 |
 المواضيع المميزة : | ||
| |||||||
| قسم الفن و الطرب كل ما يتعلق بالفن و الفنانين (طرب-تمثيل-أغاني....إلخ) |
|
آخر 10 مشاركات
|
 |
| | LinkBack | أدوات الموضوع | التقييم:  |
|
#1
05-07-2007
| |||
| |||
فيروز ليست مغنية عادية، إنها صوت الراحة الوحيد وسط الشقاء العربيّ. أتمنى أن ينال على إعجابكم .عزاء وسلوى ، حب وشجن، وسط ضجيج عالم لم يكف عن التقاتل بسبب أو من دون سبب. رافقتنا نغمات صوتها من براءة الصبا، إلى قسوة النضج، بكت لمدننا الضائعة، وأرواحنا المنكسرة، وفي كل هذا حافظت على صوتها حاراً متدفقاً وعلى غنائها قوياً وعذباً. كانت أشبه بشريان للحياة لم تعكره الصراعات العربية ولا الهزائم المتوالية، ظل سامياً وشادياً وسط عالم تسوده الفوضى والعشوائية، هذه هي قيمة صوت فيروز الحقيقية. إنها علت بنا وبالأرض التي نعيش عليها حتى تخيلنا أنه يمكن ملامسة النجوم . إنه سحر الغناء الذي لم تقدر عليه ساحرة أخرى مثل فيروز. وعرفاناً مني للغوالي في حبيبتي المشتى الذين يعشقون فيروز سأعمل على جمع درر فيروز النادرة والقديمة والغير موجودة على صفحات النت،لتكون أرشيفاً للمنتدى يعود إليه عشاق فيروز ... عاشقة فيروز والمشتى ثناء أبدأ بالأغنية رقم ( 1 ) ما أحلى الرجعة بكير ما أحلى الرجعة بكير والدنيي رفوف عصافير هالدرب اللي منعرفها شو إلناعليها مشاوير هلآ عا الضيعة منطلّ ومنشوف سطوحا القرميد والدوري يكرج ويغلّ معشش عا الشباك جديد ويا نسيم سطور وهلّ بيت الحلوة منّو بعيد سهرة عندا وما منفلّ تا ترف الليلة وتطير ياريت نحنا سهرانين وعتم وتلج يغطي حقول وأنا وإنتي منسيين وخبيكي بقلبي عا طول ويدقو يدقو الحلوين عا قلبي وقلن مشغول روحو ونحنا تعبانين حبينا وبْعِدْنَا كتير ما أحلى الرجعة بكير والدنيي رفوف عصافير وهالدرب اللي منعرفها شو إلنا عليها مشاوير
__________________  ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي آخر تعديل بواسطة ثناء حيدر ، منذ 2 أسابيع الساعة 10:28 PM.  |
|
#2
05-07-2007
| |||
| |||
| الأغنية رقم ( 2 ) سمرة يا ام عيون وساع سمرة يا ام عيون وساع والتنورة النيليي مطرح ضيق ما بيساع رح حطك بيعيني يا عيني عا هالعينين العا دنية ورد انفتحو وكيف ما التفتو عا الميلين قلوب قلوب بيندبحو في نجم بلفتاتك ضاع حكيت عنك غنيي وسحرك يا اللي ما بينباع مبكّي الوردة الجوريي لِمْ بتكوني حدّي بشوف الدنيي مزارع ورد وفل جوانح تعبانة ورفوف حساسين تزقزق وتطل ولمّا الأسرار بتنزاع بزعل من شي خبريي بتقوليلي ارجاع ارجاع ومدري شو بيصير فيي؟؟ *** جلسة لنا وعا الحب مجتمعين وتنيننا عا المقعد مجانين ولك قرّبي صوبي تا نحكي شوي عيونك وقلبي وسر هالحلوين مبارح كانت عم بتقول عصفورة لأختا بالسر شالك يا سمرة مغزول من لون الزهر المخضر خليني بعينكي شراع قاصد مينا منسية وان شي مرة الزنبق شاع خليلي منو شويي سمرة يا ام عيون وساع والتنورة نيليي مطرح ضيق ما بيساع رح حطك بيعنيي
__________________ ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي آخر تعديل بواسطة ثناء حيدر ، منذ 2 أسابيع الساعة 10:37 PM. |
|
#3
05-07-2007
| |||
| |||
| الأغنية رقم ( 3 ) أنا وسهرانة أنا وسهرانة وحدي بالبيت على السكيت ومتل الضجراني مشية قريبة طقت ع الدرب قلت ياقلب جايي حبيبي قمت وضويت زحت البرداية تا يشوفا الجايي وشعشعت البيت رتبت المزهرية هييت قلوب السكر حطيت الشال عليي ولبست العقد الأحمر وانطرت الباب تا الباب يدق والقلب يدق وما دق الباب والمشية بعدت بعدت بالليل محاها الليل بعدت وبعدت أنا سهرانة وطفيت الضو وطلع الضو وأنا وسهرانة
__________________ ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي آخر تعديل بواسطة ثناء حيدر ، منذ 2 أسابيع الساعة 10:45 PM. |
|
#4
05-07-2007
| |||
| |||
| كود: الله عليكي يا صديقتي الغاليه بجد محتاجين لسماع هذه الأغاني النادره وشكرا كتيرعلى هالموضوع الرائع لأن فعلا صوت فيروز صوت ملائكي قادم من مكان بعيد مريح للأعصاب وبتمنى أن تجدي هذه الأغاني لتمتعينا بسماع صوت فيروز مع الكلمات الرقيقه الرائعه وبتمنى أن تجدي أغنية الله معك يا هوانا يا مفارقنا لأني كتير بحبها ومن زمان ما سمعتها ومره تانيه أشكرك يا غاليه على الموضوع الرائع أمول |
|
#5
05-07-2007
| |||
| |||
| أهلاً بمن أتانا أهلا بعروس النيل أهلاً بأمل الغالية رغباتك أوامر يا سيدة الذوق والجمال والوفاء لعينيكِ هذه الأغنية التي ترغبين بسماعها ... هنا سيكون لك الأرشيف الجميل الذي تعانقين فيه سمو الغناء وألق الكلمات ... ونبوة اللحن ... وعظمة صوت فيروز .... محبتي لك والياسمين يا أمل الأغنية رقم ( 4 ) الله معك يا هوانا الله معك .. يا هوانا يا مفارقنا حكم الهوى .. يا هوانا واتفارقنا و يا أهل السهر .. يللي نطرونا بكرا إذا انذكروا العشاق .. ضلوا تذكرونا يا حزن السعيد انتهينا و تودعنا ما بنسى شو بكينا .. وصلينا تاتضلك معنا و يا أهل الهوى يللي نطرونا بكرا إذا انذكروا العشاق .. ضلوا اتذكرونا نبقى سوى و صوتك بالليل يقلّي و أنا عم إسمع بحبك حتى نجوم الليل نجمة .. و نجمة توقع و خلص الحب و سكتت الكلمة و تسكّر القلب ما وقع و لا نجمة ما تاري الكلام .. بيضلو كلام و كل شي بيخلص .. حتى الأحلام والإيام بتمحي إيام
الله معك يا هوانا / فيروز
__________________ ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي آخر تعديل بواسطة ثناء حيدر ، 05-07-2007 الساعة 02:41 PM. |
|
#6
05-07-2007
| |||
| |||
| الأغنية رقم ( 5 ) سمعنا سمعنا شو سمعنا سمعنا سمعنا شو سمعنا سمعنا حكي مافي إلو معنى اسمعنا بإنو عهدِنا تغير ماعاد رح يحكي الحلو معنا قصة زعل عم تنحكى وتنقال ويتغامزو عا حكيها العزّال ماعاد بدو يزورنا وشوقال قال الهوى ماعاد يجمعنا شو يا حلو زعلان منّا كيف ومنعرفو قلبك وفي ونضيف ومادام مافي بيننا تكليف عا القليلة مروق ودّعنا *** صرنا غرب نحنا اللي كنّا قراب وأحباب مافي متلِنا أحباب لعيونك قطفنا زهور الغاب وبوابنا للحب شرّعنا بكرا بترضى والهنا بيتم وبترجع تقطّفْ ورد وتشم لولا زعلِتْ ورجعت شو بيهم نحنا زعلنا كتير ورجعنا
