طلابنا ليسوا توابيت

mick75 · #1 29-07-2006

- تحدث عن مؤتمر كامبل بترمان.

- ناقش فكرة القومية اليهودية التي طرحتها الحركة الصهيونية.

- تحدث عن أهم المشكلات الناتجة عن العولمة.

- تحدث عن موقف القطر العربي السوري من موضوع مكافحة الإرهاب.

- تحدث عن أهم القرارات الدولية المتعلقة بالوضع اللبناني والعلاقات السورية اللبنانية.

انتهت الأسئلة مع تمنيات مدرس المقرر بالتوفيق والنجاح للطلاب....

لا أدري هل الهدف من هذه الأسئلة هو توسيع ثقافة الطالب وتحبيبه بالمادة؟ أم أنها موضوعة بحيث يكره الطالب هذه المادة الهامة و(يلعن) الساعة التي أدرجت في منهاجه.
الطلاب هم طلاب كلية الفنون أي أنهم مهتمون بالثقافة القومية الاشتراكية من باب الاطلاع وليس من باب التخصص وحتى لو اعتبرنا أنه من الضروري لفنان تشكيلي أن يقرأ خارطة الثقافة القومية الاشتراكية فهل يا ترى نجحنا من خلال هذه الأسئلة بتقريبه حتى من تلك الخارطة؟؟
لا حظوا معي صيغة (تحدث) و (ناقش) والتي انقرضت من أسلوب الامتحانات وكيف تسيطر على الأسئلة وتلغي كل مدارك العصف الدماغي وتبقي قانون (البصم) و(التذكر) وبعد أن يخرج الطالب من الامتحان تحدث عملية (فرمتة) تلقائية لكل تلك المعلومات التي تلقاها بأسلوب جاف متخلف.

ما نتمناه أن نؤهل (من) يكون قادرا على تقديم أساليب جديدة تركز على شد الطالب للمادة ومشاركته الذاتية في تطويرها ورغبته الصادقة في نقلها للآخرين، لا أن نحول طلابنا إلى توابيت تسكن فيها جثث تخرج منها رائحة الموات التذكري...
أي ثقافة لا تسكن إلا في العقل المبدع ...ألا احترمنا أولادنا وطريقة تفكيرهم..

ملطوش الملاطيشي
سريا نوبل - منقول بتصرف

adidas · #2 29-07-2006

ان مادة التربية القومية الاشتراكية مادة بصمية بحتي و موجودة في الفرعيين " العلمي و الادبي "

ويوجد العديد من المواد البصمية التي " بلا طعمة " و خاصة في الشهادات الثانوية فهل يأتي يوم و تتطور برامج التعليم ؟؟؟

ام انهم ما زالوا سائروون لى طريق " العم بو فؤاد " حافظ ع قديمك جديدك ما بيدوم " ؟؟؟

أين أنت يا وزارة التربية و التعليم في سبات أم ماذا ؟؟؟

Whipped Ices · #3 05-08-2006

يعني أقسم باللات و العزة و لا انكن أولاد البلد و لا كأنكن لبستن فولارات برتقالية و صداري خاكية.
في واحد بعرفو بس ما بدي أذكر اسمو كل ما بيتعنى صحفي أجنبي و بيروح ليشوفوا و يقابلوا مفكرينوا عن جد هي بس لا هو هداك. و كل ما بيقابل الجماهير و الطلاب بيدقن نفس الخطاب
رفاقنا الطلبة دعوني أعرف لكم الإرهاب لاحظليلي الله يخليك شوبرات صابيعو و دياتو)الإرهاب هو الإرهاب و ما نقوم نحن به و أصدقائنا في كوبا و الحركات التحررية في الكيان الصهيوني(لاحظ مدى الخوف المدقع من قول فلسطين عنده) و مقاومة شعب العراق في الجنوب(يعني بقية العراق متلنا خونة) و حركة المقاومة الشعبية في لبنان هو نضال ثوري للتحرر من الأستعمار. و نحن نؤيده ..........
يعني يا رفاق البلد كلها ماشية زوغلة يعني إذا عهل الأسئلة بنحفظن و إذا عالتمظهر بنتمظهر و بندقلون دبكة بنص ساحة الأمويين و بنقلن بالروح بالدم و للأبد لحتى يدخل أول جندي أمريكي بنركض وراهن بالشحاحيط.
بس يتركونا نحن و هالفقراء اللي متلنانعيش بدنا نعيش الله يستر ععرضكن.
في مرة من المرات كان يا مكان في قديم الزمان... كان في رجل مسن بيبيع فلافل عناصية شارع في مدينة ما من دولة تحكمها الأشباح.... و كان في مجموعة من الأجانب الذين لهم علاقة صداقة مع موظفة سفارة ذلك البلد الغربي في دولة الأشباح هذه و كانت هالبنت بتتكلم اللغة العربية بشكل جيد. ها لمجموعة قرروا يحتفلوا بعيد الميلاد بمدينة الأشباح.

بياع بسطة الفلافل هالمعتر كان في حدا بيدو يدقوا بسمار فلزلقلوا عالكوع (ناصية الشارع) اللي جنب منو صورة لأبو سعيد (أبو سعيد هذا كان الشبح الكبير) و مشان يكمل الفلم كانت الدنيا بهديك الأيام أيام الميلاد و عيد رأس السنة يعني برد زمهرير بيقص الحجر. و هالريح فعلت فعلتها بهالصورة و رمتها بالأرض و بقيت أطراف الصورة ملزقة عالحايط. بياع الفلافل إنسان فقير و زباينو كمان ناس فقرا كمان متلنا كلنا يعني ما عنا بالعيلة لا حدا وزير و لا بنت بتغني أو بترقص. و نحنا و هالموظفة الأجنبية اللي بتحكي عربي كنا ما ندور بالبلد من كنيسة لكنيسة و من هون لهنيك لنقضي أيام الميلاد بمدينة الأشباح. و كنا من زبايين بياع الفلافل هيدا العم الطيب اللي كان بعتقد من عمر أكبر من عمر أي شخص فينا هون. وكان بيفتخر قدام زبايننو لما بنمرق لعندو و كان بيقول شوفو ليكو أنا بيجي لعندي عالم من شارع السفارات لياكلوا عندي. و الله للأسف بهداك اليوم أشترينا كستنة و قلنا بدنا نميل عالعم الفقير نشوفه و نقدملوا هدية العيد البسيطة (كفوف صوفية و لوح شوكلاتة). بنتفاجأ بسيارة طويلة لونها أبيض مسكرة الطريق كلو جنبها أشخاص أشكالن قذرة نحاف و لابسيلك هالجواكيت الموردي و هالبناطللين البنفتحية يعني من عرب ضريطان فيك تقول. و أفتكرنا نحنا أن هالشباب ما ينظموا الطريق بعد حادث سير أو حريق أو ما شابه بصراحة هني بس شافو سيارة بتحمل لوحة هيئة دبلوماسية ركض واحد لعند البنت اللي ما تسوق و قالها ممنوع أرجعي هي البنت ساوت حالها ما بتحكي عربي لم شافت العم بياع الفلافل مرمي عالأرض و واحد من عالمجموعة مايضربو. يعني لا ويبد أيسز و لا من يحزنون وقتا لما تشوف إنسان ما يموت و أنت ما تتفرج. نزلنا نحن 4 كنا مع هالبنت يعني بالمجموع 5 و منا 3 ما بيحكوا عربي بنوب و انا و هي بنكسر شوية عربي. و يا رحيم العم كان نص دمو بالأرض.
واحد قصير و عندو كرش و شوارب كان ما يضرب العم بياع الفلافل و البقية ما يقلعوا البشر و لحسن الحظ كان و لا واحد منهن بيحكي لغة أجنبية لبيقدر يتفاهم معنا و الكلمة الوحيدة اللي كانوا ما يعيطوا فييا علينا: no go go و هالقصير أبو كرش تاوسخ نازل دق بهالعم و ما يقلوا هيدا الله هيدا ربك يا أبن ال...... بدي ن.. م...و ب... و أ.. و أ... و لك يا ع.. ما شفت الصورة عالأرض و هالعم ما يبكي و يقلوا أي هيدا ربي و الله و الله معك حق و شوف أنا حاططلوا كمان صور عالبسطة و ببيتي كمان و الله و نحنا دمنا و روحنا كرمالو.

يعني ما تركوه للمعتر العم بياع الفلافل لحتى طلعو منو الدم و يشفوا غليلن من إنسان فقير لا ذنب إلو و لا شئ. و لما خلص من ضربو هالقصير أبو كرش رجع عالسيارة و كان شكلو قذر يعني و الله ما بعرف كيف مرتو أو أبنو بيتفرجو فيه فرجع و الكل بلشوا يدقولوا تحيات برجللين اللي بدا تكسير و يقولوا سيدي أطلع علينا بنظرة حقيرة و لما شاف أننا غرب و مو من بلد الأشباح بين سنو أخ و تشوف سنانو يعني لونا و لون قشر الكستنة واحد و ركبوا و أنقلعوا. و مشينا نحن و هالناس صوب هالعم اللي كان نص دمو طلع و للاسف بأيام الميلاد كمان مشينا لنقلوا: نحنا جبناء متلنا متل غيرنا و ما بنقدر نسوي شئ

فصديقي بدنا نحفظ و ندقلوا دبكة و نغنيلوا و بدنا نحطلوا صوروا وين ما بدو و الله أنا من كتر ما بحبوا و ما بقدر فارقوا حطيتلوا حتى صورة بالحمام يعني حلوة الشباب بيجوا يفتشوا البيت و ما يلاقوا صورتوا بكل محل. يا أخي شو بدك بالحكي حتى أنا صرت و أنا ما أعمل هديك الشغلة ما فيني بلاه. و بس تسقط الأصنام بدنا ندقللوا شحاحيط

قصة واقعية حدثت في 27-12-2003 في مدينة يقطنها الأشباح

The Patriot · #4 20-08-2006

حصل رفعت الاسد على ليسانس في التاريخ ثم ليسانس في الحقوق من جامعة دمشق ، مما دفع بعض الأساتذة الشرفاء إلى الهجرة من سوريا كلها ، كي لايروا بأعينهم هذه المهازل ومن لطائف ما يرويه العماد مصطفى طلاس في كتابه ثلاثة شهور هزت سوريا عن العميد رفعت حين كان طالب في قسم التاريخ بجامعة دمشق أن رئيس القسم الدكتور محمد خير فارس شكا له لوزير الدفاع : أن رفعت يأتي مع مفرزة من الحرس إلى الجامعة أيام الامتحان، ولا أحد يجرؤ من المراقبين أن يقول له شيئا. فماذا أفعل؟
وكان رد العماد: لا تفعل شيئا لأنه لن يعمل لديكم أستاذ تاريخ!. على أن أجمل ما يرويه العماد عن علاقة العلم بالسلطة في تلك الأيام الأمثولة التالية: ما كاد رفعت ينهي الإجازة في التاريخ حتى تسجل في كلية الحقوق هو وزوجته لين وابنه دريد، وكانوا يقدمون الامتحان معا في غرفة رئيس الجامعة الدكتور زياد شويكي حرصا على أمن الطلاب وأمن المعلومات، وعندما جاءتهم الأسئلة مع فناجين القهوة وكتب السنة الأولى قال لهم رفعت : العمى في قلبكم... ابعثوا لنا أستاذاً يدلنا أين توجد الأجوبة لهذه الأسئلة!!! . ومن المعروف أنـه بعد حصوله على الليسانس من جامعة دمشق ، حصل على الدكتوراه من موسـكو في التاريخ أيضاً ، على أطروحة عن الصراع الطبقي في سوريا ، ويعتقد أنها من تأليف أحمد داود العلوي الذي يجيد اللغة الروسية !!!

NANETA · #5 20-08-2006

أي والله معك حق يا صديقي ما بس طلاب كلية الفنون حتى بالأداب طلاب أدب الفرنسي مثلا بيدرسوا تاريخ فر نسا يلي ساكنين بفرنسا وقت اجوا على سوريا قالوا أنوا عندن ما بيدرسوا هيك الله يعينن لهل طلاب شو بدن يتحملوا والله رح يجنوا الله يوفق كل طالب بالجامعة

MR_ORIA · #6 15-11-2006

هههههههههههههههههههههههههههههههههههههههههههههههههه ههه
عجبتني هل الاسئلة
احلا شي بالجامعات السعودية حتى مو كلهم يعين باحامعه يلي انا فيها
ما عنا غير انو
ملتبل شويس
اختيارات
A
B
C
D
E
اختار منهم وابتنجح
يعني حتى الرياضيات اختيارات
لك العربي الاعراب اختيارات ولا كانو ابتدائي
ومننجح و منتخرج و منفهم و منشتغل بسعودية ولسة الطلاب يلي قاعدين بسوريا ما خلصو اول سنة

يعني ايمتا بدو يطور العلم مو العلم الاسئلة بسوريا؟
يعني هلء مين قال الدراسة انو يشوفو كيف الطالب بدو يكنتك
الله يعينكم
موفقين شباب بنات

TIGER_A · #7 25-01-2007

أنا بشكرك عهل موضوع الحلو لأنو جد بالنسبة الي مشكلة بتستحق المناقشة فيا لأنو جد في ضغط عالطلاب بسوريا كتير كبير و لازم ينوجد حل لمشكلة متل هاي لأنو فعلا متل ما تفضلت وقلت .طلابنا مو توابيت,