بانتهاء مباراة إيطاليا وفرنسا يكون المهاجم الالماني ميروسلاف كلوزه هو هداف مونديال ألمانيا 2005 برصيد هو الأقل منذ

عام 1966 حيث أحرز كلوزه خمسة أهداف فقط، وهو رقم لم يحرزه أياً من هدافي كأس العالم من قبل، وإن شهدت دورتي

1966 و1934 حصول عدة لاعبين على لقب الهداف بأربعة أهداف فقط بالتالي يصبح كلوزه هو أقل هدافي المونديال منذ

40 عاماً ، لكن حصول كلوزه على اللقب لم يخلو من المفارقات أيضاً ، ففي مونديال 2002 كان قد أحرز نفس العدد

واقترب لولا خروج ألمانيا واستمرار البرازيل ليتفوق عليه نجم السامبا رونالدو الذي أحرز ثمانية أهداف، بينما في مونديال

المانيا وصلت الماكينات إلى المربع الذهبي ولم يهدد كلوزه إلا تيري هنري لكن كلاهما خرج من المباراة الأخيرة دون اهداف

وتم استبدالهما، هنري أمام إيطاليا وكلوزه أمام البرتغال، والأغرب أن يحرز لاعب الوسط باستيان شفاينشتايغرهدفين أمام

البرتغال ويتسبب في الثالث بينما لا يحرز من يحلم باللقب ثم يأتيه سهلاً بسبب غياب خطورة هنري في مباراة النهائي .

وتؤكد تلك المفارقات ما ردده الخبراء عن كون هذا المونديال هو الأضعف هجومياً وأن الكلمة العليا كانت للمدافعين .

ومن الملاحظات أيضاً أن قائمة هدافي المونديال لم تضم أي لاعب أحرز أربعة أهداف بينما اللاعبون الذين أحرزوا 3 أهداف

هم فرناندو توريس ودافيد فيا (اسبانيا) ولوكاس بودولسكي (المانيا) وهرنان كريسبو ومكسيميليانو رودريغيز (الارجنتين)

ورونالدو (البرازيل) وتييري هنري وزين الدين زيدان (فرنسا) .

وبهذا تضم قائمة هدافي المونديال منذ 1930 وحتى الآن:

1930:غيليرمو ستابيلي (الارجنتين) :8 اهداف

1934: انجيلو شيافو (ايطاليا)، اولدريش نييدلي (تشيكوسلوفاكيا): 4 اهداف

1938: ليونيداس (البرازيل):8 اهداف

1950: اديمير (البرازيل):8 اهداف

1954: ساندور كوتشيش (المجر):11 هدفا

1958: جوست فونتين (فرنسا): 13 هدفا

1962: درازن يركوفيتش (يوغوسلافيا): 4 اهداف

غارينشا (البرازيل)

فالنتين ايفانوف (الاتحاد السوفياتي)

فلوريان البير (المجر)

فافا (البرازيل)

1966: اوزيبيو (البرتغال):9 اهداف

1970: غيرد موللر (المانيا الغربية):10 اهداف

1974: غريغورز لاتو (بولندا):7 اهداف

1978: ماريو كمبس الارجنتين):6 اهداف

1982: باولو روسي (ايطاليا):6 اهداف

1986: غاري لينيكر(انكلترا):6 اهداف

1990: سلفاتوري سكيلاتشي (ايطاليا):6 اهداف

1994: اوليغ سالينكو (روسيا)وهريستو ستويشكوف (بلغاريا):6 اهداف

1998: دافور سوكر (كرواتيا): 6 اهداف

2002: رونالدو (البرازيل): 8 اهداف

2006: ميروسلاف كلوزه (المانيا): 5 اهداف

__________________
فــي سوريـــــا الحبيبـــــة .....

نختلــــف بالمعتقـــدات والاراء والمذاهــــب .....

لكننــــا....

نجتمــــع بمحبــــة بلدنـــا الاغلــى بمحبـــة بلدنــا الام ....

