حدثت في المشتى
الشخصيات ( ي ف ) 0 ( ك ن ) 0 ( ف س ) 0 ( س ) وأخيرا ابو أحمد , أعتذر عن عدم ذكر الأسماء ولكن من الممكن أن تكون معروفة لديكم عند قراءة القصة وسأكتفي بالحرف الأول لعدم التشابه ومن أجل تسارع الأحداث 0
ذات يوم جلس ( ف ) يفكر في الماضي القريب ماسكا شاربيه ويصفن بالمقالب التي نسجت له من قبل (ي) و (ك) وقد كان ضحية لها في معظم الأحيان وتراكمت ديون المقالب وحان الوقت لافتراس الضحية وهما ( ي , ك ) وقال يجب أن ارتب لهما شيء لم يحدث في تاريخ المشتى 000 سوف ألقنهم درسا في التعامل وبيع العقارات , فكر مليا وتتالت له صورة المشهد القادم 00 وما يحتاج له من أدوات وأشخاص 000 لا بد من شخص أخر يقوم بهذا الدور المضحك والمبكي , نعم ليس أمامي الا الذهاب الى حلب الشهباء حيث الجو الهادىء يعطيني القدرة على ابداع المقلب ,نعم حلب 000 شد الرحال وخلال ساعات كان بحلب 000 لم ينتظر طويلا حتى وقع الأختيار على أبو أحمد 00 أنت يا أبو أحمد شخصية ظريفة ويمكن تنفذ كل ما أطلبه منك 00 سمعا وطاعا ,
أستمع أبو أحمد لكل ما أملي عليه ودقق الخطة ورسمها بكل ما اعطته شخصيته الفذة على التمثيل من قدرات 00 وقال انا جاهز 00 هل لديك بدلة تليق بما ستقوم به ؟ طبعا طبعا , انها بدلة عرسي فهي جديدة ولم البسها بعد الزواج لانك يا ( ف ) كما تعلم بعد الزواج لا يبقى لديك مناسبات أو بالأحرى بتصير على الحصيرة وفهمك كافي يا أخي 0
جاء أبو أحمد في اليوم التالي 000 وكأنه جاهز لعرس جديد 00 عريس ما شاء الله , ولكن هذا الحذاء اللعين لا يوجد لديك بديلا عنه 000 بالطبع لا 000 المهم بعد انتهاء المهمة سيكون البديل جاهز 00 ركب أبو أحمد السيارة والوجهة مشتى الحلو 000 الحجز بالمنتجع جاهز 000 المتوفر بالجيب يكفي لمصروف ثلاثة أيام على الأقل , وهذا يكفي لتنفيذ المهمة القادمة 000 وصل المنتجع كان الأستقبال حافل بالزبون 00 أهلا وسهلا أبو أحمد لديك حجز لثلاثة أيام , شكرا على حسن الأستقبال , جلس على الشرفة الغربية من الفندق يتأمل مناظر المشتى الخلابة , فكر مليا ثم قال يا ريت استطيع الأقامة هنا بدون مهمات 0
بدون تردد ذهب الى ساحة المشتى الرائعة وسأل أحدهم أين يوجد مكاتب عقارية 00 فأجابه شخص يجلس على كرسي خشبي جانب تكسي ميرنا 00 الأخ تاجر عقار ؟ نعم 0 دب الحماس وعشق الكمسيونات النخوة في صاحبنا وأتصل بالمطلوب ( ي ) جاي 00 جاي 00 أوعا تخليه يروح 00 أنا بالأمر لا يهمك 00 أرسله لك 00 لا لا أنا جاي 00 تكرم عينك لن أنساك يمكن انسى ابني ولا بنساك لا يهمك 0
