يا حلو شو بخاف

يا حلو ... شو بخاف إني ضيعك ..
نمرق على الجسر العتيق ..
وتروح مني بهالطريق ..
لوين ..؟!! لا تقلي .. ولا تاخدني معك ...
يا حلو .. شو بخاف إني اسألك ..
كنّو بعد بتحبني .. قد البحر .. قد الدنيه ..
بفزع لتضجر من سؤالي .. وزعلك ..
يا حلو .. شو بخاف ليلة عاصفة ..
يخطر ع بالك شي نجم ..
وتقوم تمشي بهالعتم ...
وانطر أنا ع الباب .. انطر خايفة ...
ساعة إذا مرقت .. وما شفتك فيها ..
شو بشوف حالي صغيّرة ..
وحدي بهوني انطرك ..
وعالدنيه .. ينزل ضباب .. ويمحيها ..
عملني متل خاتم ذهب .. بأصبعك ...
تركني حاكيك واسمعك ..
خدني على قلبك معك ..
دخلك بخاف .. بخاف .. إني ضيعك ...
يا حلو ....يا حلو ....يا حلو ...

فتحهن علي

فتحهن عليي القمر شو ألو ...
هو ألف غنية .. عيونك يا حلو ...
عيونك يا حلو ..
فتحهن عليي .. عليي .. عليي ..
جابت لي العصفورة .. علبة فيها لعب ..
يوقعوا بجورة... بنت وصبي دهب ..
واسأل أنا قلبي .. كيف الدنيه بزورا ..
تبكي .. وعالعلبة .. تغمز العصفورة ..
صحيح راح حبك .. خبي لك وخبي ..
وما يوجعك قلبك .. لأ .. يوجعك قلبي ..
إلك أنا ومن دهر .. وهالورد يسألك ..
شو الزهر ؟!! يفنى الزهر ..!! وابقى أنا إلك ...

فايق عليّ

فايق علي .. فايق علي
نحنا اللي كنا.. بهاك العلية
نبقى نقعد بالقناطر وقت الشتوية
فايق علي .. فايق علي
من زمان و زمان .. نحنا كنا جيران
تبقوا تجوا لعنا ... نقعد سوا و نتمنى
و تصور عالحيطان .. و نقلك يا شيطان
وقعت المزهريـة ...
فايق علي .. فايق علي
بعدتنا الطريق ...عن طريق العتيق
مدري كيف التقينا ...صدفة و ضحكوا عينينا
ضحكت على الحيطان .. صورنا من زمان
صبي ناطر صبية....
فايق علي .. فايق علي

غيروه
غيروه .. غيروه .. أهل الهوى غيروه
راحوا عالحي بعيد
غابوا بالحي بعيد
غربوه و تغربوا
ذكروه و ما تذكروه
اوووووووووووووف
غيروه أهل الهوى
مايل ورق الصفصاف
طاير ورق الصفصاف
بدلوه و تبدلوا
حيروه .. ما تحيروا
أووووووووووووف
غيروه أهل الهوى

طيري يا طيارة

طيري يا طيارة طيري .. يا ورق و خيطان
بدي ارجع بنت زغيرة على سطح الجيران
و ينساني الزمان .. على سطح الجيران
علّي فوق سطوح بعاد عالنسمة الخجولة
أخدوني معهن الولاد و ردولي الطفولة
ضحكات الصبيان و غناني زمان
ردتلي كتبي و مدرستي و العمر اللي كان
و ينساني الزمان .. على سطح الجيران
لو فينا نهرب و نطير مع هالورق الطاير
تا نكبر بعد بكير .. شو صاير شو صاير
و يا زهر الرمان .. ميل بهالبستان
تا يتسلوا زغار الأرض و يحلوّ الزمان

