التاريخ حتى نفهم دروبو تمام
ياما علينا نحفر ونطمر كلام

يالله تنتنور بـ ( سيرة بن هشام)
ونعرّج على ( الواقدي ) و ( فتح الشآم)

الإسلام - يا خيي - بحد السيف قام
وأقسى سيوف الدين سيفو لـ ( الإمام)

لكن عند ما وصل لولاد العمام
باسم القرابة .. السيف جوا الغمد نام

واليوم لولا روسيا والعم سام
هتلر قتل نص الخليقة والأنام

السلم اللي ما بيحميه سيف بشفرتين
استسلام أسمو ... وقول عالسلم السلام


***
إعادة



بين البشر والحرب صاير إنسجام
التاريخ ما بيقوم عا حلم الغرام

بدو سيوف تحركو ... بدو عِظام
بدو حرب .. بدو غزو ... بدو انتقام

حكمت قريش بسيفها شي ألف عام
أسبانيا والصين والأرض الحرام

لولا السيوف تصل مافيه دين دام
ولو نام حد السيف ... كان الحق نام

وأغلى القيم بالدين مش ركعة وقيام
هيي الشهادة !!! لا الصلاة ولا الصيام

وطنـي غربتـي .... وشــعري زمـاني

يا بوعلي !!! خلي النبــــــــــــوة للقدير
هيدي مســـــــــــائل ربنا فيها خبــــير

نحن بشـــر يا بوعلي .......... والله الكبير
نجّا اللي بدو ياه ... من بحر .. وســـعير

ولما أنت عالشـــــــــــر بتصفي قــدير
نصــرك بيحلم فيك عا دروب المصـــــير

لكن !!!!! إذا بتكون من ضعفك زغــــير
بتضل تحلم ... والنصر .. مش رح يصـــير

رح بسألك: لولا الســــيوف مشـــرعة
بيتحرر جنوبك .... أو بيرجع أسير ؟؟؟؟


إعادة : عركة غرام

لعركة عشق يا حلوتي سرجنا السرير
ونار الهوى ضوّت على شفاف الحرير

غبار النقـــــع .... آهات وعيون العبير
والعطر حلق فوق نفحــات الأثيـــــــــر

وسرير !!! جن على شهيق .. على زفير
وما عاد يعرف شو بيعمل هالفقــــــــير

وانسل ســــــيف المعركة يهدر الهدير
والعشــــــــــــق حوّلنا أميرة عا أمير

ولما انتشـــينا كتير ... وتعبنا كـــتير
والمعركة خلصت ... وريّحنا الضمــــير

رجعنا انبطحنا .... بين حرب وبين زير
ســـــــيفين تعبانين عا طراف الحصير

وطنـي غربتـي .... وشــعري زمـاني