بحبك حب مش مألوف
لا بينكتب ولا بيتعبّى بظروف
بحبك متل عامود مقروف
بحبك تكوني فصّة وكون أنا الخاروف
بحبك تكوني سلق وكون أنا الملفوف
بحبك تكوني فقيرة وكون أنا المنتوف
بحبك تكوني ليرة ومعي منّك ألوف
بحبك تكوني جيبي وكون أنا المصروف
بحبك تكوني كمبيوتروكون إلك البورد والحروف
بحبك تكوني أصالة وكون أنا الوسوف
بحبك تكوني طابة وكون أنا بيرهوف
بحبك عقدّ محبّة القط للفارة
بحبك متل محبّة شوماخر للسيارة
بحبك متل ما شرطي السير بيحب الصفارة
بحبك محبة الجزرة للبشّارة
بحب عيونك اللي بلون الخيارة
بحب تمك الأكبر من السحارة
بحب طولك وفشرت السيجارة
بحب صوتك اللي بيصرع الحارة
دقات قلبي متل ورشة النجارة
بس إنت الكهربا والخشب والبرغي والبسمار والدقارة
ولك أنت العمش بعيوني المحتارة
يا كبريتة حياتي,العود بسمتك,ونظرتك النارة
إن متّ بتكوني السبب
وأن مامتّ انشاءالله ترفسني شي حمارة | 
