منبرنا عالي البنيان=بالدنيا مافي قَدّو
بْفتّيش ولعب وصبيان=صار يلطّم عاخَدّو
مروان بأزمة لعقول=عَ الكلمه الراقي مْنَخّيك
وعَ ضفاف الشِعر المسؤول=شاعر مِتْلو مِتْوَخّيك
ولو هالفتره بعرض وطول=عالمنبر جَنْبو مْرَخّيك
كلما بتخرج عن لأصول=بيشِدّك وقت ال بَدّو

هالمنبر ساهي مْن زْمانْ=وحاطط إيدو عا خـَدّو
وجايي تا لـَعِّبْ مروانْ=وفرقِعْ فتّيشهْ حَدّو
==========================
يَ بن سليمانْ نْ شطـِّيتْ=هَونْ بعقلـَكْ مِتـْنَخـِّيْ
ورخـِّيتْ وثِقلـَكْ حَطـِّيتْ =تحتْ جْناحاتو لـْرَخِّيْ
خايف عالرفـّهْ نْ مَطـِّيتْ=عنق العلقانْ بفَخِّيْ
كونْ بفتـِّيشهْ خَطـِّيتْ=نـَعْي الــ مَ بيعرفْ نِدّو
==========================

منبرنـا عالـي البنيـان=بالدنيـا مـافـي قَــدّو
بْفتّيش ولعـب وصبيـان=صـار يلطّـم عـاخَـدّو
كَبّر عقلك يارماح=ولا تْشَمّت فينا الأصحاب
نَعْوه وفَخ ورَفْع سلاح=المنبر مَنّو شرع الغاب
حَيّك بالردّات وشاح=وخلّي الطّاب يعانق طاب
أحسن ما بوقت التفاح=حجار المنبر ينْهَدّو

حتّى الطاب يدقْ بطابْ =الريح عْلى غصونو بتجورْ
مثلْ خناقهْ بْلا أسباب=مَ تشِد قلوب الجمهورْ
وحكمْ القوة وشرع الغابْ= بعدو بهالعالمْ دستورْ
و لو ضَلـّو سلمي الإضرابْ= عمرو لـْطاغي ما رَدّو
=================================

منبرنا عالـي البنيـان=بالدنيـا مافـي قَــدّو
بْفتّيش ولعب وصبيـان=صـار يلطّـم عاخَـدّو
للمنبر هَيدي الأيام=بالأعراف الموجودي
في شاعر وِصْل بإلهام=وفي شاعر بالبارودي
الأوّل بيناغي الأحلام=بيفتح دنيا مسدودي
والثّاني شي مِيّة عام=الدّيره بتخْرَب عن يَدّو

خلقو من الشعرا صنفين=شي حلوين وشي بشعين
ونحنا اعتدنا عالصنفين==ويا مين بيحزر يا مين
ودو تنين بجنب تنين=متل العسكر مصفوفين
حتى خللي غراب البين=وأهلو عليهن يتغدو

المشاركة الأصلية كتبت بواسطة مروان آسف خيي رماح عالتأخير ******* منبرنا عالـي البنيـان=بالدنيـا مافـي قَــدّو بْفتّيش ولعب وصبيـان=صـار يلطّـم عاخَـدّو للمنبر هَيدي الأيام=بالأعراف الموجودي في شاعر وِصْل بإلهام=وفي شاعر بالبارودي الأوّل بيناغي الأحلام=بيفتح دنيا مسدودي والثّاني شي مِيّة عام=الدّيره بتخْرَب عن يَدّو

هالمنبر ساهي من زمان=وحاطط إيدو عاخدّو
وجايي تا لَعِّب مروان=وفرقع فتّيشة حدّو
=========================
حكي المنبر منْ الجرود=سجّادة وفكركْ حَيّاكْ
وتا تحلى تحفة الورود=طَعِّمها بصخر وأشواكْ
ومشْ قاصد نحمل الـْفرود=تَ نقوِّصْ عَا بعض عْلاكْ
قاصد فَجِّر نـَهر بْرودْ=بالخَي الـْقـَلبي وَدِّو
=============================

