سوف أحيا

راجح · #1 31-01-2008

قصيدة مضمخة بخمرة الآلهة للشاعر مرسي جميل عزيز :

**عصام يوسف** · #2 31-01-2008

يا شاعر
انشالله القصيده
بتسمعك
و بتدوب عَ الجرح
لْ بِحب يوجّعك
بكرا ..
إذا لاقيت حالك بالدني
و صار فيك تعيش ..
عيّشني معك

راجح · #3 31-01-2008

اقتباس:

المشاركة الأصلية كتبت بواسطة عصام يوسف

يا شاعر
انشالله القصيده
بتسمعك
و بتدوب عَ الجرح
لْ بِحب يوجّعك
بكرا ..
إذا لاقيت حالك بالدني
و صار فيك تعيش ..
عيّشني معك

ياشاعر ل بالشعر
(عمتحكي بلغات)..
وكرزت بالكلمه .. على الأربع جهات
بكرا
بعد مابتنطفي نار السنين ..
نسمة هوا عالجمر
بترد الحياة

راجح

**عصام يوسف** · #4 31-01-2008

هالشاعر لْ عمرو من الوهج استوى
ضل ينفخ عَ الجمر حتّى انكوى
و من شان حتّى يحرموه من الحياة
طفّوا بقلبو الموهبه و قطعوا الهوى

راجح · #5 31-01-2008

اقتباس:

المشاركة الأصلية كتبت بواسطة عصام يوسف

هالشاعر لْ عمرو من الوهج استوى
ضل ينفخ عَ الجمر حتّى انكوى
و من شان حتّى يحرموه من الحياة
طفّوا بقلبو الموهبه و قطعوا الهوى

شو هالجمال وهالخيال ياعصام .. الله يديمك ملك من ملوك الشعر غير التقليدي بالمشتى .

الايمان ضو بلا هوا بجمر الضجر = تقمص ربيع قيامتو وخوفو هجر
وعاقد مابيعرجلو سطح الرماد = بيضل عشب الضو يتحدى الحجر

**عصام يوسف** · #6 01-02-2008

يا ريتني بخّور عا كعب الصليب
يحرقوني بالهوى و بفوح طيب
و لو عرجلوا عليّي رماد المبخره
بتشدّني بعيون يوحنّا الحبيب

راجح · #7 01-02-2008

اقتباس:

المشاركة الأصلية كتبت بواسطة عصام يوسف

يا ريتني بخّور عا كعب الصليب
يحرقوني بالهوى و بفوح طيب
و لو عرجلوا عليّي رماد المبخره
بتشدّني بعيون يوحنّا الحبيب

مرجك واسع ياعصام .. والقطعان بتحب المرج الوسيع. قديش بتنحب ياهالشاعر الشاعر !

عيون الحبيب ن شدّت بشاعر ودود = بودر خدود الضو برياش الورود
بتنسّلو خيطان من جسم الزمان = و بتغزلوعالروح حلم من الخلود

**عصام يوسف** · #8 01-02-2008

الشاعر إذا بيكون من خيطان نور
بيتحيّك بإبره من خصور الزهور
و حتّى بحلم الشاعريه ينغزل
بتغطّسو بإيديك في جرن الشعور

راجح · #9 01-02-2008

اقتباس:

المشاركة الأصلية كتبت بواسطة عصام يوسف

الشاعر إذا بيكون من خيطان نور
بيتحيّك بإبره من خصور الزهور
و حتّى بحلم الشاعريه ينغزل
بتغطّسو بإيديك في جرن الشعور

الكلمه خطيّه ..على برد خشباتها = الشاعر صلب ذاتو ت طهّر ذاتها
وتاتنقبل دمعة الخاطي لازمو = يغطّس جزيره من الندم جواتها

خلص .. عقولة شعبولا .. وتسلم يا مارادونا الزجل