لازم بقى ارجع

[adidas]

د. اياد قحوش

قَـدّ الحكي للي نقال بالسّهرات
واللي بعد مانقـال ..
قَـدّ الشتي بكانـون
ينزل حبَــال حبـَال ..
قَـدّ مادار القمـر
وقَـدّ ما عَ توشْوش العشـاق
نام وفـاق


وقد الهوا المسنون عا رووس الجبـال
جبـال شوق بحسّ
عاصدري ..
ياضيعتي مدري
بالبال أنتي شَغلتي
وبالبال أنتي عَـملتي
مدري أنا مشغول من خيط طرقاتك
من النعنع البَرّي ..من ضحكة الوزّال
ومشغول فيكي البال
ومشتاق اي مشتاق ...
ولازم بقى أرجع..


****

يامين ياخدني
عالبيدر الأخضر ..
ويحطّني سَبله..
يامين يشلَحني
عالدرب المسكّر
بعجقة صبايا العين ..
وقطفة حلا يجبلي
يامين يدريني
حنطة عسطح البيت
وجايي الهوا قْبلِه ..
وتجن العصافير ..
بكير ..
مش بكير.. لازم بقى أرجع ..


****

ياضيعتي مشتاق ..والشوق جارحني
وحتى يرَيّحني
قَـللي أبونا اعترف
فكّرت فيكي كتير
ياضيعتي ولك آه
الله يسامحني ..
خنتِك أنا يمكن
خزّقت المكاتيب ..
ومن وين رح لاقي بعدك خمر وزبيب ?
لك ياأبونا شوف ..
دمعي صفي رَوبِه
رَوّب حنيني وَجَـعْ ..
رح أبزُق التَّـوبه ..
ولازم بقى ارجع



د.اياد قحوش
كندا


كاسك يا بيي و كاس ضيعتنااااااا .................

[ثناء حيدر]

الصديق الغالي أديداس

كم غمرتني الفرحة والحبور حين قرأت هذا الجمال لشاعرنا الكبير الدكتور إياد قحوش، هذا الكبير الذي عشق الضيعة وتنشق هواءها ...
الوطن يكبر بأمثال هؤلاء الذين يمثلونه خير تمثيل في بلاد الاغتراب .
ألف تحية للدكتور الصديق إياد قحوش
وألف شكر لك يا أديداس على هذا الاختيار الجميل !!

همسة ...
أصعب ما يعانيه الإنسان يا أديداس هو أن يشعر غريباً في وطنه
هذا أقسى أنواع الاغتراب ...
لك شكري وامتناني

ثناء

[adidas]

يقول الإمام علي كرّم الله وجهه:

الفقر في الوطن غربة.

الصديقة ثناء:

أين الوطن و نحن الجائعين ؟؟؟

أين الوطن ورعاة الوطن غائبين ؟؟؟

أين الوطن و بعض من أبناء الرعية يأكل بعضها الآخر ؟؟؟

فــــــــــــــــــلا وطن الا في ذاكرتنا, ولكن هيهات أن نترك سوريا لهم وسوف نعود و نجعلها أكثر سورية .



من يوم الي اتكون يا وطني الموج كنا سوى
ليوم الي بيعتق يا وطني الغيم رح نبقى سوى
تاجك من القمح
مملكتك السلام
شعبك بيحبك لتبرد الشمس
وتوقف الايام
توقف الايام
ع رماد الي راحو
ع خاتم الزمان
ع الحجار السود الي بيقو من الحيطان
ع منديلك امي ع بواب البيوت
عم اكتب يا وطني الوطن ما بيمو ت
وانت ...انت ...من يوم ال كنت
رسمتك سنابل شهدا وحمام
رسمتك يا وطني وطن السلام
من ايدين الفقرا وشباك الصيادين ...جاي الحرية
ومن الشمس المحفورة بعيون المظلومين ....جاي الحرية
ومن الحق الي ضايع ....من حق الشوارع
ومن شهدا الارض .....الي مانو للارض
وجوهن منسية ...
جاي النصر .....وجاي الحرية
جاي النصر .....وجاي الحرية
جاي النصر .....وجاي الحرية
جاي النصر .....وجاي الحرية

جاي النــــــــــــصر

[adidas]

راجعين يا هوى راجعين
يا زهرة المساكين
راجعين يا هوى
على دار الهوى
على نار الهوى
راجعين