حصل التعارف بدقائق 00 وذهبا الى مكتب ( ي ) 00 لك يا اهلين وسهلين حلت البركة 00 الأخ شامي 00 لا قلت لك حلبي 000 وبعرف المشتى تمام 00 لك اهلا00 لك اهلا فيك لك انا توقعتك حلبي من هالقامة 00 يو وين بتحب نتغدا 00 ليك عندك الشير 00 وعندك جنة نبع الجسر 00 وعندك الغبيط 0 شو رأيك اول الشيء أحكي مع شريكي وحبيب قلبي ( ك ) وبعدين بنقرر وين الغدا 00 الو ( ك ) ليك يو عندي حبيبي ابو أحمد جاي من حلب يا ريت تعجل وتجي هلق 0 ليك يو انسيت قلق حبيبي ( ك ) بيكره الضجة شو رايك نتغدا عند ( أبو ماجد ) احلى محل بالدنيا قعدي شعبية ورواق وما حدا بالدنيا بيزعجنا وخطي شريكي بيتذكر المرحوم بيه كل ما شرب كاسة هونيك 00 كان المرحوم يحب القعدات الشعبية يرحم بيك 0
أبو أحمد شو عندك عقارات بها الأيام يوب ؟
( ي ) ليك يو لا تعتل هم انا بي العقارات هون وامها كمان شو ببالك نحنا بالأمر 00 لا يهمك 0
بس يو عندك فكرة عن أسعار المتر بالمشتى ؟
أبو احمد : لا أبدا بس ليست مشكلة 000 أه ممتاز ( ي )
وصل ( ك ) بسرعة000 طلعوا بالسيارة أنا ميت من الجوع 000 ذهب الثلاثة الى مطعم ابو ماجدالمتواضع وبعد الغذاء نام ( ك ) على الكرسي 00 وشخر 000 أخ 000 أخ 00 أخ 000
(ي ) معليش شريكي بحب سهوة صغيرة بعد الأكل 00 بتمنى ما تزعل منه
( ك ) مين قال لك اني نايم عم اسمع 000 بس شكلها ما في بيعة اليوم على الحكي الذي اسمعه
(ي ) يلا نمشي الوقت يداهمنا 000 وصلا المشتى من جهة المهيري 000 وبدأ (ي) يشرح له قيمة هذه العقارات وأنه خلال شهرين سترتفع الأسعار عشرة أضعاف اذا مو أكتر 000 يا ريت عندي أصابع ذيادة لكنت قلت لك شقد بتربح 000 قوي قلبك يو 000 الشغلي بدا قوة قلب وبس
أبو أحمد : انني أكره هذا المكان لانه يذكرني بالمرحومة زوجتي 00
(ي) منتفضا 00 يلعن الشيطون وساعته 000 والله حسيت انك مانك مرتاح لها العقار 00 خلونا نروح لمكان تاني 00 ليك يو في عقارات كتير بس انت أشر وين بدك 000 انا محسوبك
ولكن لأبو أحمد رأي أخر فالخطة مرسومة على عقار محدد ومعلوم الموقع سلفا ويقع بجانب المنتجع ( شرد أبو أحمد مليا ) 00
(ي) 00 شو يو بشو ما تفكر 000 بالدفع ما عندك مشكلة 000 بالفراغ شيلو من بالك 00 بشو قلي 00 انا محسوبك 00
(ك) خلصونا بقا أنا ضاقت خلاقي ترا ها 00
أبو أحمد 00 ترا صديقك عصبي يوب 00
(ي) 00 لا 00 لا يو هوي هيك بحب يمزح كتير ( ولكشه بكوعه )
وصلا طريق الغربي واذا بأبو أحمد يقول 00 بس 000 بس وقف 00 هذا هو المطلوب هذا ما كنت أحلم به انه على المقاس هذا أجمل عقار في المشتى 00 وقفوا وترجلوا 00 0
(ي) أي عقار دلني 000 أشار ابو أحمد الى العقار المطلوب 000 أحمر وجه (ي)و(ك)
(ي) : ما القت غير هاد العقار شو بدك من هاللغبوصة يو 000 هذا العقار عليه مليون مشكلة
لا بينفرغ 000 ولا بيتطوب 000 ورايح نصفه منطقة خضرا , ونصه التاني أملاك دولة والباقي طريق أوتستراد سينجز بعد سنة 000 أرجوك انسى هذا العقار
