-لماذانرفع أكتافنا إلى الأعلى عندما نضطر للمشي تحت المطر من دون مظلة؟؟ يعني هيك ما رح نتبلبل؟؟
-- لا حتى نقول لحالنا يا أرض اشتدي ما حدا قدي
لماذا نخفض صوت المسجلة أو الراديو بالسيارة عندما نشعر بأننا دخلنا بالطريق الخطأ؟؟؟ يعني هيك منصير منعرف الطريق الصحيح؟؟
-- لا ابدا بس حتى نخفف شوي من مصروف الكهربا والبنزين
لماذا عندما تكون بطارية الريموت كنترول ضعيفة نقوم بالضغط بقوة على الأزرار؟؟ يعني هيك منشحن البطارية؟؟
-- حتى نجرب نطلع المذيع أو المذيعة من قلب الشاشة
لماذا نكتب اسمنا أولاً بالقلم الذي أهدانا إياه أحدهم؟؟؟ يعني لها الدرجة فرحانين باسمنا؟؟
-- حتى نتأكد اننا ما زلنا في هذا العالم
لماذا نقول هدية مجانية؟؟ و هل يوجد هدية غير مجانية؟؟
-- نعم هناك هدية اسمها وطن في زنزانة تدفع فيها عمرك كله من أجل كلمة نعم
لماذا عندما نكون داخل المنزل و السماء تمطر نسأل: هل السماء تمطر خارجاً؟؟ يعني بحياتها مطرت جوا مو برا؟؟؟
-- اذا مطرت جوا منكون اما تحت الدلف أو تحت المزراب
لماذا عندما نقرأ على الحائط احترس من الدهان ؟؟ لا نصدق بل نجرب ذلك بأصبعنا؟؟ يعني بدك يللي دهن الحيط يحلفلك يمين
-- لا أكيد ما بدي اياه يحلفلي يمين بدي اياه يحلفلي شمال.
لماذا عندما تركن سيارتك في موقف خالي تماماً من السيارات يقوم السائق الذي يأتي بعدك بوضع سيارته بجانب سيارتك؟؟ يعني بيترك الموقف كله وبيوقف جنبك
-- تعودنا نوقف على الفرن ويمكن بيتأمل يطلعله بشي رغيف سخن
لماذا عندما يتأخر المصعد نضغط عدة مرات على الزر؟؟؟ يعني هيك بحس على دمو و بيستعجل؟؟
-- كل عمرنا تحت الضغط ( داخلي وخارجي ) وما منلاقي الا هالزر المسكين نفش خلقنا فيه ولو كنا طنجرة ضغط كنا فقعنا من زمان
لماذا عندما تكون منتظراً المصعد و يأتي شخص آخر تجده يضغط أيضاً
لطلبه؟؟ يعني مو شايفك بالمرة
-- لان للحرية الحمراء زر بكل يد معرورقة يدق
لماذا نفتح فمنا عندما نقوم بإطعام الطفل الصغير ؟؟؟ نحنا يللي عم ناكل و لا هو؟؟
-- صحيح انو هو بس حتى يتعلم يسكر تمه لما نحنا نسكر تمنا
لماذا عندنا استعداد لتصديق أي شخص يهمس في أذننا ؟؟؟ يعني الوسواس الخناس أصدق من الناس؟؟؟
لان الاذن تعشق قبل العين أحيانا
لماذا عندما نتصل بالهاتف يكون الرقم الخطأ دوماً غير مشغول؟؟ يعني حظ بيفلء الصخر.
-- بماأن الاتصال خطأ فان رناته ستعلن للكون أنه زاد المخطئون واحد
لماذا نشعر دوماً بأننا بحاجة إلى 10 دقائق نوم إضافية كلما استيقظنا صباحاً؟؟ الله لا يشبعك نوم.
-- معاملة بدها 10 دقايق عم تخلص ب 10 أيام هلق وقفت على النومة
لماذا الشخص الذي يشخر ليلاَ يكون أول من تغمض عينيه؟؟
يعني ما بكفي شخيروا و ببلش في بكير كمان!!
-- ليسرع في المقارنة الجدلية بين صوته وصوت بعض المطربين والمطربات الشباب هالايام
ليش بعد ما نشرب آخر شفة من فنجان شاي منطلع فيه إذا بئي كمان ولا خلص ... يعني ما منصدق حتى نشوف ؟
-- حتى نتاكد ان السكر كله داب
ليش لما بتكون ئاعد بمكان عام وبتمسع رنة موبايل فورا بتطلع على موبايلك .. شو حضرتك كتير مهم لحتى يرن موبايلك بين كل هالبشر ؟
-- لا بس بتذكر أشكر صاحب شركة التلفونات عا هالنعمة المغرقنا فيها
__________________  | 
لماذا 
