كانت المشتى ...مشتى

[mimi]

الشخصيات:
- مشتاوي مغترب راجع على المشتى ليشتري بيت ويسترجع ذكرياتو القديمة
-مشتاوي طول عمرو قاعد بالمشتى ببيتو القديم يلي مابيقبل يغيرو
الزمن :
هيداك الصيف
المكان:
تحت شجرة الدلبي...
القصة:
قال المغترب: يا زلمي والله أنا ندمان... كان عنا شئفة أرض بالمشتى قمت رحت بعتا وهاجرت وراحت الأيام ورجعت لهون لاشتري شئفة أرض تانيي وعمّر عليها بيت, وما بشفلك ولا أرض أصحابا من أصل المشتى كلو غرب بغرب وما ببيعو بضعف ولا بضعفين السعر ...لا يا عيني ب 6 أضعاف الله وكيلك
يا زلمي صرنا نحن الأغراب ...
رد المشتاوي يلي ضل عمرو كلو بالمشتى: هيك أغلب أهل المشتى خانو تراب العز ونسيو عرق الجبين يلي انجبل بالصخر وباعوا الغالي بالرخيص .
بتتذكر طريق الكرّوسا والصخرات الزرق كيف كانوا – الله يرحم هيديك الأيام – اليوم ما بتقدر تمشي ابدا على هيدا الطريق ولا بقى تشوف حدا بتعرفو وبزمانو قال الشاعر الكبير سليمان العيسى : (إذا دخلت الكهربا على المشتى خربت . ) فما بالك هلأ شو دخل على المشتى وشو صار...
بكرا بتشوف كيف بتصير المشتى ما المشتى قال وبيقولو سياحة وتطور وحضارة ههههههه ...إي لكن المال بيعمي بس -لا تعبدو الهين الله والمال – ايييييييييييييييييييه(بتنهد) إذا غرقت الأرض شو بينفع بقى من البشر ... بيموتوا غريق .
وما حدا من المشتى اعتبر بكرا مارح يبقى حدا يقول ((أنا مشتاوي)) بكرا بينقرض المشتاوي متل الديناصور .
بس رح تبقى الدلبي تدل أنو كانت المشتى مشتى وكان المشتاوي مشتاوي ...

[adidas]

وطني

وطني.. يا جبل الغيم الأزرق

وطني.. يا قمر الندي والزنبق

يا وجوه الـ بيحبّونا..

يا تراب اللي سبقونا..

يا زغيّر ووسع الدني.. وسع الدني يا وطني

وطني.. يا دهب الزمان الضايع..

وطني.. من برق القصايد طالع..

أنا على بابك قصيدة..

كتبتها الريح العنيدة..

أنا حجرة أنا سوسنة.. أنا سوسنة يا وطني

جيراني بالقنطرة تذكّروني

وبلابل القمرة يندهوني

شجر أراضيك سواعد أهلي شجّروا

وحجار حفافيك وجوه جدودي الـ عمّروا

وعاشوا فيك من ميّة سنة.. من ألف سنة.. من أول الدني

وطني.. وحياتك وحياة المحبة

شو بني.. عم إكبر وتكبر بقلبي

وإيام اللي جايي جايي..

فيها الشمس مخبّاية..

إنت القوي وإنت الغني وإنت الدني.. يا وطني

[ثناء حيدر]

الصديقة ميمي

خاطرة كتير حلوة
وواقعية يا ميمي
بس المشتى بتبقى المشتى
متل حبة القمح
أصيلة
بتعطي كتير ... وبتغمر السهول بالسنابل الدهبية
وبتضل المشتى بسنديانتها ودلبتها شامخة حد السما
وبتبقى المشتى بأهلها وطيبتهن محفورة غنية على الحورة العتيقة متل تاريخها العتيق
المشتى بتضلا صبية ما بتختير
بتضلا بلد الحلا والكرم والضيافة ....
بتضل ما بتروح
والأصيل بيضل أصيل
مهما كترو الأغراب
والأرض بتضلا عروسة منزفها بليلة قمرية لشباب المشتى
اعذروني كتبت بالعامية .... لأنو بحس حالي عم خاطب كل بنفسجة رقيقة بالمشتى وكل زهرة فل وكل شجرة عليق في وديانها الكبيرة ...وفلت الحكي مني ... وضاع بين عشوشها الحلوة ... وبين زقزقات عصافيرها ....
انشاء الله المشتى بتضل عمرانة ... وبتبقى لصحابها اللي روووها من عرق جبينهن ... وبتضل الصبية الحلوة ناطرة حبيبها تا يرجع ... ويلبسها خاتم محفور عليه :
اسم الحبيبة : مشتى الحلو
اسم الحبيب : مشتاوي

[المشتى]

فعلاً صديقتي ميمي كانت المشتى مشتى

بس بدك الصراحة ماحدا خرّب المشتى غير أهلها و الدخلاء عليها يعني الواحد ما بيقدر يقول غير الله يلعن أبو المصاري عأبو اللي اخترعها

يا خوفنا بكرا بالأيام يصير هالموقع كمان لشي واحد غريب بس مو بعيدة

[N.N]

شكرا سيدتي على محاولة زرع بعض بذور الآمال و لو في الرمال

يقال أنه إن لم تكن هناك رغبة بالحياة فلا أحد يستطيع المساعدة

و هذا ما نراه في مناحي الحياة في المشتى...

ستسألون أي حياة تقصدين

نبضات الحياة لا تنفصل كلها متصلة تعطي شكلا أحيانا جميلا و أحيانا بالعكس

و سأكتفي هنا بالتحديق

فلا أرى أوراق الدلب في الخريف و لا مدفأة الحطب... حتى شجر السنديان الدائم الخضرة حل محله الرمادي و ألوان باهتة أو حادة شتى

حتى الغيم تراه مطفأ و المطر عالق به وإن أمطر يمطر رملا

فقد أغلقت بوابات الكلام و نامت أزمنة الأحلام و رحلت شخوص و بقي مفارق طرق و حرقة ألم

فكيف سأرى نفسي في المشتى و مشتاوي و هم بدون مشتاويين

و أتسأل بعد التحديق

هل يا ترى ستستمر بالعيش الدلبة

إن جف الانبوب









| | | | |

[Pascale]

ميمي ... عنجد كانت المشتى مشتى ...بس حضل المشتى طول ما شبابها و مهاجرينها عندن الحنين لترابا....و الحلم انو يرجعولا يوما ما..انا ما بنكر انو في كتير باعو بس على امل انو الجيل الجديد يوعى عالي صار و عم بصير بالضيعة....شكرا