أنا عـنـدي الحـــَـــــــل

لأيمت... رح نضل نضب بهالشناتي ؟؟ .........
لأيمت ...رح نضل نبعت بهالفيزللشباب ويالله عَ الخليج ؟؟.
لأيمت.. رح يضل كل تفكيرنا انو ندبِر فيزا ونسافر؟؟
........................................... صدقوني مابقي حدا ...
خلصو الشباب وماخلصت الشناتي !!
أكيد .. الكل بيعرف السبب ..( مـــــــــــــــــافي شغــــــــــــــــــل ) . بس الحل مو بالهرب !

لازم نفكر بحــــَـــل !!

على كلٍ أنا عندي حل : هو باقامة شركة مساهمة مغفلة بالمشتى رأسمالها مكون من أسهم( تختلف قيمة السهم بحسب رأسمال الشركة ) و تطرح اسهم الشركة للاكتتاب العام , طبعاً , البعض رح يتساءل عن موضوع الشركة او شو بَدا تشتغل ؟ أكيد.. هالموضوع مانو سهل ...بس كمان مانو بالامر الصعب وخصوصاً ( انو عنَا رجال أعمال بالخليج وبأميركة واوروبة, عدى عن الخبرات الموجودة عنا ) وهالاشخاص مانن عاجزين عن ايجاد موضوع للاستثمار , بالاضافة الى اضطلاعن الواسع في كافة المجالات وعلى كافة الاصعدة .
والشي الِلي بيشجع على اقامة هالشركة : أولاً : نحنا عنا مغتربين كتير وبالتالي امكانيات مادية ممتازة, بالاضافة للامكانيات المادية المعقولة بالمشتى. وما بعتقد رح يكون من الصعب عَ المغترب أوحتى على ابن المشتى شراء ولو اقل ما يمكن من الاسهم .
تانياً : أديش رح تحتاج الشركة من ( اداريين ,وموظفين , وعمال , وسائقين ....الخ ..) .
تالتاً : عدى عن الحركة اللي بتعملها وخصوصاً بالشتي , ومافي داع احكيلكن عن الشتي بالمشتى , بتعرفوه أكتر مني.
رابعاً: مو لازم ننسى الفائدة اللي رح ترجع ع الكل بسبب شراء الاسهم وماتحققه من فوائد وأرباح !!

بتمنى انو هالموضوع ياخد حيز كبير من اهتمامكن وخصوصاً (أصحاب رؤوس الأموال سواءً بالمغترب أو بالمشتى) ..... لازم بئـَــــــا نفكِر بالمشتى مو بس بعواطفنا وبعقولنا كمان لأنو مو ناقصنا شي, كلشي عنا ,..
وحاجتن بئـــَــــا هالاهــــــــــل.... وحياتكن .. تعبو من الغربة ومن ضب الشناتي .


( غيث تقلا )