوع))
مبارح كأنو انشق شي كوكب ,,,,,,,,,,,,,,,,,والجو لف الغيم وتحجب
وجرح البرق حتى ما ينزف نار ,,,,,,,,,,,,,,متل الكأنو انشق وتقطب
وبلمح بو روكز متل شي بحار ,,,,,,,,,,,من بعيد جايي والفضا مركب
تطلعت شفت رفيق عمري صار ,,,,,,,,,,,,وجو ضعيف وسالفو أشيب
وبالاسم بعدو بيرعب الشعار ,,,,,,,,,,,,,وبالعمر سبعن بس ما حردب
قلي يا موسى صار إلي عنك بعيد ,,,,,,,,,,,,,,,,تلاتين عام وما سمعت منك قصيد
بين الدوالي والجران الصافية ,,,,,,,,,,,,,,,,,,اللي دشرك حصرم إجا يشوفك نبيد
قلتلو من يوم ما طيفك هجر ,,,,,,,,,,,,,,,,,,,,,,,حبيت اسمك بالقلب مش بالنظر
بحيث البيحكي قصتو للعاطفي ,,,,,,,,,,,,,,,,,,,,بيلملم سرارو عن غصون الشجر
ضليت لجوقة خليل روكز وفي ,,,,,,,,,,,,,,,,,,,,,,,,وما افتتح حفلة تأسمك ينذكر
ولما كبر ابنك عطيتو مطرحي ,,,,,,,,,,,,,,,,,,نحنا بغصونك مش أحق من التمر
ومتل الكأنو كشح الأوهام ,,,,,,,,,,,,,,,,,,,,,,,,,,وارتاح قلبو وحقق المطلب
وقلي بصراحة بعد هالأعوام ,,,,,,,,,,,,,,,,,,,,كيف الشعر ؟؟قلت الشعر متعب
كنا بأيامك جفن ما ينام ,,,,,,,,,,,,,,,,,,,,,,,,,,جهد وتباري ومعجبي ومعجب
وعينك تشوف الشعر هالأيام ,,,,,,,,,,,,,,,,,,,,,,,,,متل السمك محفوظ ومعلب
شاعر بيتقلد أبو تمام ,,,,,,,,,,,,,,,,,,,,,,,,,,وبيفلقك ب اخضوضر اعشوشب
وشاعر تزوج أرملة أقلام ,,,,,,,,,,,,,,,,,,,,,,,,,,,شعر الحدائة بس ما أنجب
وبعدك انت غنية الإلهام ,,,,,,,,,,,,,,,,,,,,,,,,,,,من شعر يلقى أو شعر يكتب
ومهما الدوالي تعصر عناقيد ,,,,,,,,,,,,,,,,,,,,,,,,بتبقى أنت عنقودها الأطيب
مبارح عشية قعدت اتذكر ,,,,,,,,,,,,,,,,,,,,,افريقيا والشعر بالمهجر
شو قلتلي عدروب اكبوفيل ,,,,,,,,,,,,,,,,,,لما شفت تمثالها المرمر
بكرا الزمن بيردنا تماثيل ,,,,,,,,,,,,,,,,,,وبيعود فينا الطين يتحجر
ورحت وبقي عا شرايط التسجيل ,,,,,,,,,,,اسمك لحد اليوم يتكرر
بداعي التواصل بين جيل وجيل ,,,,,,,,,,,,بيغفى نبي بيرجع نبي بيظهر
ولهالسبب لا تخاف يا خليل ,,,,,,,,,,,,,,من بعد منك ضل موسى زغيب
,,,,,,,,,,,,,,,,,,,,,ماسك زمام الدف والمنبر ,,,,,,,,,,,,,,,,,,,,,,,
__________________
سامحوني
آخر تعديل بواسطة شفيق ، 12-08-2005 الساعة 01:49 AM.
|