صحيح ألمانيا ما حالفها الحظ إلا أنها طلعت بشرف
و رجعنا انبسطنا بكلوسى " هداف العالم"
و لأنو لوكاس لودولوسكي تم اختيارو كأفضل لاعب بهالمونديال
و مبرووووووووووك لإيطاليا كتيررررررررر

مشكور يا غستاذ جورج سابا

و الله و الألمان

و بتستحقها يا ملك و يا هداف بالفطرة يا كلوسي

__________________


و بضللك ملك لو شو ما صار

لأ ذكي شو ما بتحضر أخبار

حبيبي أفضل لاعب بهالمونديال زيدان

يا حرام

فعلا كلوزة بيستحق يكون الهداف مع انو اهدافو مو كتير كتار بس احسن من البقية

وبحب كمان قول ل mr.bost انو لوكاس هوي افضل لاعب شاب بالهالمونديال وهادا يلي بيقصدو جورج

مشكور كتير mlbblm

__________________
لحظـــة الـــوداع


وداعــا اخــيرا قــد لا يعنــى للبعــض شيئــا وقــد يحــزن البعــض الاخــر ولـكـن عـلـى أى حـال أحبكـم جمـيعـا فقــط شــئ ارجــوه منكــم

ان تتــذكــرونـى بالخــير


أرســل بــاقــه مـن الـورد لكــل مــن كــانت لـى معــزه فــى قلبــه وخـــالص الاعــتزار لكــل مــن اغضبتــه


الــــــــوداع

لا مبين انت الذكي

قصدو افضل لاعب شاب

و بعدين انت ليش مقهور

يا زلمي حاسك رح طق من قهرك من طريقة حكيك بالردود تبعيتك


يا حرام انتبه على حالك

__________________


و بضللك ملك لو شو ما صار

للتنويه فقط :

احسن لاعب ناشى هو الالماني

اما زيدان افضل لاعب بالبطولة

برجع بعيد احسن لاعب ناشى بالمونديال هو الالماني ربيجي بعدوا البرتغالي كريستيانوا رونالدوا وبعدهم العملاق ميســــــــي

__________________
فــي سوريـــــا الحبيبـــــة .....

نختلــــف بالمعتقـــدات والاراء والمذاهــــب .....

لكننــــا....

نجتمــــع بمحبــــة بلدنـــا الاغلــى بمحبـــة بلدنــا الام ....

ههههههههه بشرفك قصدو أفضل لاعب شاب لعمى معقول حبيبي شوف ردو مو كاتب أفضل لاعب شاب كاتب أفضل لاعب مفكر العالم حمقى

بعدين مين قلك رح طق لك ولا فرقانة معي بالعكس أنا لو البرازيل لعبت لعب حلو و طلعت كنت انقهرت أما أنا فرحان كتير لأنو الألمان ما طلعلون غير المركز التالت اللي فعلا ما بيستحقوه مع أنهون على أرضهون أي لعب الأرجنتين و البرتغال كان أحلى من لعبكون و من لعب البرازيل (لأنو البرازيل ما لعبت) أما أنتو فيا حرام هههههههه

يا حرام

و الله زعلتني عليك


قال مو طاقق

__________________


و بضللك ملك لو شو ما صار

بس تعرفوا باللعب تعو احكوا
عملتولنا رونالدو الهداف و صرعتوا راسنا عقولة " اي لكن هاااد رونالدو سبق كلاوزة "
وينكون هلق ؟؟؟ وينو رونااااالدو ؟؟؟؟!! و رونالدينو ؟؟!!!! و أدريانو ؟؟؟؟؟!!! و كاكااا ؟؟؟؟
هدول كللون وينون
لك أحلى هداااااااااف كلوســــــى
و أحلى لاعب شاب بودولوووووسكي " هاد بدو يصير الملك بدووووون منازع "
و أحلى حارس مر بتاريخ القدم أوليفر كاااااااان
و أحلى شفاينس تايجر " اسا هاد بدو يعمل العجايب "
و أحلى ألمانيا لو شو ما صااااار
و للبرازيل لااااا بقا تحكوا و تضحكوا العالم عليكون أكتر من هيك ههههههههه
و متل ما قال نعيم " ليش مقهووووور لأنو ما طلع حدا من عندكون ؟؟؟!!""
و تحية لكل مشجعين ألمانيا بدوووووون تسمية

