شو رايكون انو نعمل لقاء اعضاء مشتاوي 2

[ملك الغرام]

سلام الى جميع اعضاء مشتاوي
شو رايكون انو نعمل لقاء اعضاء مشتاوي 2 متل اللي عملناه السنة الماضية
حتى نتعرف على الاعضاء الجدد و اللي ما قدرو يكونو السنة الماضية
اتمنى من الجميع التصويت
وشكرا

[adidas]

مافي مشكلة ملك الغرام .... بس الموافقة بتجي من ألمانيا ... !!!!!!

[هادي]

مــــــــــــــــــوافــــــــــــــــــــــــــــ ــق

بس يا ريت نترك للمشاركين حرية الاعلان عن كونهم اعضاء او زوار كي لا يحدث احراج للبعض كما حدث في اللقاء السابق

[SANTIAGO]

انا موافق ع الموضوع وبتمنى نتعرف ع كل الشباب والصبايا بالموقع بس بتمنى يكون هاللقاء بشهر اب وقت النزلة يعني

وشكرا ع الموضوع

[asyan]

موافق

انا ساكون في سوريا بشهر اب



مع حبي

اسيان

[مجنون المشتى]

انا موافق
لاكن متى واين نلتقي


قولو لي علشان ارد لكم خبر

اذا اقدر اجي ولا لا

ومشكووورين على الفكره حلوووه
تحياتي
مجنون المشتى

[Ghaithj]

حابب اعطي رايي بالموضوع مع اني جديد هون ....بس بتمنى تعتبروا رايي من مبدأ اخوي
كتير حلو دائما تعملوا لقاء ع الارض بين فترة والتانية والاحسن يكون القاء بشي كافتيريا او مطعم
وبتحددوا بين ساعة كذا وكذا ...بيتم الاتفاق ع الموضوع بشكل تصويت بالمنتدى بحيث بيكون بيناسب معظم المشاركين
ولاحظت كمان يا جماعة انه اكتر اعضاء هالمننتدى طلاب جامعات وطلاب الجامعات ما بيخلصوا فحصهم حتى 7-7
فالافضل يكون الاجتماع بين 15-7حتى 15-8 لان اغلب الاعضاء بيكون فاضي وتقريبا كل المغتربين بيكونوا بالبلد
واذا كانت اصداء اللقاء جيدة متل ما بتوقع لانه لاحظت ع الروح الحلوة اللي بيملكها اعضاء هالمنتدى
شو رايكم تعملوا شي رحلة او حفلة او غدا او شي نشاط صغير ع ارض الواقع....
بتمنى تقبلوا حكيي هيدا ع اسا س انه حكي اخ جديد بعيلتكم الكبيرة وموفقين بكل شي بتعملوه.......

[ملك الغرام]

شو يا صبايا و يا شباب محدا بدو يصير لقاء حتى نتعارف ليش محدا عم يصوت
يلا اعطونا رايكن

[شفيق]

مــــــوافــــــــــــق وبتكون خطوة حلوة كتير

[ملك الغرام]

الى اعضاء مشتاوي الغوالي باقي اقل من 20يوم اللي حابب القلء يعجلو يصوت قبل ما يسكر التصويت

[شام]

أنا، وأعوزو باللهي من كلمة أنا، ونظراً للتقاليد الديمقراطية اللي عشت عليها، مش معوّد بالتصويتات والاستفتاءات والانتخابات غير إني طج موافقتي ومن تم ساكت

بس دخلكن هون ضروري الموافقة بالدم تكون؟ لإنو لازم تخبرونا قبل يا خيي

[ملك الغرام]

لألألأ يا عزيزتي شام هون الك كامل الديقراطية بالقبول او الرفض و ما فيه شي اجباري و لا ضروري انو تكون الاجابة غير بكلمة وحدة موافق او غير موافق

[نواف مخائيل]

أنا من جهتي ما عندي مشكلة إتعرف عا حدا حتى لو مانو عضو بمشتاوي وموافق عاهالاقتراح
والي بيحب من الأعضاء يتعرف علي بشكل منفرد كمان مافي مشكلة
أنا ساكن( بساحة المشتى _مفرق طريق المهيري)
وأهلا وسهلا بكل العالم بأي وقت
تحياتي

[مازن عيسى هزيم]

شكرا الك على هالفكرة
انت حددو اليوم وجاهزين؟؟

[شام]

المشاركة الأصلية كتبت بواسطة ملك الغرام

و لا ضروري انو تكون الاجابة غير بكلمة وحدة

إنو بعرف مش ضروري.
بس عم نتساءل يا خيي..
إنو مش ضرورية السئالة.. بس مين قال كل شي منعملو ضروري!!

على كل حال.. إلي مشوار ع المشتى هالصيفية.. بركي بيترّم وقت اللقاء..

فـ إلى اللقاء