28-07-2006
|
 | الانســــــان | | تاريخ التسجيل: Nov 2005
المشاركات: 1,090
| |
د.اياد قحوش
الغربـــــــــــــة
الغربة وقت
..مابتقطعو تايقطعك
شو بتشبها النيران
..مابتنكمش بالإيد.. بس بتلدَعَك
بتكون عَمتركد على بكرا يجي
..وبيكون عمر للّي مضى راكد معك
..من الذكريات الليل عَميدلف حَكي
..بتنام تاتنسى
بيلعّبك حبل الحلم بالعتم
..وعالذكريات الفايقة بيرجّعك
الغربة .. متل وجّكْ .. كبِر .. خَتيَرْ .. صْفي مجَعّد
يعني اذا بعَين الزمان بتقشعو بيفزّعَـك
الغربة دَرَج بينزّلك
..بينزّلك
..بينزّلك
وإلا بطلوع الروح مابيطلّعك
قال الجبل للعاصفة ضللي معي
قالت ألو
يامقَرفص بنص السما .. هالقرفصة مابتنفعك
وراحت ورا حالا
..صارت صفير البرد .. ماقال نيالا
الغربة فرس يا بتحرد وبتصير شوكة تلج..
يابتجنّ فيك .. وعالدرب بتوقّعك
يمكن الغربة تشد إيدك .. تنشلك من موضعك
لكن بتبقى مسكتّا ..متل الوشم بالإيد
وبتضل إيدك توجعك
د.اياد قحوش كندا
__________________ إذا لم تستطع أن تنظر امامك لأن مستقبلك مظلم ولم تستطع أن تنظر خلفك لأن ماضيك مؤلم فانظر إلى الأعلى تجد ربك تجاهك إبتسم... فإن هناك من... يحبك... يعتنى بك... يحميك ...ينصرك... يسمعك ...يراك...انه (( الله)) ما أخد منك إلا ليعطيك...وما ابكاك إلا ليضحكك...وما حرمك الا ليتفضل عليك...وما آلمك إلا لانه
يحبك |