سمعنا شو سمعنا / فيروز
__________________ ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي |
|
#7
05-07-2007
| |||
| |||
| الأغنية رقم ( 6 ) تخمين + يا كرم العلالي قصيدة ( تخمين ) ... غنتها معشوقتي فيروز ... ونظمها الشاعر الكبير المرحوم ميشال طراد قال فيها : تخمين راحت حلوة الحلوين وما ضل في غير الحبق تخمين هالقلب انطبق وماعاد يرجعلي بعد تخمين *** وغاب القمر من فوق بيتون غاب وما عاد رح بيطلّ واسود لون الفلّ والزنبقة البيضا ال حد الباب *** بآخر هك البستان في ممرق بيجيب عا بالي البكي مطرح ما كانت ترتكي مفرخ على شفافو العشب أزرق *** وطالع عريشة معششة فيها الطيور مطرح ما هرت دمعتا وبعدون بيحكو حكايتا هونيك كم بنفسجة خلف الصخور *** يا كرم العلالي عنقودك لنا ويا حلو يا غالي شو بحبك أنا عا النهر التقينا وما قلنا لحدا وتركنا عينينا تحكي عا الهدا سمّعنِي حكي وقلي شو بكي وطلعلي البكي يا دلي من كتر الهنا عا الدرب الطويلة مشاني الهوى بإيدو وميلي تا نمشي سوا صرت بلا وعي وشي يقلّي تعي وشي يقلي رجعي والدنيّ عرفت شو بنا واعدني حبيبي لِمْ بدّو يجي باسوارة غريبة وعقد بنفسجي واعدني بقمر وبشوية صور وباعتلي خبر بيقلي الموسم عا الجنا
تخمين + يا كرم العلالي/ فيروز
__________________ ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي |
|
#8
06-07-2007
| |||
| |||
| شكرا كتير يا صديقتي على تلبية طلبي تسلمي يا رب وشكرا على الأغنيه بالصوت كمان ميرسي بجد أنتي إنسانه كريمه ورقيقه جدا أشكرك وأمطري وزيدي علينا من السماء بأغاني من صوت فيروز الملاك أمول |
|
#9
06-07-2007
| ||||
| ||||
| سلامات يا ثناء.. بعد شكر حضرتك بدي قول شي.. الست فيروز إلها قريب الـ 1000 غنية (لسا ما قدرت إحصر العدد مزبوط لإني بعدني عم بشتغل على أرشفتهن).. المنشورين منهن حوالي الـ 630 غنية (بين غنية وسكيتش غنائي).. وهيدول كلهن بالألبومات المنشورة الموجودة بالسوق (في بعض ألبومات قليل ما تلتقى.. بس موجودة) المشهورين منهن (أو المتداولين، يعني اللي بينذاعوا كتير وبتعرفهن معظم العالم) حوالي الـ 400 غنية مش أكتر.. الفكرة هون إنو الأغاني اللي حطيتيهن حضرتك لهلق هني من الـ 400  "سمرة يا ام عيون وساع"، و "ما أحلى الرجعة بكير" و"سمعنا سمعنا" كلهن من ألبوم "يا ترى نسينا" وهالألبوم موجود بالسوق.. (وكل هالأغاني من كلمات وألحان الأخوين رحباني) "الله معك يا هوانا" من مسرحية "لولو" (من كلمات وألحان الأخوين رحباني) "تخمين" أو "كم بنفسجة" من مسرحية "البعلبكية" (كلمات ميشال طراد وألحان