 |
 المواضيع المميزة : | ||
| |||||||
| قسم الزجل قسم خاص لمحبي و شعراء الزجل |
|
آخر 10 مشاركات
|
 |
| | LinkBack | أدوات الموضوع | تقييم الموضوع |
|
#1
22-04-2009
| |||
| |||
 وُلدتُ في قرية عيون الوادي عام 1961 . شاعر متيّم ... تيّمتني المحبة , وأضناني العذاب ... كتابي الأرض ... قلمي المدفع ... شاعر برمائي !!! أكل لحمي السَّمك , وليَّن جسدي الماء , وأحرقت ظهري الشَّمس ... جعلت الصخر سريري , والشَّوك وسادتي , والعلقم شرابي ... ******************* عيون الوادي نبع الرطب عنها الشمس ما بتغيب فيها المحبة والطـِّيب صورة خالقها ألله مع شاعر فكرو نجيب شاعرنا (( شاكر سليمان )) وبَـعْـدو (( ميشـيـــل عـبدالله )) *************** (( قصيدة عنوانها غزل )) شمس و قمر و نجوم ملتفة ............. خدّا ع خدّو كفّها بكفي و حتى ما نسكر من العرق لازم ........ نشربو شفة من الشفة و زورق حبيبي التاه في كل البحار ..... ليكو هلئ وصل ع الضفة الاثنين عم يشعلوا بنار الغرام ....... نار بتشعّل نار ونار بتطفي و عند ما نصهرت الذات بالموضوع ... كبرت شجرة العيلة وصار إلها فروع و لما النحل ع الزهر صار يفوع ....... العسل صار يقطر من الشفة و اليوم في عندك تقديم فحص .......... أو عندك امتحان يا راسبة يا ناجحة بصفك ................................................. زرعت الورد بإيديك ورد و أشواك و لما سلمت عليك دابو الأسلاك .................................................. قصيدة عنوانها بنت المشتى يا بنت المشتى أيشو هالحلاوة رقة و حسن و جمال و نقاوة جبينك قمر ساطع في سمانا و خدّك للورد عاير طراوة عيونك بحر.. و حواري مداها خلا الموج يمشي ع الهداوة رمشك فراشة بأول صباها جبينك سيف حدّو و جمر كاوي و ريقك علّة الصعبة شفاها و خصرك متل عود الزين لاوي ناوي ع السفر يا حب ناوي آخر تعديل بواسطة انهل دبس ، 11-05-2009 الساعة 04:37 PM. سبب آخر: بناءً على طلب الكاتب ...  |
|
#2
09-05-2009
| ||||
| ||||
اقتباس:
الله الله الله ياخال !!!!! وين كنت متخبّي ... ووين كنت مخبّي هالشِّعـر !!!!! منتظرين قصايدك الجديدة !!!!! بكل الحـب أنهل دبس
__________________ لـَيتني أستطيعُ أن أجعَـلِ قلبي هَيكَـلاً , ونـَفسي مَـذبَحاً , وعَـقـلي كاهِـناً. |
|
#3
10-05-2009
| |||
| |||
| إنّ قصائدك يا أخ ميشال فيها من الجمال والبساطة . مدعاة للفخر والأعتزاز . بالأرض التي جبلت من ترابها والأن تغرسها بتلك الحروف لتنبت هذه الصور الشعريّة التي لا يستطيع حتّى ( الأخ الشاعر حنّا الرضوان ـ أبو سامي ) أن يأتي بمثلها . نرجو منك الأستمرار في ذلك الزخم الشعري حتى لا تجوع الرفوف إلى تلك الكلمات ـــــــــــــــــــــــــــــــــــ أخوك الشاعر : مرشد يوسف ضرغام ــــــــــــــــــــــــــــــــــــــــــــــــــ ــــــــــــــ عرفتني ؟؟؟؟ |
|
#4
11-05-2009
| |||
| |||
