ياللي توبك من توبي
وبعرف إنو بتهواني

اشتقتلك ميّل صوبي
وخلّي قلوبن غيراني

قالولي إنّك ناسيني
ومضيّع عنواني

نسيو إنك عايش فيني
ومش ممكن تنساني

القصة مش قصة رمانة
القصة قلوبن ملياني
***
زينتلك عمري
وإنت حبيب عمري

إنت بقلبي وفكري
ودمك بعروقي جاري

انصبتلك مرجوحة
فوق غصون الشوحة

روحي إنتا روحا
لما سميتك جاري
****
طلّ بأحلى طلة
كل سنيني حلّي
قلّي بحبِِكْ قلّي
وصوتَك يا روحي علّي

****
قلو للحاسدنا
عا الحب تعاهدنا
ما بتقدِر تبعدنا
حيّك بغير مسلة

الذوق خلق الك واللطافة بطبعك موجودة
وبتمنى منك يا ست الكل تجودي علينا بجودة

ما حدا بيمر وبيشوف اسمك منقوش بأعلى الموضوع وقد ما كان ما بيعرف يحكي ويعبر متلي انا يعني ما فيه وما يفوت ويعلق ولو بكلمة يعطيكي فيها حقك من الشكر والامتنان مع انه برأيي قدام ذوق ست عظيمة متلك كل الكلام بيخرس وبيبطل كلام

أول شي ألف الحمدالله على السلامة بعودتك بيناتنا وبين ربوع موقع مشتاوي والف الحمدالله على السلامة بوصولك انت والعائلة الكريمة الى تشيك مع انه اجازتك كانت قصيرة وما شفناكي وشبعنا منك بس هالشي بيضل احسن من انه لو ما شفناكي بالمرة

سلامي للسيد الرائع جعفر حيدر ولرشا وميدو

وشكرا الك على ذوقك بأختيار هالغنية الرائعة للصوت الجبلي الرائع رويدا

الغالية سيسي
مرورك نفحة حب من نسيم المشتى،
وزقزقة حسون على أفنانه ...
كم أسعدني حضورك يا سيسي
دمت بحبّ
ثناء

أيتها الياسمينة الندية سوسو
عطرك أنعش روحي هذا الصباح ...
ومع نغمات رويدا عطية ,,,
أبعث لك شكري وباقة زنبق وياسمين لعينينك أيتها الغالية
أشكر حضورك
نور المشتى تغلغل في جسدي وروحي فأضفى علي بهجة وسروراً وبهاء
ألف قبلة وتحية للمشتى وأهالي المشتى وورود المشتى
وأتمنى أن نلتقي العام القادم إن شاء الله
تحياتي
ثناء