شادي

من زمان أنا و زغيرة
كان في صبي .. يجي من الحراش
العب أنا و ياه ..كان اسمو شادي
أنا و شادي غنينا سوا
لعبنا على التلج .. ركضنا بالهوا
كتبنا عالحجار قصص زغار .. و لوحنا الهوا
و يوم من الإيام ولعت الدني
ناس ضد ناس.. علقوا بهالدني
و صار القتال يقرب عالتلال و الدني دني
علقت عطراف الوادي .. شادي ركض يتفرج
خفت و صرت اندهلو .. وينك رايح يا شادي
اندهلو ما يسمعني ... و يبعد يبعد بالوادي
و من يومتها ما عدت شفتو .. ضاااااااااع شادي
و التلج إجا و راح التلج
عشرين مرة إجا و راح التلج
و أنا صرت اكبر
و شادي بعدو زغيّر عم يلعب عالتلج

سألوني الناس

سألوني الناس عنك يا حبيبي
كتبوا المكاتيب و أخدها الهوى
بيعز علي غني يا حبيبي ..
و لأول مرة ما منكون سوا
سألوني الناس.. عنك سألوني
قلتللن راجع .. اوعى تلوموني
غمضت عيوني خوفي لا الناس
يشوفوك مخبى بعيوني
و هب الهوى و بكاني الهوى
و لأول مرة ما منكون سوا
طل من الليل قللي ضويلي
لاقاني الليل و طفى قناديلي
و لا تسأليني كيف استهديت
كان قلبي لعندك دليلي
و اللي اكتوى بالشوق الكتوى
و لأول مرة ما منكون سوا

دخيلك يا إمي

دخيلك يا إمي .. مدري شو بني
تركيني بهمي .. زهقانة الدني
بذكر من سنة .. و أكتر من سني
شفتو تحت اللوزة .. بهالفي الهني
ما بعرف عطاني يمكن سوسنة
و من يوما يا إمي مدري شو بني .. مدري شو بني
كلمة حكيها و رااااااح من دربي
و رجعت وحدي و ما رجع قلبي
قريت حكاية .. بكتب زرقا
عن حلواية .. بتشكي الفرقة
قصتها بكتني .. أخدتني بدني
و من يوما يا إمي مدري شو بني .. مدري شو بني

حبيتك تا نسيت النوم

حبيتك تا نسيت النوم .. يا خوفي تنساني
حابسني برات النوم .. و تاركني سهرانة
أنا حبيتك حبيتك .. أنا حبيتك حبيتك
بشتألك لا بقدر شوفك و لا بقدر احكيك
بندهلك خلف الطرقات .. و خلف الشبابيك
بجرب إني انسى تسرق النسيان
و بفتكر لاقيتك .. رجعلي اللي كان
و تضيع مني كل ما لقيتك
حبيتك حبيتك .. أنا حبيتك حبيتك
يا خوفي ابقى حبك بالإيام اللي جايي
و اتهرب من نسيانك .. ما اتطلع بمراية
حبسي انت انت حبسي.. و حريتي انت
و انتا اللي بكرهو .. و اللي بحبو انت
يا ريت ما سهرت و غفيتك
حبيتك حبيتك .. أنا حبيتك حبيتك

حبيتك بالصيف ..

بإيام البرد .. بإيام الشتي
و الرصيف بحيرة.. و الشارع غريب
تجي هاك البنت من بيتا العتيق
و يقللا انطريني و تنطر عالطريق
و يروح و ينساها و تدبل بالشتي
حبيتك بالصيف .. حبيتك بالشتي
نطرتك بالصيف .. نطرتك بالشتي
و عيونك الصيف و عيوني الشتي
ملآنا يا حبيبي .. خلف الصيفو خلف الشتي
مرقت الغريبة .. عطيتني رسالة
كتبها حبيبي بالدمع الحزين
فتحت الرسالة .. حروفا ضايعين
و مرقت إيام و غربتنا سنين
و حروف الرسالة محيها الشتي

