الغربة...و الحل البديل

[ابو رشاد]

من فترة حوالي اربع شهور ما شفنا اي شب من النشتى اجا على السعودية مع انو في السنوات الاخيرة كل شي شهرين في دفعة شباب بتطلع من المشتى الى احد دول العالم وخصوصي الخليج.
إذا حبينا نشوف السبب منلاقي انو الموجودين بينعدو على اصابع اليد و ما عاد في مجال يسافرو , مو منشان شي بس منشان ما تفضى,,,,,
السفر و الهجرة صارو منحوتين في اذهان الطفل قبل الشب, يعني بتسال طالب عمرو 15 سنة: شو بدك تصير ؟ بقلك انا بدي سافر.
وقي كنت اسأل الشباب الي سافرو قبلي عن الوضع في الخليج كان الاغلبية يقولو شو بدك من هالسفرة, زكنت اعتبر انو الرد في شي من الانانية لانو لو الخليج او غيرو مو منيح ليش انت ما رجعت؟؟؟؟... طبعا بس اجيت لهون و اشتغلت وشفت طبيعة هالمجتمع و(( البشر )) الي عم نتعامل معهم تذكرت هالكلام, وطبعا اكتر من مرة فكرت اني ارجع و إخدم عسكرية لانها في بعض الاحيان اشرف و اسهل بكتير.
الموضوع الي بشكل اساسي حبيت وضحو انو الخليج ما عاد متل الاول, وبدي قول للشباب الي عم يفكرو يجو لهون انو يشوفو كل الحلول البديلة ان كات بالتعليم او تعلم مهنة او التجارة في سورية قبل التفكير بالسفر لانك اذا ما عم تطلع بنتيجة مقبولة فسفرك خسارة معنوية ومادية بكل معنى الكلمة, يعني يرمي حالو الشب كيف ما كان و اذا عرض السفر ما كان مغري, فالافضل يشوف الشب طريقة تانية غير السفر, لان مهما كان وضع البلد فهو بلدنا و المحل الي ربينا فيه, و البعد عنو وعن الحياة فيه مو شغلة سهلة ابدا.
بالنهاية بتمنى الخير و التوفيق للجميع.



وليد خوري

شكرا ..وشو جابرك على المر غير الأمر منو ..بس نصيحة لا ترجع وتخدم عسكرية لأنو غربة العسكرية أصعب بكتير ..كلو وسايط والحياة مقرفة والنفوس مريضة وبيحكولك بالوطنية وهني عميسرقوك ويسرقوا الوطن ..حسيت حالي أسير مو مواطن بالجيش ..اياك ثم اياك تفكر عن جد تخدم لأنو بتكفر بلوطن

ضمير

[mounirfarkouh]

كلامك صحيح أنو المجتمع الخليجي مختلف تماما عن مجتمعنا وخاصة السعودية شعب يدرس في أي صف تعليمي 15 مادة دينية فكيف يكون الطبيب والمحامي والمهندس صعبة جدا التعامل معهم
ولكن نتكلم عن الغربة ومن خلال تجربتي الشخصية ياسيدي كنت في سن 30 سنة أغنى شب عصامي على ما أعتقد في سوريا أملك من المال مليونين وخمسمائة ألف في سنة 1992 من خلال عملي في قبرص وبعد عودتي لسوريا أردت أن أعمل في سوريا في مجال المقاولات الحكومية
وبدأ يعمل معي 20 شخصا ومعظمهم من أصدقائي لدعمهم وتشجيعهم وما كانت النتيجة لقد ذهب المال عند مؤسسة حكومية ولم تدفع حتى هذا الوقت والمبلغ كبير جدا فعدت ألى غربة أخرى وهي السعودية لكثرة الديون التي يطالبني بها التجار والتي لم أستلم مبلغا منها من تلك المؤسسة الحكومية وتقول لي الغربة أنها أفضل حل للذي يفكر ان يأخذ مشروع حكومي فأين التشجيع والأمانة والصدق حتى أنني سأتخلى عن المبلغ كي لاأتورط في أمور أخرى لأنهم سيورطوني كي لايدفعوا المبالغ المترتبة عليهم ياسيدي الفاضل ضربة الغريب بتوجع ولكن ضربة القريب قاتلة