المتسولون الذين يضج بهم رصيف الطريق الغربي على وجه التحديد ظاهره باتت مزعجه ومن المعلوم أنها ظاهرة غير حضاريه .....
فما إن تمشي خطوة إلا وتجد خلفك طابور من الأطفال و النساء و المسنين يئن ويشكي من الحياة و يطلب منك الصدقة ...
فبلدتنا أمتلأت بهم حتى أنهم أصبحوا يبسطون على هذا الرصيف و لانستطيع العبور من زحامهم
فما هذه الظاهرة التي انتشرت في موسم كهذا ..؟؟
دعونا نتوقف هنا ... باعتقادكم ماأسباب تفشي هذه الظاهره !!
ومالطرق للقضاء عليها !!!
أسئله كثيره لاحصر لها دعونا نناقش هذه القضيه .......
__________________
أنا إيماني الفرح الوسيع
من خلف العواصف جايي ربيع
إذا كبرت أحزاني .. و نسيني العمر الفاني
انتا اللي ما بتنساني sisi
معك حق سيسي بالفعل صار الوضع عالطريق ما بينطاق بسبب هالظاهرة لأنو الحبل انرخلهون كتير يعني بتشوف عيلة كاملة عم يلحقو الرايح و الجاي
بالنسبة لسبب هالظاهرة فهيي عادة عند النور يعني لو بيصير معون ملايين بيضلو يشحدو
و الطرق للقضاء عليها هي بالشرطة يعني كان المخفر يحط شرطيين على الطريق الغربي بس بعدين مابعرف ماعد بينو يعني لو بيرجعو الشرطة على الطريق ممكن ما يسرتجو الشحادين يجو على الطريق و يلحقو العالم لأنها ظاهرة مو حلوة أبداً
بتمنى ينطرح هادا الموضوع بالأخوية تبع الكنيسة مشان تتم مناقشته و يتخذوا الإجراءات اللازمة
في البداية أود التنويه إلى الأخ جكل أن هذه الظاهرة لم تكن موجودة سابقا في المشتى و ليست مألوفة بتاتا ....... كما أود التوضيح لك أنهم ليسوا بمحتاجين " صار التسول عندهم بمثابة عادة و تقليد للعائلة " ...... و هم في الغالب ليسوا من النور فقط......عالم عاديين حين يقتربون منك تظن أنهم يودون سؤالك عن طريق أو ما شابه ذلك إلا أنه يتضح لك فيما بعد أنهم متسولين .... و أكثر متسول مزعج لفت انتباهي رجل مسن عادي جالس أمام الشجرة الوحيدة على الطريق الغربي و مادد رجليه و بإيدو عصا عم يضرب الأرض فيها ... " قاطع الطريق عالرايح و الجاي " ..... كما أنني لم ألاحظ هذه الظاهرة من قبل .... " فجأة و بيوم واحد اجتمع متسولي البلد في المشتى و تحديدا على الطريق الغربي ...... فما هذه الظاهرة و كيف بإمكاننا التخلص منها ؟؟؟!! عن طريق وضع شرطيين على الطريق ؟؟؟ عن طريق طرح هالمشكلة للأخوية " كما ذكر إيكو " ؟؟؟ كل ما علي قوله أنه علينا التخلص و بسرعة من هذه الظاهرة الغريبة و الغير حضارية ......
__________________
أنا إيماني الفرح الوسيع
من خلف العواصف جايي ربيع
إذا كبرت أحزاني .. و نسيني العمر الفاني
انتا اللي ما بتنساني sisi
إذا حكيكون عنجد أنو المشكلة منا مشكلة فقر أو بطالة لازم الأمن يضل بالمشتى إذا مو مشان هالظاهرة مشان الأمن
لأنو ما حدا بيضمن هو شو بيشتغلوا و شو جايين يعملوا
سيسي الجبارة ... ملاحظتك كتير حلوة و ملفتة للنظر .... اسوء ظاهرة بالمشتى .. بعد الكثافة المعمارية ...
هلق عم يكونوا لطيفين بس كلشي و ما يصيروا متل الشبيحة الطيبة اللي عنا بكليات الشام ... الشحادين( الولاد الصغار خاصة) .. بيتعلقوا بالواحد و بينزعولوا عا القليلي تيابوا ..هاي اذا ما شقوّا ... و بيضلوا كامشين الواحد لحتى يضطر يأذيون أو يبهدلون ..مو أي بهدلة .. ما بيحلوا عنك بأي بهدلة ... يعني بتمنى ها الظاهرة تنبتر من جذور دون أي مماطلة أو تطنيش .. ما بتتحمل القصة ... يعني هاي مو اول شغلة غلط بيرفضا شباب المشتى .. و بيقطعوا من اولا .. ما انسينا لسا شغلة الكولبا و المشاكل مع المصطافين عا رمي الزبالة عا الطريق و و و و ... فيا شباب اقترحوا حل و انا كفو كون اول المعترضين سواء لرئيس البلدية او مدير الناحية .. او شو ما بدكون ...
و لازم ما ننسى بائعين الدرة الأكابر ... و الادخنة اللي متل قنابل مسيلة للدموع ... و يا ريت بيحرقوا بس فحم .. عم يحرقوا اشكال الوان ... و عم تطلع روائح اشكال الوان ... و كل ما بمرق من حدون .. بحس كأني حاطط انفي بشي اشطمان سوزوكي قديمة و عم استنشأ بعمق ..
شكرا كتير سيسي عا ها اللفتة الحلوة ......
