أول مين طــــَـــــــل عَ المشـــــــــــتى
هيدي قصة عيلة فركوح مع المشتى هالقصة بديت مع احد افرادها وهو" انطون فركوح"
من مواليد حمص 1928 .... ابو منيرالحمصي كان اول مصطاف طل ع المشتى .
وبديت قصتو سنة 1951 وقت الي كان معمل الحرير اساتو شغال وكان ابو منير جايب حمل "فيول"لمعمل الحرير عن طريق مصفاة طرابلس واخد معو الطريق من المصفاية للمعمل 6 ساعات .
وعند وصول ابو منير ع سوق الدلبة سال شخص اسمو ابراهيم الصباغ عَ طريق معمل الحرير وفعلا وصَََل الحمل وبالوقت اللي كان العمال عم ينزلو الحمل طلع ع الصيد ووقتها انسحر بالمناظر .. بالصخور.. بالشجر بكلشي فيها . وقرر انو رح يجي يشتي بالمشتى . و فعلا كانت الجلسة الاولى لابو منير بالمشتى بشتاء سنة 1951 في بيت ابراهيم الصباغ .وصار من بعدها يطل صيف شتي ع المشتى لليوم .
وبيتذكر ابو منير ايام زمان وكيف كانت المشتى بهداك الوقت.... ما كان في كهربا . كانو يقضو كل الايام ع اللكس والقنديل وضلو هيك تحتى اشترت الضيعة مولدت كهربا بتشتغل للساعة 10 المسا ... بعدين صارت تجي للساعة 12 بالليل ............. وأخيرا وصلت كهربا الدولة سنة 1961 تقريبا على ما يذكر .
وبيتذكر انو كان في بالمنطقة براد وحيد بيشتغل ع الكاز موجود عند" داهودالمقدسي".. الملقَب.." بداهود الشوفير"
كانو يستعيروا منو التلج لشرب العرق .......وما كان في بالمشتى غير" مقصف الغبيط" اللي هوي اليوم راس النبع
كان عبارة عن اربع تلل وكل تلي عليها جوزي ...بعدين فتحت" قهوة الخوري"... بعدها فتحت" قهوة الزهور" اللي كانت جنينة تفاح وفيها جوزتين ... بعدين فتحت" قهوة عطا" اللي هيي نبع العروس اليوم واللي ما كان عندو اكل.. كنا نسكر ع الزبدي والشنكليش وخبز التنور ....
قصة عـيلة فركوح ما خلصت مع ابو منير ؟؟؟.. ف متل ما كان ابو منير اول مصطاف طل ع المشتى كمان في شخص تاني من عيلة فركوح طل ع المشتى وكان اول مصطاف بيشتري قطعة ارض بالمشتى وبيعمر فيها هالشخص هوي" رئيف فركوح" من مواليد حمص 1921 .... اول مرة طل فيها السيد رئيف ع المشتى كانت سنة 1955 وقتها استأجر عند الاستاذ الياس الزخور " ابو رشيد" ... وبسنة 1957 اشترى قطعة ارض جانب بيت" الياس الزكزك " من" اسعد زيريق " وتولى امور بناء الارض ابو رشيد .وبيذكر كيف قامت المشتى كلها عليهن
كيف بيبيعو لغريب ؟؟؟ .
وبسنة 1985 انتقل من البيت لبيت تاني اشتراه بالمشتى وبقي الاستاذ رئيف فركوح يطل ع المشتى صيف شتي مع عائلته لليوم .
( غـيــث تقـــــــــلا )

أشكر السيد غيث تقلا على هذا الأهتمام
وعلى هذه الألتفاته من طرفه
وتنويها يوجد الآن من عائلة فركوح يصطافون في المشتى قرابة عشر
عائلات وقد تملكو منازل لهم فيها والسبب في ذلك حبهم لها ومحبة أهلها وحسن معاملتهم وجوارهم على مابدر منهم من حسن الأخلاق
والترحيب بالضيف
وشكرا
منير فركوح
الرياض

بحب اتشكرك كتيير يا مسيوه غيث على متابعتك المحثوثة لهل موضوع
و كمان جدي ( رئيف فركوح) و العيلة الكريمة بيتشكروك و بهنوك.
و بالفعل متل ما قال ابن الخال ( منير)_و هي شهادة كل يللي
تعايشو مع اهل المشتى_انو هل الناس متميزين بحب الضيف وكرم الاخلاق و لطف الجوار، و الحقيقة انو شهادتي بتضل مجروحة بالمشتى و اهلا لاني بحس حالي منها.
و نشالله تضل تكتب شي يعرفنا أكتر على التاريخ العام للمشتى.

__________________
بحب المشتى

فعلاً ... متل ما ابن المشتى بيشوف حالو بالمشتى بكل ما فيها

أكيد بيشوف حالو فيكن ...ومتل ما الدلبة والمغارة والنبع بيشهدو

للايــــــــَام .....صدقوني .... هنِي بيشهدولكن .


بشكركن وبشكر كل شخص بيحب المشتى



غيث تقلا