مغارة الضوايات باحضان ابناء الملوعة لخمس سنوات

[amigo]

بعد تنفيذ اعلان المزاد لاستثمار مغارة الضوايات لمدة خمس سنوات استقرات أمانتنا ( مغارة الضوايات ) بين احضان ابناء الملوعة ليكونوا اولياء امرها خلال نصف العقد القادم

[Abo Habib]

اي نشكر الله يلي طلعت للملوعة
منيح ما ربح شي مستثمر خليجي مثلا
حرام البلدية ما معا مصاري يلي بيدفع اكتر بيعطوه
بيبيعوا كل شي حتى الامانة
ههههههههه
الله يديم هيك بلدية بتحب الخير للمشتى وللسكان

المختار
ابو الحب

[Mr. Samo]

يالله شو فينا نعمل منيح اللي مرقوها بالمغارة مضمموا لبدية المشتى باقي الضيع المجاورة

كنا معاد خلصنا منون

و عالقليلة هلق اساها رآسة البلدية بايد ولاد المشتى

و الله يستر من الجاي

[s.h]

انا معكون بس متل ما تفضلتو
احسن ماياخدو غريب
هيك احسن

[Mr. Samo]

و االه ليش هيك مراحت للغريب يعني ؟! المغارة للمشتى و لازم ولاد المشتى اللي يستفيدو منا لانو هي الون

[ملك الغرام]

اي بدكون تطولو بدكون يا شباب
يالله بكرا بيضمنو مقصف راس النبع لواحد من سبة و بعد شي سنة بدكون تسمعا انو البلدية استثمرا سي و احد من بصيرة الله يجيرنا
من انو ما يضمنو الطريق الغربي لواحد من عين الشمس او عين بشريتي
و ليش لخمس سنوات كاتن لسنة بس استلما واحد من الملوعة صارت /5/سنين
و قلعو ها الفقير رشوان منها حتى صار يبيع بوشار على الطريق الغربي بالصيف شو هالغيرة من البلدية على اهل المشتى
و الله لازم تاخذ البلدية وسام الشرف لا نو اكتر بلدية ضرت المشتى
قولكن كانو روساء البلديات عم يتبارو مين بيضر اكتر
احسن شي نعمل مظاهرة قدام البلدية و نعند حتى نسقطها

[غيث تقلا]

خبر عاجـــــــــــــــل

أعلن السيّد عدنان الدويــــر ( شوفير سرفيس عَ خط صافيتا المشتى) الناطقْ باسم شوفيريّة خط صافيتا مشتى الحلو وعددهم لا يقل عن10 شوفيريّة . بأنهم توصلوا الى اتفاق نهائي .. ألا وهو ؟؟ :
الدخول بالمزاد القادم لمغارة الضوّايات والذي سوف يقام بعد شهرين, عند انقضاء مدّة عقد استثمار بائعي البزورات لمغارة الضوايات ؟؟!!!

( وْ ......دخيلكن شو بئي ؟؟؟ ....بدون تعليق )

غيث تقلا 2004\10\19........
هيك ... كان الحديث بهداك الوئت ووئت حكيت عن هالموضوع بالقسم العام بعنوان "خبر عاجل" كنت عم اعني تماما شو عم ئول..
على كل بدوري بئول مبروك للمستثمرين الجدد .... لانن عرفوا هالمرّة يلعبوها صح .وانشالله تكون درس مفيد من جملة ها الدروس اليومية يللي عم نعيشا بالمشتى ..ومو نائصنا غير انو تعلن البلدية عن تأجير طائة ئنطرة سوق الدلبة ..فكرة مو هيك ؟؟

[welly]

هلأ مزبوط رأيك يا رامي انو المغارة ما لازم تروح برات ابن المشتى...
بس يا رامي شو فيك تعمل لما ابن الملوعة بيدفه هيك مبلغ(1200000) كل سنة...و بضل هادا مزاد يعني ما حدا فيه يتحكم بشي (اصدي يعني ما فيك تحصر الشغلة بابن المشتى)

[بسطاطي]

عنّـــا مغـارة حجارهـا ياقــــوت ............ ياما الحــلا جوّاتهــا تصابــا

بحيطانهـــا تاريخنــا منحــــوت ............ عليها الدمــوع بتنزل سكابـا

يا مجلس البلدة اللي متل الحوت ............ عيبي عن الموضوع تتغابـا

عليهــا (الملّوعـة ) إذا بتفــــوت ............ لازم (الضّوايات) نمحيها

ومحلّها نكتب ( علي بابا )