جايبلي سلام

بكير طل الحب عا حيّ اللّنا
حامل معو عتوبة و حكي و دمع و هنا
كنا و كانوا هالبنات مجمعين
يا مّي و ما بعرف .. ليش نقاني أنا ؟؟
جايبلي سلام ... عصفور الجناين
جايبلي سلام ...من عند الحناين
نفض جناحاتو عشباك الدار
متل اللي بريشاتو .. مخبي سرار سرار
قللي عالرمانة غطيت و حاكاني
و بعيونو الدبلانة شفت الهوى نايم
شو قلي شو قلي .. عتبان المحبوب
ما بدك تطلي .. بعتيلو مكتوب
وديلو شي ورقة.. عليها كتيبة زرقا
و مرقيلك مرقة .. مطرح منّو ساكن
كل ليلة عشية ... قنديلك ضويه
قوي الضو شوية و رجعي وطيه
بيعرفها علامة ... و بيصلي تا تنامي
و تقومي بالسلامة .. و يبقى قلبك دايب

تبقى ميّل

تبقى ميل .. تبقى سآل
متل الأول ضل سآل
الله لا يشغلك بال
وديلي منك مرسال ..
سآااااال سآل
أنا ما بدي تجي و تقول اعذريني مشغول
لفتة من بعيد بتكفيني .. و قلبي إلك على طول
لا توديلي الزهر سلال.. و بالشوق تجرّح موال
بس اسألني كيف الحال
سآاااااااااااال سآل
سهرات القمر الحلوين هجرونا من سنين
زعلوا ناس و رضيوا ناس ..و نحنا المنسيين
إيام تغرّب و قبال عينيّ عالدرب خيال
و بلبل عاشق غط و قال ..
سآاااااال سآل

بقطفك

بقطفلك بس هالمرة ... هالمرة بس عبكرا
عبكرا بس شي زهرة ..شي زهرة حمرا و بس
و لا بدي شي بعد إلا داريك
بيتي بيصير وعد .. لما بحاكيك
يا ويل عيوني .. كيف بتندهلك
متل المجنونة بتصير تقللك :
بقطفلك بس هالمرة ... هالمرة بس عبكرا
عبكرا بس شي زهرة ..شي زهرة حمرا و بس
بحلم و بضل شهر .. بالي مشغول
بيطلعلي قول شهر .. و ما بعرف قول
بتذكر مرة سهرنا بخيمة .. بهاك السهر وشوشتك كلمة
بقطفلك بس هالمرة ... هالمرة بس عبكرا
عبكرا بس شي زهرة ..شي زهرة حمرا و بس

يعدك على بالي


طل و سألني .. إذا نيسان دق الباب
خبيت وجي .. طار البيت فيي و غاب
حبيت افتحلو ..و عالحب اشرحلو
طليت ما لقيت غير الورد عند الباب
بعدك على بالي ... يا قمر الحلوين
يا زهر التشرين... يا دهبي الغالي
بعدك على بالي ..يا حلو يا مغرور
يا حبق و منتور..على سطحي العالي
مرأ الصيف بمواعيدو
و الهوى لملم عناقيدو
و لا عرفنا خبر .. عنك يا قمر
و لا حدا لوح لنا بإيدو
و بتطل الليالي .. و بتروح الليالي
و بعدك على بالي ... على بالي

أنا خوفي من عتم الليل

أنا خوفي.. أنا خوفي من عتم الليل..و الليل حرامي
يا حبيبي ...يا حبيبي...تعا قبل الليل ..يا عيني لا تنامي
يا حبيبي لا تغيب كتير .. تتأخر ليليلة
ما بدي هدايا حرير و إسوارة عيديّة
بدي من عشية نقعد بالسهرية
و صوتك يضحك ملوا البيت
و يضوي إيامي .. يا حبيبي
يا حبيبي تعا قبل الليل .. يا عيني لا تنامي
وعدوني عيونك بالنوم .. رجعوا سهروني
و راح اليوم و مية يوم .. و ما عادوا سألوني
قلتللك نسيوني .. راحوا و ما حاكوني
إذا عرفوا فينا الحلوين .. يا حلوة بتنلامي.. يا حبيبي
يا حبيبي تعا قبل الليل .. يا عيني لا تنامي