مستوى البرازيل ......!!!؟؟

sisi · #1 28-06-2006

بتمنى كل واحد منا سواء كان مع البرازيل أو غيرا يحكي ضميروووووو :

لعبت البرازيل مباراتها امام غانا في الدور الثاني واليكم مايلي
اولا البرازيل صاحبة الرقم القياسي في التاهل اما غانا التي تتاهل لاول مرة
ثانيا البرازيل المليئة بالنجوم الراقصين امام غانا التي لا نجم حقيقي لديها
ثالثا منتخب االبرازيل مرشح لنيل بطولة الكاس اما غانا فطموحها الخروج باقل
الخسائر
...............
ماذا جرى في المباراة
اربع عشر هجمة خطرة لغانا مقابل خمس للبرازيل
عشرون هجمة متوسطة مقابل ثلاث للبرازيل
فنيات قوية لغانا وضغط على المرمى البرازيلي مقابل فشل برازيلي واضح في
صنع هجمة متكاملة
سيطرة فريق غانا على كافة مجريات اللعب مقابل ارتداد برازيلي واضح للدفاع
امام الفريق المرعب ( بالنسبة اليه ) غانا
زمر وطبل ورقص في شوارعنا
يقابلها حضارة المانية بالتعامل مع الموقف عندما فاز فريقها على السويد الافضل
تاريخيا وانجازيا على غانا
والاهم الان :
هدفين تسلسل للبرازيل على غانا

وقاحة الحكم الواضحة بتحيزه إلى البرازيل و طرد لاعب غاني بشكل تعسفي " و الحق عالبرازيلي"

........................
بضميرك هذا فريق البرازيل (المرعب ) ؟؟؟

جاك · #2 28-06-2006

بالأول مرحبا
بس أنا بحب قول شغلي أنو الهدف الثاني كان تسلل وهذا الشي مظبوط
وثانيا أنو إذا كان الفريق ضعيف ليش تاتعذب حالها ويهلكوا حالهن وبالنهاية ضامنين الفوز والربح
مو متلللللللللللللللللللللللللللللللللللللللل
ونحنا ما فات علينا غير جول واحد 111111111111111111111111111111111111
بالإضافة أنو ملك السامبا البرازيلية رونالدو الذي حطم الأرقام القياسية 15 جول وهو الهداف الأول بالعالم
بالنهاية الشخص مين مكان إذا كان ضامن الربح والفوز لنفسه ولفريقه بشكل عام ما في داعي يوقع بالأرض
من الجهد والتعب
لسى ما ظهروا بالشكل المعتاد ملوك السامبا

sisi · #3 28-06-2006

كمان أول شي مرحبا no name
ليش هاد مستوى ملوك السامبا ???
أنا إذا كتبت هالشي فهادا دليل أنو البرازيل قوية و بطليعة الفرق القوووووووية
بس مو هاد مستواهم القوووووي المعتااااااد
و لعلمك انو مو البرازيل اللي بتلعب بهالطريقة و بتكتفي بحالا

طووول عمرا قد ما فيها تجيب غوال بتجيب
بس مشان التوضيح
و أنا قلت احكوا بضميركن و ابعد عن انك بتشجع هالفريق أو غيرو

باسم خوري · #4 28-06-2006

اخت سي سي وقت يللي بتطلبي من العالم التحدث بموضوعية وبعيد عن التحيذ يجب ان تطبقي هذا الشي بنفسك اولا ولا يجب ان تكوني ملكة في التحيز وعدم الموضوعية وعندما تتخلصي من هذه المشكلة يمكن عندها ان نرد عليك اذا كان هناك ما يستحق الرد.

sisi · #5 28-06-2006

سؤال بيضل يحيرني ؟؟
ليش هالحساسية بين مشجعي ألمانيا و البرازيل ؟؟؟
و إذا حكيت عن غلط صار مع الفريق التاني بيعتبروها إهانة و كأنك عم تسبون
يعني كل الدنيا و كل المحطات عم يذكروا أنو في غلط بخصوص حكم مبارح
بقا أنا شو حكيت غلط
و الشي الحلو و اللي حبيتو ب no name انو ذكر انو الهدف التاني تسلل
بعدين يا أخ باسم مين قلك إني لو سمعت نقد عن ألمانيا إني رح كون متحزبة أو رح دافع و انسى الأغلاط اللي ارتكبا
بالنهاية نحنا بهالمنتدى عائلة واحدة متل ما بتعرفو
يعني مو حلوة فريق لا بيقربنا لا من قريب و لا من بعيد يفرقنا
و بالنهاية شو رح يقدمولنا غير سم البدن
و أنا ما جرحت و لا أسأت للبرايل بالخاااااالص و لا بمشجعيها
و طلب أخير هو انو ما ناخد الأمور بحدية و نتقاتل كرمال فلان ربح و فلان خسر
و اللي بدو يربح يربح ....شو رح يطعموني خبز ؟؟؟
مشكورين عردودكن الصريحة

**echo** · #6 28-06-2006

هلق بالنسبة للعب البرازيل أنا بعتقد أنو البرازيل مبارح مظبوط و بتشوفي هالشي من أنو مافي لاعب برازيلي خلا الطابة معو يعني تفنن فيها و السبب الخوف من الإصابة من قبل اللاعبين الغانيين لأنو غانا ماشاء الله حطمت الرقم القياسي بعدد الفاولات بالدور الأول (76 فاول) و هالشي بيخوف طبعاً

