مشتاوي سبق موقع مرمريتا و في تقدم مستمر !!!!

**echo** · #1 09-07-2005

الحمد لله موقع مشتاوي كل مانو عم يتقدم و يتقدم أكتر و أكتر و ليوم سبق موقع مشتاوي موقع مرمريتا بالترتيب العالمي و هي ترتيب أقوى مواقع البلدات و المناطق السورية

الموقع الأول: موقع زيدل
الترتيب: 16,320

الموقع الثاني: موقع مشتاوي

الترتيب: 17,654

الموقع الثالث: موقع مرمريتا
الترتيب: 17,854

و إنشاء الله بالتوفيق لجميع المواقع

Relax · #2 09-07-2005

اللللللللللللللللللللله يا ابو الطون
يسعد صباحك خييي احلى خبرية عا هالصبح
انشالله في التقدم الى الامام كتيررررررررررررررررررررر

**echo** · #3 09-07-2005

اقتباس:

المشاركة الأصلية كتبت بواسطة Relax

اللللللللللللللللللللله يا ابو الطون
يسعد صباحك خييي احلى خبرية عا هالصبح
انشالله في التقدم الى الامام كتيررررررررررررررررررررر

أهلين أبو جريج تحياتي ألك و إنشاء الله متل ما قلت دائما إلى الأمام

ملك الغرام · #4 09-07-2005

خييييييييييي عاها الخبرية حاجة يضل اهل مرمريتا شايفين حالون علينا

و انشالله يضل الموقع متقدم حتى يوصل الى القمة

والله يعطيكن العافة

سهيل

غيث تقلا · #5 09-07-2005

بتمنّى لموقعنا التقدم والازدهار ,,, وما بعتئد انو سبق لاهل مرمريتا وئدروا يشوفوا حالن علينا .. مو هيك !!!!!

**echo** · #6 10-07-2005

أهلين شباب سهيل و غيث و معك حق غيث عشو أهل مرمريتا بدون يشوفو حالون علينا

خلص إنشاء الله دائما بيتقدم الموقع أكتر و أكتر ليصير الأول على القطر هلق التاني

abou esber · #7 10-07-2005

مرحبا ياشباب
ويسعدلي أوقاتكم جميعاً
وانشالله الف مبروك على هالموقع المتقدم اللي وصل الو المشتاوي الصديق والشقيق
ياجماعة ليش هالحكي؟؟! والله نحنا منفرح فيكون ومنفتخر بهاالمواقع اللي بترفع الراس
ومافي فرق بين المشتاوي والمرمريتي والزيدلي
كلها مواقع سورية منرفع راسنا فيها
إلى الأمام يامشتى الحلو
وبالمنافسة الشريفة ترتقي المواقع السورية

شرّفونا على شي فنجان قهوة
بس مو من اللي بالكون منو

وألف ألف مبروك

للمشتى وزيدل
حبايب قلبنا

eyad · #8 10-07-2005

ألف مبروك من القلب للمشتى و لموقع مشتاوي

القصة أكبر من انو حدا يغلب حدا

اللي بيطلع قبل منفرحلوا من كل قلبنا

على قولة خيي ابو اسبر

بالنهاية كلها مواقع سورية

وما رح قول شقيقة لأنو صارت ممجوجة

رح قول مواقع في بين بعضها حالة توأمة بالروح

و اختلاف في الاسلوب

مبروك للمشتاوي

مبروك لزيدل

مبروك لمرمريتا

و انشالله عقبال التقدم للأحسن و الأحلى و الأفضل

و نكسح كلنا سوا أول ترتيب بالعالم العربي و العالم من بعدو

**echo** · #9 10-07-2005

أهلين أبو إسبر أعتقد أنك صاحب أو مدير موقع مرمريتا أهلا و سهلا فيك معنا بمشتاوي

بس بحب قلك أنو الشباب فرحانة لأنو الموقع (مشتاوي) ما صرلو غير 10 شهور و مرتبته ممتازة مشان هيك فرحانين

أنا حطيت إسم الموضوع "مشتاوي سبق موقع مرمريتا و في تقدم مستمر !!!!" لأنو موقع مرمريتا مشهور ما شاء الله و الكل بيعرفو و بيعرف أنو الأول على سوريا بس الشغلة مو بالترتيب الشغلة بعائلة الموقع يعني نحنا هون متل مانك شايف عائلة وحدة بالموقع و كل واحد بيعرف التاني و كمان شفت هالشغلة بموقع مرمريتا و هادا سر نجاح المواقع