[koba]

بغض النظر عن شخصية المستثمر ولكن المشتى عم تصير صافيتا جديدة لا يسعني في هذه الزمن الردئ الا القول لا حياة لأمة تبيع ما تملك لتصرف على أمور الدنيا وملذاتها وهنا قصدي البلدية التي هي الآن بأمس الحاجة الى النقد للتحضير للمهرجان القادم ومن يعلم فقد ان يحضر الدكتور بشار بذاته لحضور تلك المهزلة ؟.
سيلعنكم الزمن ويلعن كل من يساندكم لأنه في نهاية الأعوام ال5 القادمة ستفرغ المغارة من كل صواعدها ونوازلها بإذن الله وبعد ذلك ستكون جاهزة للإغلاق ومعدة للبيع لكي يبنى على أنقادها فندق 5 نجوم فالرجاء أن تبحثوا عن الشاري خلال هذه الفترة.

[نسر]

انتظرت قليلاً حتى أرى مبصراً, أو أسمع دوي حق .

لن ألوم على هذا لا البلدية و لا الملوعة و لا حتى رعيان البؤر النفطية, ألوم المشتاويين المقتدرين الذين يبعثرون أموالهم في الخارج و مشاريع في دول و مناطق أخرى و يتشدقون دائما بهوتهم المشتاوية التي تركوها للآخرين, و لم يقدموا على دعم قريتهم و لو كان الدعم خاسرا في البداية.
فألف مبروك لأهالي الملوعة على تضحيتهم بهذا المبلغ الكبير من أجل المغارة و قد عرفوا ثمنها, و تباً لمن لا يقدر ثمن تراب قريته .

[1234]

الله الله عنجد شي بيرفع الراس والموقع عم ينغلق على نفسو بدل مايتوسع والمشاكل الطائفية عم تتفشى بكل الاقسام مع انو انحذف القسم الديني.

بس انا لهلأ ماعرفت شبو ابن الملوعة او غيرا من الضيع اللي ذكرتوّا مالو ايد او ناقصو عين
واذا كانو شوفيرية انتو شو عندكون شي مميّز عنون طبعا غير شهاداتكون اللامعة واللي اكيد هيي مصدر هالثقافة الواسعة اللي باينة متل عين الشمس.


واللي بيسمعكون بدكون وبدكون ابن المشتى بس اللي يستلم المغارة بيقول عنجد شوهالغيرة على بلدتكم
ومن كتر هالغيرة موقوية كنتو كلكون واقفين عالدور حتى تدخلو بالمزاد (اي ماكان في غير شخص واحد )
يعني على شوي ماكان في حدا مشتاوي, عالقليلة كنتو بتوفرو هالكلام اللي ماعد في منو فايدة ودخلتو بالمزاد ودفعتو زيادة عن اللي موعاجبكون حتى تبين غيرتكم على بلدتكم بالفعل مو بكتر الكلام اللي بلا طعمة

بس المشكلة موفاضيين وموشاطرين الا وقت بيكون في شي مخالفة بتتسابقو عالدفع

وبعتقد ولاء اكيد انو انتواهل المشتى وبس اللي جبتو الغريب عالمشتى وطالما مابدكون هالغريب ليش مابتبيعو ولا بتأجرو الّا للغريب (اكيد مو لأنو جيبتو مليانة ) ومحبتكون واضحة للغريب كيف بتنتظرو الصيف كرمالو ولووووو

يعني عيب الواحد اذا فيه غلط يحطو بغيرو عم تحمّلو الموضوع للبلدية بس ماتكون هيي اللي عم تبيع البيوت وتأجرها

عيب بقا هالمهزلة لازم توقف ومو كل شخص عندو مخالفة مامشّتلو ياها البلدية يطلع ويكتب كم كلمة بلا طعمة يعني مقصّر و.............

وياريت تخلّوها مجموعة من أوسمة الشّرف والاخلاق
تتوزع على الاعضاء حملة الشهادات اللامعة والثقافة الواسعة واللي مهمّتون انو يضرّو قصدي ينفعو منتديات مشتاوي اللي بوجودون مارح يتقدم هالمنتدى ابدا
ومعقول هالصدفة تماما متل مهمّة وهدف البلدية اللي مو عاجبتكون


والف مبروك للي عرف قيمة المغارة

[koko]

الظاهر أن 1234 من الملوعة وبيشتغل بالبلدية , أو بالاحرى من المريخ لأنك قبل ما تلوم اهل المشتى اطلع مين باقي بالمشتى ما في غير عيل الموظفين وواصحاب تجارة صغيرة أو عيل أرباب أسرتها تغرب وملعون أبو سلاففو بالغربة ليبعت لقمة لولادو ليش يا أخي أنت مو من هالشعب يلي مو همو غير كيف يدبر راسو ويعيش روح لعند بلدية المشتى يلي هي المسؤؤلة الفعلية والرسمية عن هيك أمور وواجب عليها مو لأنها البلدية تحافظ على عوالم المشتى بسعلى الأقليلة تدفع شوي من يلي عم تاكلو يمين ويسار بس شو الواحد بدو يعمل , ومتل ما قال الأخ نسر أنو في حق على المقتدرين بالمشتى كمان
بس يلي عم بيصير بوطننا ككل أنو ينطبق عليه مثل
شعب اذا ضرب الحذاء به صرخ الحذاء بأي ذنب أضرب

[semas]

ليش هالسلبية كلها يا شباب تأجرت المغارة للي دفع اكتر امر واقع ومبروك للي استأجرها منتأ مل يعرف قيمتها اكتر من كل اللي من المشتى وما بينام اذا المخدة ما فيها 1200000ليرة تحت راسو ويا للي بيدفع نفس المبلغ وزيادة حتى يضر جارو او ابن ضيعتو واللي بيدفع كمان حتى يسهر مع حورية من الحوريات او حتى يلعب فتة
منهنى الشباب ومنتأ مل يقدرو قيمتها اكتر من بلدية المشتى وتجارها

[مشتاوي]

رسالة الى محبي المشتى والغيورين عليها:


1- ايها المخلصون في ولائكم للمشتى - المحبون لجمالها وطبيعتها - الحريصون على تطويرها - الساهرون على كل شاردة وواردة فيها.

ألفت نظركم الى بعض النقاط التي يجب ان ينتبه اليها كل من يتحدث او ينتقد موضوع ما وهي من بديهيات الامور:


1-أليس من الافضل عندما نتكلم عن مغارة الضوايات ان نتذكر :
كيف كانت المغارة سابقا - من عبث بصواعدها ونوازلها - من تعدّى على حرمها وكم كان عدد زوارها وعدد الساعات التي تفتح ابوابها وعائد استثمارها ومن انار المغارة من الداخل ومن وسّع وعبّد الطريق المؤدي اليها وأناره ومن الحريص على تطويرها ووضع الدراسة تلو الاخرى لجعل المغارة مقصد هام ورمز من رموز المشتى .


2- أليس من الافضل له ان يطّلع على دفتر الشروط والمشروع المرافق له والملزم تنفيذه قبل الموسم القادم بما يتضمنه من رصف طريق حجري وبناء دورات مياه ومشرب ماء وحماية الضوايات الخمسة وتحسين الانارة الداخلية ومنع مرور السيارات فوق سطح المغارة وزراعة مرج اخضر على سطحها.

3- اليس من الافضل له ان يطّلع على المشروع الثاني اللاحق والمتضمن بناء استراحة وخدماتها وملاعب اطفال ومواقف سيارات.......الخ


4- أليس من الافضل له ان يطلّع على قوانين المزاد العلني وظروفه وكافة القوانين المتعلقة في تنفيذ المشاريع .

5- أم يجب ان تصاغ قوانين خاصة ولازمة لابناء المشتى تمنع غيرهم من الدخول اليها

6- أليس من الافضل له ان يصرّح لنا من وقف في وجه ابناء المشتى ومنعهم من الدخول في المزاد واستثمار المغارة .


لكم أيها المحبين نقول تبنى الاوطان بالعمل المستمر والمثمر واحترام كل الاراء الصحيحة التي تسعى الى تصحيح الاخطاء ولاتقيم التفريق بين ابناء قرية وأخرى فالجميع واحد ومخلص بما يخدم القرية والوطن

ولن نبخل بأي جهد لتطوير بلدتنا الجميلة وجعلها نجمة ساطعة في سماء سورية الحبيبة.