هههههههه يعني على شو شايفين حالكون و بيضل رونالدو الأول على العالم و روناليدينو أفضل لاعب بالعالم بشهادة الملايين و مو بحاجة لشهادتكون

دخلكون قلولي شي مرة طلع لاعب من ألمانيا أفضل لاعب بالعالم أو أفضل هداف بعدد الأهداف غير هالوحش كلوزه

((((((((((( و روناليدينو أفضل لاعب بالعالم بشهادة الملايين و مو بحاجة لشهادتكون ))))))))
لتكون مفكر انو فيك تحكي عن كل العالم


و تاني شي انت ليش مقهور و الله انك مزعلني عليك و على هيدا الفريق يلي اسمو البرازيل يلي طلع بلوشي بله بطولة


يا حرام و لك حتى جائزة صغيرة ما طلعلون

خخخخخخخخخخخخخخخخخخخخخخخخخخخخ

دخلك هلئ ما عد تذكر من هني لعيبت الألمان ما بتذكر اوليفر كان وقت اخد افضل لاعب بكاس العالم 2002

و لا كلينسمان و لا فولر و لا غيرون كتار

كمان الالمان ما بيهمون يطلع واحد لانو هني عندون الجماعة قبل الفرد


بقا سكوت احسنلك

__________________


و بضللك ملك لو شو ما صار

ولو تكرم عيونك غنوة

صح انا برازيلي بس الحق يقال بيستاهلها كلوزة بعد ماكان وصيف هادف المونديال الكاس الماضي

__________________
فــي سوريـــــا الحبيبـــــة .....

نختلــــف بالمعتقـــدات والاراء والمذاهــــب .....

لكننــــا....

نجتمــــع بمحبــــة بلدنـــا الاغلــى بمحبـــة بلدنــا الام ....

اول شي بدي قلك مستر بوست انو الالمان كانو احسن شي بالهمونديال واحسن من البرازيليي انا بقلك ليش لان كل اللعيبي البرازيلي صرلون زمان وعندون خبرة وكلون كبار من رونالو وانتا نازل اماااا المانيا فكل لعيبتا جداد ما في غير تلاتة وواحد منون هي كانت اخر سنة الو ومع هادا المانيا وصلت للنص النهائي وطلعت بالمركز التالت اما البرازيل ما طلعلا شييييي


وبعدين عم تقول هالوحش كلوزة اي روح شوف هالوحوش يلي عندك او هالارانبببب


ومتل ما قال نعيم المانيا بتعتمد عاللعب الجماعي مو الفردي

وبعدين لا تحاول تقنع حدا انك مو طاقق

وميرسي كتير mlbblm

__________________
لحظـــة الـــوداع


وداعــا اخــيرا قــد لا يعنــى للبعــض شيئــا وقــد يحــزن البعــض الاخــر ولـكـن عـلـى أى حـال أحبكـم جمـيعـا فقــط شــئ ارجــوه منكــم

ان تتــذكــرونـى بالخــير


أرســل بــاقــه مـن الـورد لكــل مــن كــانت لـى معــزه فــى قلبــه وخـــالص الاعــتزار لكــل مــن اغضبتــه


الــــــــوداع

__________________
فــي سوريـــــا الحبيبـــــة .....

نختلــــف بالمعتقـــدات والاراء والمذاهــــب .....

لكننــــا....

نجتمــــع بمحبــــة بلدنـــا الاغلــى بمحبـــة بلدنــا الام ....