كل الشكر للخال أنهل دبس ... كل الشكر والمحبة للأخ الشاعر مرشد ضرغام ... إليكم بعض مافي جعبتي ... (( روحي مَعِـك )) رزتِك بقلب البيت يا روحي , لقـَيتِك بعِطر مَتفوحي ... فجأة كنت مَوجوع , متألـّم شمّيت عطرك , رجعت إلي روحي ... وشو صار فيّي من ألـَم وجروح بتعطفي عليّي , وضَمدي جروحي ... وحدي ببقى معك , مش رح فل سايح معك مطرَح ما بتسوحي ... روحي معِك , قلبي معك محتار , إنتي الدّني , إنتي الأمل , إنتي النور والنار , بتبقي معي بالبال , لو رحتي , راحت معك روحي ... ************** (( وراكي والزَّمن طويل )) وَين ما كنتي , بروح إعمِلك زيارة ... برغبة , وإندفاع , وشَوق , وحرارة ... تا إرتوي وإشفي قلب مجروح , وشَدشِد بأعصابي المنهارة ... بنظر بعينيكي , الدني رَح شوف, بكشُف الغامِض وكِل أسرارا ... كرمالِك العالم بيتسَوسَح وبيجن , النـِّص بيدخُل سِجن , والنـِّص فرارة ... ان طلـِّت من غرفتها , بيطل نور الشَّمس . وان دَخلت غرفتها , بتِسرَح هالغيارة ... مهما غبت ومهما بعِد هالدَّرب , بتبقي إنتي النور والمنارة ... البنت الأنيقة بتبقى سِت الكِل والعاطلة , بتنرشِق بالحجارة ... ************** (( رَح تِبقي إلي )) يا حلوة لْ عالعَرش لازم تنزلي , قلبي بنارك صار عم يغلي غلي ... حاجي علينا تكبري وتتدَللي , طرَّزتِك بأجمل جواهر مع حِلي ... وعا صهوة حصاني لازم تِعتِلي , ويا كَرمة لْ عا الوشْ , بالبَسمة انجلي ... ان صعدتي لْ فوق بـِ إسمي أنا , وان نزلتي لْ تحت , رَح تِبقي إلــــــــــــــــــــــــي !!! ********************* ميشيل عطية عبد الله آخر تعديل بواسطة انهل دبس ، 15-05-2009 الساعة 10:14 PM. سبب آخر: خطأ كتابي |
|
#5
12-05-2009
| |||
| |||
| شكراً إليك يا أبا الميشُ يا طائراَ يزهو بلونه الريشُ ومزارعاَ في أرض " رمتي " شلوشه تجتازُ مصرَ والقناةَ والعريشُ وبرسمك الوّضاحُ ينبتُ شارباً كما ينبتْ على المجرى الحشيشُ وقصائداً بالشعر يضحك ثغرها حيث العواطف في الصدور تجيشُ من خمرك اسقي الندامى مدامةً من قلبك الأمسى بياضاً كالقريشُ اسكب التاريخَ في كأس الضّحى حتّى إذا شربَ الزمانُ يعيشُ وعذراً يا أخ ميشال على تلك الأبيات المتواضعة في شخصك الكريم لأنّني منذ حوالي سنتين لم أكتب ولو شطراً واحداً ولكن عندما رأيت صورتك لا أدري كيف انساب منّي تلك الأبيات علّها تنال إعجابك ــــــــــــــــــــ أخوك مرشـــــد ـــــ صحي ما عرفتني ــــــــــــــــــــــــــــــــــــــــــــ والله عيب |
|
#6
13-05-2009
| |||
| |||
| شاعرنا السيّد ميشيل.....جاي من عيون الوادي هالبستاني شادد حيل.....وعـــندو اشعـار زيادي بيتغنى بنجم ســـهيل.....بأشـعــــــار الــــقــّرادي تغزّل بعيون الحلوين.....والغــزل عنـــــدو عادي اهلين بأصحاب القلوب الكبيرة مع حبي ابو الوفا المصيافي |
|
#7
13-05-2009
| ||||
| ||||
| ميشال يا شاعر بلا عنوان....بنشوف برقو بيختفي رعدو وعدتنا تزهر بشهر نيسان....عيبي الشاعريخلف بوعدو وعملت حالك للشعر ميزان....وقبالك الشعار ماصمدو وعديت حالك شاكر سليمان....تفضل تنتبارى سوى ونشوف مين اللي قبلو ومين من بعدو *** لبيب ل ما بينهزم |
|
#8
17-05-2009
| |||
| |||
| اقتباس:
