اغلى من المشتى شو؟

[Pascale]

رحت عالمشتى من بعد غياب و تعب لقيتا ناطرتني متل مت هي باهلا و طرقاتا ..كل ما اتنفس من هواها حس حالي عم عيش من جديد ...كل ما اشرب من مي النبعة حس كإنو حياة جديدة نكتبتلي وقت اقعد اجتمع مع رفقاتي عشرب المتي حس حالي عم بحلم و صلي حتى ما يمرق الوقت و يفرقنا...
قديت بالمشتى احلى الايام عندي ذكريات ما بتنتهي فيا....
صرلي جمعا تاركتا و اساني متل المصدومة مني عم بستوعب كيف قدرت اتركا ...مية المشتى قبل الدم بتجري بعروقي .فيا تعلمت اشيا كتير و يا ريت بقدر ردلا الجميل ...بالمشتى تعرفت عناس لو بعد مية سنة ما بنساهن ولا بنسا ذكرياتي معن...
كل سنة وقت بودعا وداعا بكون اصعب من السنة الي قبلا...على حب المشتى تربيت و وقت بتركا كل صيفية بصير من اول و جديد عد الايام و انطرا تتمرق و صير صلي تشتوية تمرق بسرعة حتى ارجع لضيعتي من جديد...
و ولا يوم بيمرق ببعدي عنا الا ما بتكون المشتى ببالي...اول شي بفكر فيه الصبح اول ما فتح عيوني هو كيف منظر المشتى و كيف الغوالي هونيك....هيك تعودت...
و قد ما برمت ما بلاقي اغلى من طراب المشتىزززطراب الدلبة بالدني كلا.......اغلى من المشتى شو؟؟

[suhail]

ولله شو بدكون بحكي يا جماعة احلى واروع واغلى من نسمة الهوى بمشتى مافي .....اديش الناس بتحكي بتقول دبي حلوة بتجنن بابراجا وبناياتا وطرقاتا ومراكز تسوق ! معهون حق يقولوا جنة بس. جنةاصطناعية, مومتل جنتنا المشتى جنة بطبيعتها جنة باهلها و جنة بزوارها . أ أ أ ه يالمشتى شو جنة

[honeygirl]

يا مشتى يا غاليي
يلي حبك نور قلبي و عينيي
جبروني إبعد عنك والله مو بخاطري ولا بإديدي
غلاوتك و محبتك يوم عن يوم عم تكبر فيي
والله والله والله أغلى من المشتى ما في بها الدني كلا و ما حدا بيعرف وبيقدر غلاوتك الحقيقة متل الإنسان المتغرب عنا يلا خليا بالقلب تجرح ولا تطلع لبرا و تفضح
شكرا كتير ع الموضوع الحلو

[Pascale]

كنت متوقغة انو البدو يشارك بهالموضوع اكيد لازم يكون مغترب ... و صدق ظني....سهيل يا احسن صديق ما بقدر الا ما اشكرك على هالمشاركة ..و honeygirl شعرك كتير مهضوم و طالع من القلب بشكرك من قلبي على مشاركتك...