بالتوفيق لموقع مرمريتا و إنشاء الله متل ما قلت بالمنافسة الشريفة ترتقي المواقع السورية و أهلا و سهلا فيك معنا و أنتو أهل مرمريتا لازم تشرفونا على مشتى الحلو لنقعد سوا و نتعارف

بالتوفيق
طوني عنتر

abou esber · #10 10-07-2005

على راسي ياعنتر
والف شكر على ردك السريع واللطيف
وبرجع بقلك نحنا منرفع راسنا فيكون .. وانشالله بتبقوا عيلة وحدة على طول.. ومنصير نحنا وانتوا وزيدل وكل هالمواقع الناجحة بنفس العيلة.
بس كانت ملاحظتي انوا موقع مرمريتا بيشوف حالو
فإذا كانت هي الفكرة عن موقع مرمريتا حبيت وضح وأعتذر كمان اذا كان في شي بدر منا بها الخصوص

ملاحظة: انا مو صاحب الموقع أنا مشرف متل هالمشرفين الابطال بمرمريتا متل اياد ووسام بي والشبيبة الطيبة
منتشرف بزيارة موقعكم الرائع كل ماسمحت الفرصة

وندعوكم لتشريفنا أيضـــاً

Abo Habib · #11 10-07-2005

إياد الغالي وأبو أسبر الحبيب
أهلا ومية سهلا فيكن بهالمنتدى
وأنا بعتقد أنو كلنا لازم نفرح لأنو ترتيب مرمريتا وترتيب المشتى في تقدم دائم
وهادا بيرفع من قيمة المنطقة كلها
شرفتونا شباب مرة تانية ومو لازم بس ترحيب والله لنقوصلكن بس مو هون بس إنزل عا سوريا إنشاء الله
(أبو الحب)

الحنون · #12 10-07-2005

ألف مبروك لموقع مشتى الحلو وانشالله للأفضل يا شباب

ويا أبو الطون إنت على الريق عطيتني ملعقة عسل بهالخبريي

الحنوني يا غالي وكمان مبروك لحبيب ألبي رامي خوري وجميع المشرفين والأعضاء

وبأووول أهلا وسهلا بحبايب ألبنا من موقع مرمريتا يلي من حس الموقعين هني موقع واحد

ومحبي وحدي وتنافس شريف مبروك للجميــــع

أخوكم/ رامي الياس

wissam.be · #13 10-07-2005

الف مبروك لموقع مشتاوي على هذا الانجاز الكبير وفي فترة قياسية قصيرة
هنيئا والى الامام والى مزيد من التقدم
موقع مرمريتا يااعزائي هو خميرة المواقع السورية وهو الموقع الاول الذي شق طريق
المدن والقرى السورية لانشاء مواقعها على الشبكه العنكبوتيه
انا من المشتى واعشق بلدتي وافتخر بكل انجاز يقوم به اهل بلدتي ولكن اريد ان اقول لكم شيئا
فانا مشرف في منتديات مرمريتا ولم الحظ ولا في يوم من الايام انني غريب عنهم بل على العكس
كنت اشعر بانتمائي لهذه البلدة اكثر من انتماء اهلها لها وذلك ناتج عن محبة وانفتاح ورقي اهل مرمريتا
والمسؤولين عن موقع مرمريتا
مرور المشرف العام ابو اسبر والمشرف العام اياد ابطال موقع مرمريتا والمباركه لمشتاوي لهو اكبر
دليل على مدى غيرة ومحبة وتواضع اهل مرمريتا
اكرر واقول الف مبروك لبلدتي العزيزة والغالية على القلب المشتى والى مزيد من التقدم والازدهار

CARLOS · #14 10-07-2005

ألف مبروك لشباب و صبايا موقع المشتاوي مشرفين و أعضاء.... و بعتقد فرحة الأعضاء ما بتقل عن فرحتكن يا طوني لانو الن دور كتير مهم بهيدا الانجاز... و أكيد الدور الأساسي للإدارة و المشرفين يلي قدرو يجذبو الناس و يخلو الموقع متميز بالفعل....

شكرا يا طوني و رامي على تثبيت موضوع رحلة إلى عين ديوار... فرحت كتير لما شفتو بين المواضيع المثبتة... و حبيت رد عليكن بس ما عرفت كيف رد بشكل فوري.... هالشي شرف كبير لالي... و انشالله بالمستقبل اقدر نزل مواضيع جيدة متل رحلة الى عين ديوار...

Aboud · #15 11-07-2005

أحر التهاني والتمنيات لموقع مشتاوي ولجميع أصدقائه ومنتقديه الذين جعلوا منه موقعا مميزا ومنافس على صعيد القطر
تحية خاصة للأخ طوني عنتر، وللمشرفين شكر وتقدير لجهودهم وإصرارهم على الإستمرار...