قالو الشاعـر من طيــبو......بيفـــــتح للــــعالم بـــــابو وأخــــلاقـو ما بتعــيــبو......ولا بيتـــغالظ عـصــحابـو بقلّـك يا شـــاعر فهمان......لا تـــتعـــدّى عالخــــــلاّن اسأل البسطاطي حسان.....عن ميــــــشال وأحـــــبابو ميـشال حلوة ظــنونـــو......غـالي علينا ومنـصونـــو نحنا كرمـال عيـــونـــو......منــــردّلــــك جــــوابـــــو لبــيب بقــلّـك تحـــــذير......عالغــــوالي أوعـا تجــير بكسرلك راسك تكســير......اللي متلـــــك ما مـنــهابو يا عمي أوعــا تـــجاكر......ولا تـــشرب مــاء العاكر أما شاعــــــرنا شـــاكر......عالي مقامو بغــــيابــــو يا عمي انا بغار عالاصدقاء مع حبي ابو الوفا آخر تعديل بواسطة السهروردي ، 17-05-2009 الساعة 11:32 PM. |
|
#9
18-05-2009
| ||||
| ||||
ياربع شاعر انت مش اكتر---ع منتدى الشعار مين دلك شعرك يابحش الجاج ومكسر---ن جربت تكتب بعد يادلك رح قطعن ايديك بالخنجر---ومني نصيحة هروب اسهلك وع الناس اوعى بالعمرتظهر---وع الشعر اوعى تقرب وخليك برعية الغنمات احسنلك *** لبيب |
|
#10
18-05-2009
| |||
| |||
| روح تعلـّـم لقـْــرايةِ......ت تفهم كيف الأوزان ماشي بجبك لهـّـايـةِ.....ولعبة من أقرب دكـّان كنك عاوز تتحـــدّى.....بعـّـد عن ساحة ميشال رتّب اشعـار وعــدّا......افكــارك متل الغـــربال بْراغب اخلاقك شدّا......واثبـــتلي انـــك رجّـال تهدى يا ابني تهدّى.....بكــسر أيـدك لا تمــــدّا اذا علينا بتـتعــــدّى.....بقص لسانك يا وهمان اولا بعتذر من الاخ الغالي ميشال ومن ادارة الزاوية السيد انهل دبس لتدخلي في موضوع الاخ ميشال ثانيا اخي الكريم لبيب حقوق الزجل محفوظة طبعا بالزجل ما في زعل طلما رح نبقى ضمن حدود المنطق واللطافة واذا عاوز نكفي نزل موضوع جديد بيني وبينك ونحنا منكسب ود الجميع مع حبي ابو الوفا |
|
#11
02-06-2009
| |||
| |||
| ناسي إنّي بحبّك ناسي موهبة الشعر خدنا ها وراسي ورح أفتحلك يا ضرغام بقلبي بيت النوافذ عيوني وضلوعي الكراسي قديش عا حبّك أنا تربيت بقلبي وروحي ووهج إحساسي لكن يا أنهل ليش عالسكيت بتتأخر بنشر شعري الأساسي بتخف عاطفتي بشعر ياريت وبيصير يبرد وهج إحساسي وقديش من كابي أنا استحليت ينقل من كتاب الشعر عالكرّاسة وبيضل وحدو بو الوفا بالبيت أبن مصياف هالكلّو حماسي وناطور البحصيصة ألو ضويت قلبي شموع بطهر قدّاسي وحدو وقف جنبي وكتف بالكتف دقيت ومين غيرو لّي رفع راسي ومن بعد ما كفّيت واستوفيت كامل شروط الرّي بحواسي فيهن بذات المنتدى تلاقيت منشان نتلاقى سوى " برمتي " وأشرب نخبكن وأجرع الكاسي آخر تعديل بواسطة ميشيل عبد الله ، 02-06-2009 الساعة 09:31 PM. |
|
#12
04-06-2009
| |||
| |||
| الداعي أنا ميشيل عبد الله ــــــــ قولو إلي شو عملت مع الله تا تشلحو شعري بقم العام ــــــــ وعنّي أنا الأحباب تتخلاّ قلتكن بالشعر بعدي خام ــــــــ وشعري بدر لليوم ما تجلاّ الظاهر ما عم بتقدرو الأيتام ــــــ لمالن حدا في هالدني كلاّ عيب والله عيب يا ظلاّم ـــــــ مرّكن بالعمر ما تحلاّ بالشعر يطلع نقدكن هدّام ــــــــ وآرائكن ما تكون بمحلاّ نقدر الرب بخمس ست عوام ـــــــ بخلّي الأرض تهز بمحلاّ وبرجع بإيدي تلوّح الأعلام ــــــــ وقبّة الزرقة تركع بظلاّ ومن بوالوفا تضحك ألو الأيام ـــــــ ومصياف بيزهر عطر فلاّ وبرجع بحيي مرشد الضرغام ـــــــ ووادي النصارى تصير تتعلاّ وبرجع عليكن كاسحت ألغام ــــــــ الروص لبتحني من الأذى بتسلم ــــــــــــــــــــــ والما بتحني الروص يا دلاّ ــــــــــــــــــــــــــ |