أما بالنسبة للفرص فشفت أنو فرص البرازيل كانت أكتر من الغانيين و أقوى لأنو بآخر 10 دقايق لو ما يكون الحارس الغاني قد حالو كانو صارواً 7 أهداف للبرازيل و نفس الشي بالنسبة لغانا بس شي هدفين مو أكتر و شكراً ألك

sharl · #7 29-06-2006

يا عزيزتي رح بلّش من الأخير!!! بالنسبة للهدفين المتقولي إنول تسلل . بحب قليك يا ريت اتراجعي معلوماتيك وتنتبهي شو متحكي... لأنو الهدف الأول والثالث ما فيول أي شك إطلاقاً.... الفريق الغاني كان ميحاول يطبّق مصيدة التسلل بس فشل بهالشي تلات مرات نتج عنا تلات أهداف صحيحة 100% وهون فينا انقول إنوا البرازيللي استفادوا من خبرتول ..... وبالنسبة للهدف التاني يللي صار حولو شك بحب قول لكل يلي ميشككو بصحتو!!! يا ريت ترجعوا وتقرأوا قوانين كرة القدم ميشان ما اتزتو حكي عالفاضي واتعرضو حالكو للسخرية... لأنو القانون بيقول(( إذا كان اللاعب في حالة تسلل والكرة وصلت إليه من لاعب من الفريق الخصم تزول حالة التسلل)) .. وهيدا يللي صار بالهدف الثاني لما اللاعب البرازيلي رفع الطابة العرضية لمست برجل المدافع الغاني قبل ما توصل للبرازيلي أدريانو مع إنو أدريانو كان متسلل بس الكرة لمست بالمدافع الغاني فا مابقا في تسلل ..و ممكن اتشوفواالحالة عالتلفزيون واضحة جدا وبتحدا أي واحد يشكك بكلامي..فا بتمنى تكون وضحت الفكرة وبالنسبة للحكم كل قراراتو كانت صحيحة بشكل تام وبما فيها طرد اللاعب الغاني لأنه حاول التمثيل على الحكم و سقط قي منطقة الجزاء من دون أن يلمسه المدافع!!! ولم يكن الحكم وقح على الإطلاق بل كان رجل حق وإذا بتعتبري الحق وقاحة فالحكم كان وقح........
بالنسبة للحكي الفاضي عن المستوى وضغط الغانيين والبرازيللي ما لعبوا.... ومدري شو.............
بحب قول من يضع الأهداف يفوز بكرة القدم والتاريخ لا يعترف إلى بالأهداف..........والشطارة إنك توصل للمطلوب بأقل ضرر ممكن وتفوز.. مو الشطارة إنك تستحوذ عالكرة 90 دقيقة واتقدم مجهود فظيع وما اتسجل شي فا شو منستفيد؟؟؟؟ هيدا اسما غباء..
فالبرازيلي لعبوا بذكاء وقدروا يفوزا بثلاثية نظيفة من دون ما يبذلو مجهود كبير فا شو الغلط بهالشي حدا يخبري ؟؟؟ الشباب حابين يحتفظوا بطاقاتهم للنهائيات..........
بعدين يا آنسة sisi بدي إسأليك سؤال ياريت اتجاوبيني عليّ: أيهما أفضل فريق بيهجم خمس هجمات ويسجل 3 أهداف والفرصتين الباقيتين أهداف محققة أو فريق يهجم أربع عشر هجمة خطرة + عشرين هجمة متوسطة منتسجيل أي هدف؟؟؟؟؟؟؟ وشو الفائدة من الهجمات إذا ما كانت فعّالة ؟؟؟؟( خير الهجمات ما قلّت وسجلت) ....سؤال تاني كيف فريق فشل بصنع هجمات متكاملة وسجل تلات أهداف؟؟؟ غريب والله مومتفوت بعقلي!!!!! بس أكيد ما في جواب ...
وبالنسبة للطبل والزمر والحضارة بالتعامل بحب قول إنو الشباب البرازيلي لما طلعوا بمواكب سيّارة اتعرضوا للشتم وأنواع من الإهانة
من قبل المشجعين الألمان الحضاريين........وإذا ما كان في طبل وزمر بالمشتى لما ربحت ألمانية عالسويد هيدا ما بيعني إنو ما كان في شي بغير محل لأنو يومتا ما اقدرنا انام....
وياريت نطلع من هالحساسيات ونبارك للفريق يللي بيفوز مين ما كان يكون و بالنهاية نحنا مو جاينا شي

bashar · #8 29-06-2006

كالعادة اي موضوع عام بالمنتدي يتحول الى صراع شخصي و لا اعرف لماذا دائما ناخذ الامور على مستو شخصي
اما بالنسبة للمباراة انا براي انو اللع لغانا و الاهداف للبرازيل و طبعا غلط من المدرب الغاني لانو حاول يطبق مصيدة التسلل و نسي انو ميلعب مع فريق سريع قادر على كسر هالمصيدة بس انا بقول عيب على فريق كبير متل البرازيل يقدر فريق متل غاني يخليه حبيس منطقة الجزاء و يعتمد على الهجمات المرتدة و طبعا نحنا ما منعرف سياسة كارلوس البيرتو المدرب المعروف بحذره بس مو لهلدرجة على كل البرازيل تاهلت و ما بقا ينفع الحكي
ملاحظة بتمنى من الجميع يقبل النقد و ما يتحيز لحدا و يقول كلمة الحق لانو بالاخير ما حدا ربحان شي غير تشجيع فريقو المفضل

Mr.Post · #9 29-06-2006

اقتباس: