 |
 المواضيع المميزة : | ||
| |||||||
| قسم الأدب الشعبي و الموروث خاص للأدب الشعبي الموروث و الفلكلوري من قصص و حكايات و حكم و عادات و تقاليد |
|
آخر 10 مشاركات
|
 |
| | LinkBack | أدوات الموضوع | تقييم الموضوع |
|
#1
15-04-2007
| ||||
| ||||
اسآل مجرب و لا تسأل حكيم الإسم كبير و المزرعة خربانة من برا خام و من جوا سخام من برا هالله هالله و من جوا يعلم الله بالإعادة إفادة كتر التكرار بيعلم الحمار أعزب دهر ولا أرمل شهر اعطي الخبر للخباز حتى لو أكل نصو عم حاكيكي يا كنة .. اسمعي يا جارة أكبر منك بيوم أعقل منك بسنة أول الرقص حنجلة برد الصيف أحد من السيف بلا دف عما يرقص بنت الدار عورا مزمار الحي لا يطرب بنت منيحة أحسن من صبي فضيحة انفشوا و شوف ما اجحشوا لولا الغيرة ما تجوزت الأميرة لو فيها الخير ما رماها الطير بيت السبع لا يخلو من العضام العلم في الصغر كالنقش على الحجر تيتي تيتي مثل ما رحتي جيتي الدنب الأعوج من التور الكبير جبناك يا عبد المعين لتعين طلع بدك مين يعينك جبنا الأقرع ليآنسنا .. كشف عن قرعتو و خوفنا الجار قبل الدار الجنة بلا ناس ما بتنداس يا كاسر مزراب العين العين ما بتعلا عالحاجب متل الأطرش بالزفة متل الأربعا بيوم الجمعة بالحركة بركة حط رجليك بمي باردة الحاق الكذاب لباب داره حامل السلم بالعرض دود الخل منو و فيه الديك الفصيح من البيضة بيصيح عديم وقع بسلة تين اللي بيتو من بلور ما بيرمي بحجارو الناس العبق لمن سبق اللي سبق شم الحبق اللي ما بيعرفك بيجهلك اللي من ايدو الله يزيدو الذي بياكل العصي مو متل اللي بيعدا لا تلعب بالنار بتحرق أصابيعك اللي بدو يلاعب القط بدو يتحمل خراميشو اللي ايدو بالنار مو متل اللي ايدو بالمي الذي بيعرف بيعرف واللي ما بيعرف يقول كف عدس العليق وقت الغارة ما بينفع رجعت حليمة لعادتا القديمة الرزق الداشر يعلم الناس الحرام الصديق وقت الضيق السعد بيجي جرجرة والنحس بيجي كوكرة سكر بابك وأمن جارك شباط شبط ولبط وريحة الصيف فيه صاحب الدار ادرى باللي فيه ما صرلك بالقصر من مبارحة العصر صار إلا زوج قالت اعور ما بريدو صار للدبانة دكانة و صارت تسكر الساعة تمانة الصبر مفتاح الفرج رب صدفة خير من ألف ميعاد ضرب الحبيب زبيب ضربني وبكى وسبقني واشتكى طلطميس ما بيعرف الجمعة من الخميس طلطميس ما بيعرف الخمسة من الطمسة طنجرة ولقت غطاها الطيور على أشكالها تقع عدس شقرا ما يحمل دقرة علمناه على الشحادة سبقنا على الابواب على عينك يا تاجر على قد المونة بتجي المعونة على قد بساطك مد رجليك عيش يا كديش لينبت الحشيش العين بصيرة والايد قصيرة العين لا تعلو عن الحاجب غاب القط العاب يا فار الغالي بيرخصلك بكرا بيذوب التلج و بيبان المرج غيم شباط ما عليه رباط قالوا لفرعون من فرعنك قال ما لقيت حدا يردني قطع الاعناق ولا قطع الارزاق قلبي على ابني وقلب ابني عالحجر قالوا للحرامي احلف يمين قال إجا الفرج النصيحة بجمل كل ديك عمزبلتو صياح كل عنزة معلقة بعرقوبها كل مين كترت فلوسو بنت السلطان عروسو الاسى ما بينتسى ليجي الصبي منصلي عالنبي لسانك حصانك صنته صانك خنته خانك كلنا بالهوا سوا لا بنام بين القبور ولا بشوف منامات وحشة لا تاخد صديق إلا من بعد مقاتلة لا بتتش و لا بتنش طول عمرك يا تينة .... مجعلكة صار للشوحة مرجوحة ولأبو بريص قبقاب العز للرز والبرغل شنق حاله طب الجرة عتما بتطلع البنت لأما والله كبرتي يا بيتنجانه وطلعلك جراس إلا بكل عرس قرص لولا المربي ما عرفت ربي مو كل مرة بتسلم الجرة ما بيحك جلدك الا ضفرك متل القط بسبع أرواح اللي خلف ما مات اللي استحوا ماتوا من قلة الخيل شدوا على الكلاب سروج واحد حامل دقنو والثاني تعبان فيها قاعد بحضنو و بينتف بدقنو اللي بتعرفو أحسن من اللي بتتعرف عليه على ابنها حنونه وعلى كنتها مجنونه يا رايح قلل قبايح يا رايح كتّر ملايح إيد وحدة ما بتزقف ياما تحت السواهي دواهي بيغرق بشبر مي بيقتل القتيل وبيمشي بجنازتو اذا كتر ضحك حماتك خاف على نفسك وحياتك الضرة بتكره ضرتا لو أجت من صرتها اللي بـ بيت اهلو ع مهلو الزلمة رحمة لو كان متل الفحمة البدو يعمل جمّال بدو يعلي باب دارو اللي شاف حبابو نسي صحابو
__________________  أنا إيماني الفرح الوسيع من خلف العواصف جايي ربيع إذا كبرت أحزاني .. و نسيني العمر الفاني انتا اللي ما بتنساني sisi   |
|
#2
15-04-2007
| ||||
| ||||
| [align=center]هذه بعض من امثالنا الشعبية والتي تختصر تجارب أجدادنا شكرا لك يا sisi[/align] نجار وبابه مكسّر الجنازة تقيلة والميت ك ل ب عنزة ......... ولو طارت الجار للجار ولو جار التكرار بيعلم الشطار في الاعاده افادة صار لل ( ...... ) مرا صار بيحلف بالطلاق عم حاكيكي يا جارة لتفهمي يا كنة الفهم فضلوه على العلم والطير يرقص مذبوح من الألم الدفى عفى والبرد قاتول دخان يعمي ولا برد يقتل مشفى الحي لا تشفي الولد سر اباه الكلب كلب ولو طوقته ذهب والسبع سبع ولو بين الكلاب ربي كلب صديق خير من صديق كلب العلم نور والجهل ظلام الولد ولد ولو عمر بلد ذهب الحمار بام عمر فلا رجعت ام عمر ولا رجع الحمار الخط الاعوج من التور الكبير لو الذكى بكبر الراس كان الحمار أذكى الناس حطو دنب الكلب اربعين سنة بقالب التلج تا يجلسوّه بقي اعوج جينا الأقرع تا يشجعنا كشف عا القرعه وفزعنا اعرف نفسك ثم عرفني عليك اللي بيشتريك بيرجع يبيعك العلم في الصغر كالنقش في الحجر الضربه اللي ما بتقتلك بتقويك الديّن ممنوع والعتب مرفوع والرزق على الله ديّنو بيفرح ...... طالبه بيزعل ........ اتركه بينسى الديّن همّ بالليل وذل بالنهار اصبر اصبر لعل الوحي يأتيك ...... صبرت صبرت فرأيت الوحي انتيكا ما باس تما غير أما كتر الفلوس بيغير النفوس شو بتذكر منك يا سفرجلة ؟؟؟؟؟ كل قضه بغصه العين بصيرة واليد قصيرة |
|
« بيدرنا أصبح مهجور
|
الحب الاعمى »
| يتصفح الموضوع حالياً : 1 (0 عضو و 1 ضيف) | |
| أدوات الموضوع | |
| تقييم هذا الموضوع | |
| |
|
المواضيع المتشابهه | ||||
| الموضوع | كاتب الموضوع | المنتدى | مشاركات | المشاركة الاخيرة |
| أمثال طريفة - 3 - | خالد هلالة | قسم الأدب الشعبي و الموروث | 0 | 31-12-2008 05:43 AM |
| أمثال طريفة - 1 - | خالد هلالة | قسم الأدب الشعبي و الموروث | 0 | 09-12-2008 08:41 PM |
| قصص شعبية | هالة | قسم القصص و الروايات | 11 | 23-06-2008 06:36 AM |
| امثال شعبية ..رقم 2 | ramroum | قسم الأدب الشعبي و الموروث | 11 | 10-01-2006 03:05 PM |
| تعرّف على شعبية موقعك بين محركات البحث | echo | قسم تطوير و تصميم المواقع | 0 | 07-06-2005 12:39 PM |
الساعة الآن 05:42 AM.