المشاركة الأصلية كتبت بواسطة رمّاح هالمنبر ساهي من زمان=وحاطط إيدو عاخدّو وجايي تا لَعِّب مروان=وفرقع فتّيشة حدّو ========================= حكي المنبر منْ الجرود=سجّادة وفكركْ حَيّاكْ وتا تحلى تحفة الورود=طَعِّمها بصخر وأشواكْ ومشْ قاصد نحمل الـْفرود=تَ نقوِّصْ عَا بعض عْلاكْ قاصد فَجِّر نـَهر بْرودْ=بالخَي الـْقـَلبي وَدِّو =============================

منبرنا عالي البنيـان=بالدنيـا مافـي قَـدّو
بْفتّيش ولعب وصبيان=صار يلطّـم عاخَـدّو
القلب اللي بْحُبّو مدفوع=وبيخفق صدق وإحساس
بيصَفّي متل المشروع=لامم حَولو كل الناس
نَقّي من قلبك موضوع=وخلّي الماس يْحِكّ الماس
بجولة لمعَنّى المسموع=مْنِكْشف مزحو من جَدّو

المشاركة الأصلية كتبت بواسطة حسن بنوت خلقو من الشعرا صنفين=شي حلوين وشي بشعين ونحنا اعتدنا عالصنفين==ويا مين بيحزر يا مين ودو تنين بجنب تنين=متل العسكر مصفوفين حتى خللي غراب البين=وأهلو عليهن يتغدو

منبرنـا عالـي البنيـان=بالدنيـا مافـي قَــدّو
بْفتّيش ولعب وصبيـان=صـار يلطّـم عـاخَـدّو
يلّي مشيت بعكس السير=لا تحركش الله يرعاك
جايي تِخْلِف طير بطير=يمكن جلدك عَ بيرعاك
نحنا تنين رفاق الخير=ومرعانا مَنّو مرعاك
لا تدقدق عَ بواب الغير=بوجهك لبواب انْسَدّو

جبنا موسيقى وألحان=بطبيله ودف وزمور
وقلنا يالله يا إخوان=خليها لهالحفله تدور
من رمـّاح و من مروان=بدنا شعر يهز شعور
بموضوع يخلـّي الميدان=عا حدود الزرقا حدو

مروانْ كِلْ إنسان بالعقلْ اتـْسَمْ=ماشي ومش دريانْ عا دربْ انرَسَمْ
والدهر مثل الديبْ لو مرّهْ ابتـَسَمْ =بيجوز قاشعْ فيكْ شي وجبة دَسَمْ
ومِثل الدهر جايي أنا.. ومِنـِّي قـَسمْ :=ما إبتسملـَكْ غـَيرْ ل ُ الرأي انحَسَمْ :
الصَحْ هوّي الدومْ بيطـَلـِّع عَ فوقْ= ولا ّ الـْرِضِي وقنعان بلْ ( الله) قـَسَمْ
========================================

بالرغم إنّك منتخي ودمّك خفيف=الله قَسَمْلك بالزجل تطلع ضعيف
كل الحياة مدَرّجه بمقصد شريف=حيث الكثيف بيرتقي صوب اللطيف
متل الحقل مابيطمح يفِلّ الخريف=ومتل القمح مابيطمح يصَفّي رغيف
الله دعا الإنسان يطمح للعلا=حتى كفيف القلب مايضَلّو كفيف

بالرغم إنكْ أملحْ ووجّكْ صَبوحْ=ميَّت يا غافلْ بالزجل ما فيكْ روحْ
وما زال بقـْبالي طِلعت صاحبْ طموحْ =رحْ حطـّمو بمَاس القناعة بْلا جـِنوحْ
وتا كـَسِّفَكْ من حَارتـَكْ بعطي الشروحْ=ولبعيد بالكْ ناح حقلهْ لا يروحْ
لولا رضي بَي الصبيِّهْ بجارها =ما كان عَينو قفشتنْ فوق السطوحْ
=======================================

الإنسان بعد التجربه من وقت نوح=بيعرف بإنّو الجهل بيضَيّع الروح
وحتى يزيل الجهل ويخِفّ الجنوح=عَمّر مدارس معرفه وشَيّد صروح
البنت اللي بَيّا فاشل ومَنّو طموح=وبنفسها انفَتْحو الجروح عْلى الجروح
لولا زَرَع فيها طموح المعرفه=ماكانت بتنطر حدا فوق السطوح