الأخوين رحباني) "يا كرم العلالي" نشرت هالغنية بتلات ألبومات "البعلبكية" و"الإسوارة" وألبوم "تغني فيلمون وهبي" (كلمات الأخوين رحباني وألحان فيلمون وهبي).. مش عم قول هيك مشان ما بقى تتابعي هالموضوع.. بالعكس.. بس حبيت ضيف معلومة قلال اللي بيعرفوها.. وإذا قدرت رح شارك معك بهالموضوع بكام غنية (لإنو صعب عليي بهالفترة إرفع غنية ع النت.. لإنو الاتصال عندي بيعلّ!!) آخر شي.. ملحوظة صغيرة.. بدي إعتذر منك قبل ما قولها.. الصورة اللي أرفقتيها حضرتك تحت غنية "سمرا يا ام عيون وساع" بظن هي لـ "مطربة" المصاصة "ماريا".. صراحة تفاجئت بس شفتها بهالموضوع!!! إنو أكيد لا هالموضوع ولا هالغنية إلهن علاقة فيها (عني.. الوجه الغبي ما بشوفو حلو) و.. صوري تحياتي
__________________ حلمي أن أرى الدنيا بلا عسكر |
|
#10
06-07-2007
| ||||
| ||||
| قصيدة نادرة للسيدة فيروز.. بعنوان: "أحبك".. لم تنشر في أي ألبوم.. ولم أعرف صاحب الكلمات وإن كنتُ أظن أن الألحان لـ عاصي الرحباني) أحبّك في صمتيَ الوارفِ وفي رفّة الهدبِ الخائفِ وبي، يا ملوّن عمري إليك حنينُ الكرومِ إلى القاطفِ حنينُ الشحارير عند الغروب إلى رحلةِ الموسمِ الهاتفِ ذرى بالندى والبريقِ تُطلّ كنهرٍ من الوَهَجِ الطائفِ أحبكَ، هل بعد حبي سؤال وبعد جمالي غوىً أو جمالْ أحبك حتى يَضِلّ الغمامُ وينسى الربيعُ دروب التلالْ أحبك حتى يملّ الصدى طواف الرّبى وعناقَ الجبالْ أقول أحبكَ موجي حقولْ وجَمّع شذى يا مِطلّ الظلالْ وقلتَ إلى بيتِكِ الساحرِ أجيءُ مع القمرِ الساهرِ فزيّنتُ بيتي وطال انتظاري وغنّيتُ حتى بكى خاطري وحين سكبتُ النشيد الأخيرْ وفرفطتُ عَقدَ الشذى العاطِرِ أتيتَ فيا حيرتي ما أقول وكيف ألاقيكَ يا زائري 
__________________ حلمي أن أرى الدنيا بلا عسكر |
|
#11
06-07-2007
| |||
| |||
| اقتباس:
الأخ شام ألف شكر على إثرائك هذا الموضوع بأغنية ( أحبكَّ ) وهي بالفعل نادرة وقديمة للسيدة فيروز كلمات وألحان الأخوين رحباني وقد سجلت في مصر في الخمسينات. وبالنسبة لملاحظتك الأولى أشكرك يا شام على هذه الملاحظة، نحن هنا في بلاد الاغتراب لا تتوفر لنا أشرطة فيروز، ولا توجد أسواق نلجأ إليها وقتما نحب سماع جارة القمر، ولشدة عشقي لفيروز أعمل على جمع هذه الأغاني النادرة من أجل أحبائنا المغتربين عن أوطانهم، وللذين يتصفحون الشبكة العنكبوتية، وأعتقد أن بعض الأغاني التي ستأتي فيما بعد ستكون بالفعل نادرة وقلّما نستطيع الحصول عليها على صفحات الانترنت. أما بالنسبة للصورة فلا أعرفها وقد وجدتها عن طريق الغوغل ووضعتها وهذا لن يقلل من عظمة فيروز ومن جمال الأغنية .. كل الشكر والامتنان لحضورك الجميل ثناء
__________________ ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي آخر تعديل بواسطة ثناء حيدر ، 07-07-2007 الساعة 12:05 AM. |
|
#12
07-07-2007
| |||
| |||