أبو أحمد يصر عليه 000 لا ابدا 00 حتى لو شو ما صار فيه بدي هالعقار 000 لا اريد غيره 0
نظر (ي)الى (ك) وبنظرات فيها من الحسرة والألم ما يوحي بأن شيء قادم 00 أخذه عل جنب 00كيف بدنا نعمل هذا العقار ملك (ف)
(ك) مو مشكلة أنا بشتريه من عديلي ونبيعه لها البغل 000 شو كان أسمه 00 أبو أحمد يو 00 أه أبو أحمد , وبسرعة أتفقا على موعد أخر وبدون تأخير اليوم الساعة السادسة عندي بالمكتب OK أتفقنا
(ك) شو هال OK صاير بتحكي انكليزي 0
(ي) : الوقت ضيق بسرعة 000 يلا لعند (ف) وصلا المنزل ولكن المفاجأة كانت أن (ف) بحلب
(ي) : خيتي (س) كيف فينا نوصل ل (ف)
(س) : والله عندي أكتر من رقم هاتف ( 00000) 0(00000)0 (00000)
(ي) : عطيني هالتلفون دخليك في صفر 0000 نعم 000
وبدأ النقاش مع (ف) على السعر وتمسك (ف) بالسعر المرقوم 3500 ل0س المتر وكانت المشكلة ان السعر نفس المتفق عليه سابقا مع أبو أحمد 0
(ي) : يو 00 مو شايف السعر شوي كتير
(ف) : والله انا شاريه ب 3000 ل0س قديش بدك ياني بيعه
كان (ي) على علم بأنه لا جدوى للنقاش مع (ف) على السعر طيب خيي 3200 كويس 000
خلص مبروك عليك وعلى عديلي 000 ههههههههههه لا عديلك مو معي بها الشروة
طيب اتفقنا 000 كيف الطريقة هل مع (س) وكالة ؟ نعم معها وكالة
(ي) : يعني شو رأيك أدفع لك 150 ألف هلق والباقي عند الفراغ شرط الوكالة هلق
(ف) : يلي بتشوفو انا سهل بالبيع بس صعب بالترجيع ههههههههههه
(ي) : لك يا عيني عليك ما في أحلى من المشترى منك 000 مبروك 000 كتبا العقد ودفع العربون وقال : لك ألف مبروك أنشاء الله على قبال البيعة التانية 00 شكرا اليك خيتي (س)
ذهبا الأثنان الى المكتب قبل الموعد المحدد 000 شو رأيك بها البيعة صحي ما فيها ربحة مدسمة بس مانو انجاز بيومين 500ألف مو عاجبتك
(ك) طعك ولك (ي) بس ما شفت الصباط يلي لابسه أبو أحمد 000 نص نعله متل حدوة حصان المرحوم بيك 0
(ي) : لا يو شو دخل هاي 000 يخي لي بشوفني بيقول ما معو بارة 0
(ك) : طيب وهلق شو بنا نعمل ؟
(ي) : هلق أنا رح أتـصل فيه وأعزمه على العشا ونوقع العقد وبنقول أنه لازم يدفع كمسيون لواحد ثالث ساعدنا بالبيعة 0
(ك) : يخرب بيتك شو طميع ما بكفي اللي ربحناه 000 هههههههههههههه
أمسك (ي) بسماعة الهاتف 000 الو 000 المنتجع كيفكن دخلك عطيني 36 لو سمحت 00 لحظة 000 السنترال 000 ما حدا عم بيجاوب 000 بس لحظة خليني شوف كشف النزلاء 000أه هدا الحلبي 000
(ي) : أيوا يا عيني عليك هوي بذاته
السنترال : للأسف غادر الفندق منذ ساعة طلب تكسي من ميرنا الى حلب 0
(ي) : لا يو لا تمزح هالمزحة
السنترال : والله العظيم ماني عم أمزح
نظر (ي) الى (ك) عملها فينا 00 يا الله 000 يا الله 000 معقول 0  | 
سلسلة قصص ابو اسعد 