|
#13
04-06-2009
| |||
| |||
| يا أهل مشتاوينا الغالي اسمعــوا.......ميشيل التلعة شو عملــتو معــو بحبشت عا مــــوضــوعــو أيـام.......برمت المنـتدى وما عاد اقشعــو بصـــير الزجل ينتقل ع قسم عام.......معقولي المعنّى الحلو ننــــزعـو حرام التجـنـّي يـا نــاس حـــــرام.......بالعدل مشتاوي عالسما منرفعو بعرفك حقـّــاني يا ســـــيد عصام.......وانهل بيوجعني كلشي بيوجعـو ع مـــــين بـدنا نحـــط المــــــلام.......حبل المودة ميـــن عايز يقطعو الكرام تميزوا بـطــــيب الكـــــلام.......وعمل الخير البخــــيل بيمـنعــو نحــــنا بالشـــــعر عنــّـــا التـزام.......وكلام العزّال ما لازم نســمـعـــو وهي مني تحية حــب وســــــلام.......ويا أهل ادارتـــنا المـــــوقــــرة لازم القصايد عالزجل يرجعـو مع حبي ابو الوفا |
|
#14
05-06-2009
| ||||
| ||||
| اقتباس:
*** ميشال انت والسهر وردي.... باشعاركن هالناس محتارة مني نصيحة تسمعو ردي.... وروحو سكنو بقلب شي مغارة او علقوشي حبل بالزردة.... وعا رقابكن لفوه موخسارة لما عملنا لشعركن جردي.... لــقـيناه ما بــيـتّمن بــبارة الشعر الحلو بنشبهو بوردي.... وانتو شعركن للدني رح قول بيشبه مكنسة نفك زنارا **** لوكان في قسم للا شعار السيئة كان مفروض ينتقل شعركن الو لبيب.هههههههههههههههههه |
|
#15
06-06-2009
| |||
| |||
| لك حاج تتلطى بالزوايا وتتعدّى.....ما خرجك تفتح موضوع وتتحـدّى خرجك بس بتخـبــيص الكــــلام......والتحــــديات مانـــك مــــن قـــّدا لبــــيب اللي متــــلـــك ما بيـلام......صيــتك المــهزوز عالســـــما ودّا يا اخد بالخيــــانة اكبر وســـــام......ايـــــــدك عـــالأشـــعار لا تــــمدا روح تعلـّم الاخـــلاق والنــــظام......بلكي القــــصايد بتعـــرف تعـــــدا ردودك متبهـــدلة بشـــكل عــام......يا بو فـــكر جــــاهل ومـــصـــدّى واذا لسانك بالأدب شوي استقام......وطلعت معك شي ردّة اديــــبــــة تبــقى عا قصايد الكرام ردّا .................................................. .......... كنك ناوي التحــــدي.....بشعر الزجــــل يا لبـــيب بقلك ســهــر الوردي....ي مبهدل اصحــاك تغيب ابو الوفا آخر تعديل بواسطة السهروردي ، 08-06-2009 الساعة 10:35 PM. |
|
| يتصفح الموضوع حالياً : 1 (0 عضو و 1 ضيف) | |
| أدوات الموضوع | |
| تقييم هذا الموضوع | |
| |
|
المواضيع المتشابهه | ||||
| الموضوع | كاتب الموضوع | المنتدى | مشاركات | المشاركة الاخيرة |
| سنة جديدة مع رويدا عطية | rouwaida's fans | قسم الفن و الطرب | 0 | 29-12-2007 10:21 PM |
| لبناني يا الغالي -رويدة عطية ووديع الصافي- | ثناء حيدر | قسم الفن و الطرب | 1 | 04-11-2006 12:34 AM |
| أعذريني عبدالله الرويشد + نوال | Aboud | قسم الفن و الطرب | 4 | 09-10-2005 05:03 PM |
| على الماني ..رويدة عطية | ramroum | قسم الفن و الطرب | 0 | 22-09-2005 07:01 PM |
| لين شافوني ..عبدالمجيد عبدالله | ramroum | قسم الفن و الطرب | 6 | 22-07-2005 03:21 AM |
الساعة الآن 06:51 PM.