| الأغنية رقم ( 8 ) صرلو زمان الحلو ما بان صرلو زمان الحلو ما بان صرلو زمان يمكن حدا زعلو وعتبان صرلو زمان باعت رسول الحلو بيقول مع هالرسول إنو الهوى بدّلو عا طول ناسي عا طول مين خلاّك تتدلل علينا مين نسّاك دمعات عينينا هيك الأمل يا حلو عتبان ناسي الحنان ريت الجفا يا حلو ما كان ريتو ما كان
__________________ ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي |
|
#13
08-07-2007
| |||
| |||
الأغنية رقم ( 9 ) يا تَرى نِسِيْنَا ؟؟ ياترى نسينا قمر ليالينا يا ترى نسي مخابيبه في دوالينا يا ترى جفانا وما فتر هوانا وثمر الورود البيض في ملهانا وردة على الشباك مزروعة بتنام عا النهدات نجمة عا درب الليل موجوعة بتقول للتلات قمر ليالينا يا ترى نسينا والهوى جنى الأحلام عم يدعينا
__________________ ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي |
|
#14
09-07-2007
| |||
| |||
| الأغنية رقم ( 10 ) جلنار يا صبح روّج طوّلت ليلـى خلّـيـت قلـبـي نــار بلكي بتجي أختك تغنيلـك بلكـي بتـجـي جلـنـار صرخات عم بتموج بالوادي معنـزق عليهـا ضبـاب لبعيد عم بتـروح وتنـادي بيظهـر حبيبـو غــاب **** راعي بكي ومنجيرتو متلـو بكـيـت تــا يتـسـلّـى شو قولكن عا السكت قالتلو شــو قـولـكـن قـــلاّ خليك حدّي تا يـروق الجـو ورنـــدح وسـمـعـنـي ولمن بيطلعلك يا راعي الضو تـبـقــا تـودعـنــي **** وقفت قلبي عا الـدرب ناطـور تــا فــاق ألــف نـهـار ووعيت الشمس وزقزق العصفور ومـــا إجـــت جـلـنـار
جلنار / فيروز
__________________ ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي |
|
#15
10-07-2007
| |||
| |||
الأغنية رقم ( 11 ) ريح الشمالي ريح الشمالي يا نسيم بلادنا يا حسرتي عال شيّلو ما ميلو ودموع عيني عا الفراق بينزلو قالو جميع الناس حبابك بادلو قلت حاشى أن يوافوا غيرنا أنا في ضيعة الينبوع جاري رفيق الحقل والبستان جاري ارجعوا يا هاجرين الدهر جاري وشمس العمر مالت عا الغياب
ريح الشمالي / فيروز
__________________ ســـوريا يا كمام الورد ** لونو عا خدودك صـافي عندك مني أحلى وعد ** رجعة عا الحضن الدافي آخر تعديل بواسطة ثناء حيدر ، 10-07-2007 الساعة 04:31 AM. |
|
| يتصفح الموضوع حالياً : 2 (0 عضو و 2 ضيف) | |
| أدوات الموضوع | |
| تقييم هذا الموضوع | |
| |
|
المواضيع المتشابهه | ||||
| الموضوع | كاتب الموضوع | المنتدى | مشاركات | المشاركة الاخيرة |
| أغاني وطنية | sisi | قسم السياسة | 34 | 28-12-2008 02:42 AM |
| أغاني للأم | adidas | قسم الفن و الطرب | 7 | 03-03-2007 07:03 PM |
| أغاني الميلاد | titi | قسم الفن و الطرب | 6 | 19-12-2006 04:21 PM |
| أغاني للمقاومة | the jackal | قسم الفن و الطرب | 14 | 16-08-2006 12:32 PM |
| كلمات و معاني..........................! | Mr. Samo | القسم الثقافي | 8 | 11-04-2005 01:02 AM |
الساعة الآن 02:48 PM.
