اقامت الفرقة الحزبية الكريمة في المشتى بمناسبة يوم البيئة العربي محاضرة بعنوان السلام والامن ضرورة للتنمية المستدامة "" وللاسف ما شفت اي علاقة تذكر بين العنوان والمناسبة ؟؟!!!
وبعد الشرح المطوَّل والمفصَّل للسيد ( اسعد محمد ) نائب مدير البيئة في طرطوس والكلام المقتطف للسيدة( رنا حنا) مسؤولة التوجيه والتوعية البيئية في طرطوس .والذي دار حول فكرة العلاقة الوثيقة ما بين التنمية والبيئة وضرورة الاهتمام بالبيئة وحمايتها من التلوث ؟؟؟؟ ..طرحت السؤال التالي على السيد اسعد :
عنا مكب زبالة بالمشتى محطوط باحسن نقطة ف بدل ما يعملو هونيك مشفى او مكان للاستجمام راحو حطولنا مكب زبالة وكانو الدني فضيت ..... وباعتباركن مهتمين بالبيئة شو دوركن بهالموضوع ؟؟؟
هون اجا رد الاستاذ بالاعتراف بانه( المجرم) الذي كان سبب مع غيره من الاشخاص في وضع المكب في هذا المكان الخاطىء ..وتابع حديثه وقال بان السيد( غصن سلوم ) رئيس بلدية المشتى في مرحلة سابقة ... تقدم بطلب الى الجهات المعنية مبديا رغبته في نقل المكب من مكانه الاصلي الى المكان الجديد ومرفقا طلبه بموافقة الزراعة بالمشتى على منح البلدية عقارالمكب لمدة 3 سنوات .... فَ طلعنا اي (الاستاذ اسعد ) الى الموقع وانذهلنا من هذا الاختيار الخاطىء والمضر للانسان والبيئة والذي سوف يؤدي الى جريمة !!!! لكن ما كان في غير هالحل ... فاشترطنا على البلدية الكريمة مجموعة شروط تضمن حماية الانسان والبيئة ؟؟؟ ...
هون انا سالت السيد اسعد : ليش ما جيتو وراقبتو تنفيذ هالشروط .. لكن انا اللي شفتو يا استاذ انكن ما اجيتو ولاسألتو وكأنو الموضوع فاضي او مافي ارواح رح تضرر من هالموضوع .. هادا يا استاذ اهمال كبير وتقصير غير مبرر منكن ؟؟.
اي حتى مرة كل فترة ما طلعتوها .بقا شو هالاهتمام .. الزبالة وصلت حتى ع الطريق العام وما شفنا حدى منكن ..حتى انكن هللأ عم تسال السيدة رنا عن مكان المكب... طيب ازا ما كنتو قد تنفيذ هالشروط بقا ليش لحتى تحطوها قولو من الاول يا جماعة مو طالع بايدنا شي .. بس مشان نعرف ؟؟؟.
تدخل السيد المهندس( هيثم حداد ) اللي كان عضو مجلس بلدة بهداك الوقت .وقال بانو الشروط اللي حطيتوها لتجهيز المكب تعجيزية تعجز بلدية المشتى عن تنفيذها ......وبعدين انتو جيتو حطيتو شروط ورحتو وماعاد شفناكون بعدها..يعني ما بعرف كيف هالشغل ؟؟؟
وهيك استمر النقاش ع معكن حق .. والله مو طالع بايدنا شي ..ونحنا عم نحاول نلاقي حل ...الخ .
رجعت وسالت الاستاذ اسعد : طيب وشو الحل منعرف انو في مكب ضخم بدو ينعمل عند عين عفان ولهللأ ما في شي؟
اجاب: بانه صحيح هذا الخبر فقد تقررانشاء مركز تجمع للنفايات في طرطوس بالاضافة الى مجموعة مراكز في المحافظة ومنها مركز عين عفّان ...لكننا امام مشكلة ...اولاً : جائنا قرار من الزراعة بانه يمنع منعاً باتاً اقامة المكب في منطقة حرجيّة ..والشي التاني وهوّي المشكلة الاكبر انو هالمشروع الضخم في محافظة طرطوس تم اعلانه للمناقصة الدولية وللاسف رفضت جميع الدول الدخول بحجّة ان نفايات محافظة طرطوس يجب ان تصل على الاقل الى 1000 طن شهرياً ؟؟ والمشكلة انوالنفايات ما تجاوزت 500 طن شهرياً ..فَ نحنا نا طرين !!! ما فينا نعمل شي المهم التوعية البيئية ؟؟؟؟؟؟ ..

واخيراً يا شباب شو رأيكن بهالمحاضرة وبهالمديرية البيئة يللي عنا ويللي عن طريقا رح يتطوّر البلد استناداً من فكرة ربط التنمية بالبيئة ؟؟؟...لاء والمضحك بالامر قللي شي خْلصت المحاضرة بشرفك كيف بدنا نجي بشكل مستمر ازاالمديرية كلها ما فيها سيارة نقدر نجي فيها اوحتّى نطلع كشف ع المنطقة ؟؟؟؟!!!...

بس كنت حابي قول قبل ما ندور عا مكب جديد لازم ندور عا سيارة خاصة لكب الزبالة مو متل التراكتور الموجود الي بكب الزبالة أكتر ما بلمالأنو مو مخصص لهل الموضوع وبتلاقي كياس الزبالة مشرشرةمنو فشو فائدة المكب الجديد إذا الزبالة اساها بها الضيعة مشرشرة بعدين لازم تعرف أنو نقلت المكب كان لمصلحة شخصية كاعادة حدوث أي شي بالبلدية ( قسم مافية المشتى ) وأسى بتقولليش بدو يستقيل رئيس البلدية لك منيح ولا ما بينتحر عا هالقسم

الهدف من عرض هل أصة أنو ننبه العالم لخطر هل الموضوع عل البيئة و الأنسان مو الحكي عن الأخطاء الأقل أهمية متل موضوع سيارة للزبالة
لأنو الزبالة المشرشرة بتنشال بنص ساعة و بعدين ما في حدا بيئبل أنو يكون باب دارو أو واجهة محلو عليها زبالة لهيك كل واحد بينضف و بتخلص المشكلة بس الشغلة ما أنو ننضف من فوق لفوق لأ لازم نتوجه للأمور المصيرية و الحساسة لك بعدين شو مفكر سيارة الزبالة أحسن لك ولله ما في مرة أجو ليشيلو الزبالة ألاّ و قطعو الطريق عشر دئايئ وبعد هاد كللو بتوقع الحاوية و بتنكب الزبالة عل الأرض

__________________
بحب المشتى