مهرجان المهرجانات (تصحيح) | |
في البداية بدي قول انو الفترة الي غاب فيها الموقع بينت اهمية الموقع و خصوصابالنسبة للشخص العايش خارج المشتى.
على كل حال شكرا لكل الي ساهم باعادته.
طبعا متل كل سنة اي واحد منا صار عم ينتظر نصف ايلول متل كأنو في شي عيد, طبعا هوي عيد وعيد كبير كمان.
بس طبعا السنة كان في شي كتير مميز, انو المهرجان رح ينبث مباشر حسب ما سمعنا هون و نوعا ما تأكدنا وقت شفنا الفضائية عم تنقل مهرجانات جديدة و قد تكون اقل حجما من مهرجان المشتى.
الشي الاكيد انو نحنا بمنبسط وقت منشوف المنطقة عم تكبر واسمها عم يظهر اكتر و اكتر لانو بالنتيجة النفع للجميع.
بس الحقيقة كان العشم انو نشوف المهرجان على التلفزيون, وعلى هدا الاساس اجتمعو كل شباب الضيعة هون في جدة ناطرين البث المباشر, طبعا التلفزيون ما خذلنا ونقل مباشر , بس بعّد شوي و راح على حلب!!!!
بدي دائما اكد على اهمية السياحة لجلب الاستثمارات و النهوض بالاقتصاد وخصوصا في بلد يحوي كل الؤهلات اللزمة لهالموضوع, واتمنى المزيد من الوعي و التنسيق من الادارات المعنية.
بالنهاية شكرا يا رامي على التغطية السريعة والصور على الانترنت, مع التمنيات بان يكون كل سنة من احسن لاحسن, وانشاالله السنة الجاية منكون في المشتى و منشوف مهرجان المهرجانات.  | 
