كيف الحروب بتبتدي سماع الخبار=المجرم بيبدا الحرب وبيرشق حجار
ويللي بيجي تا يحط عالبنزين نار=غير البيكفو سالم وعلا العمار
وقال المسيح كلمه لها بقلبي شعار=لو بينصفع خد اليمين دير اليسار
بلادك اذا للسلم عم تاخد قرار=هيدا لنا بيكون اكبر انتصار
وتا تشوف انو السلم قوه وازدهار=بعطيك قصه تمخول عقول الكبار
لما النبي صارت حياتو على شوار=اوصى الخلافه لاقربينو بالديار
اختلفو الصحابه عالخلافه وهيك صار=فكـّر علي بالامر عن حكمه ووقار
وحتى ما نترحم على اسلامنا=بعد النبي ما سل شفرة ذو الفقار
التاريخ حتى نفهم دروبو تمام
ياما علينا نحفر ونطمر كلام
يالله تنتنور بـ ( سيرة بن هشام)
ونعرّج على ( الواقدي ) و ( فتح الشآم)
الإسلام - يا خيي - بحد السيف قام
وأقسى سيوف الدين سيفو لـ ( الإمام)
لكن عند ما وصل لولاد العمام
باسم القرابة .. السيف جوا الغمد نام
واليوم لولا روسيا والعم سام
هتلر قتل نص الخليقة والأنام
السلم اللي ما بيحميه سيف بشفرتين
استسلام أسمو ... وقول عالسلم السلام
***
إعادة
بين البشر والحرب صاير إنسجام
التاريخ ما بيقوم عا حلم الغرام
قبل الحرب قبل النبي قبل الامام=لوما سلامي كان جفن الدين نام
نوح علاّ سفينتو والبحر عام=ومنشان تنجا سفينتو ودّا الحمام
لوما رجع حامل معو غصن السلام=عليك وعلى الدين وعلى الدنيا السلام
ونار للي كانت محرقه للانتقام=نزلت على براهيم عا برد وسلام
وانت للي بتحب المشاكل عالدوام=ومهلوس وبتشوف نصرك بالمنام
زت السلاح ولملم زهوري كمام=وخليك شاعر للمحبه والغرام
يعني انشفتلك شي حلوه مارقه=بتندهلها يا حرب اما يا سلالالام
في ناس بتعيش بكرامه بوجه عام=وفي ناس بدها الذل وشفار الحسام
وشعب التعود عالحروب وعالخصام=لا بالسلام بيفهم ولا بالكلام
__________________
الزجل هو خطاب الروح وهمزة الوصل بين الجسد والآلهه.
آخر تعديل بواسطة حسن بنوت ، 02-09-2008 الساعة 04:31 PM.
قبل الحرب قبل النبي قبل الامام=لوما سلامي كان جفن الدين نام
نوح علاّ سفينتو والبحر عام=ومنشان تنجا سفينتو ودّا الحمام
لوما رجع حامل معو غصن السلام=عليك وعلى الدين وعلى الدنيا السلام
ونار للي كانت محرقه للانتقام=نزلت على براهيم عا برد وسلام
وانت للي بتحب المشاكل عالدوام=ومهلوس وبتشوف نصرك بالمنام
زت السلاح ولملم زهوري كمام=وخليك شاعر للمحبه والغرام
يعني انشفتلك شي حلوه مارقه=بتندهلها يا حرب اما يا سلالالام
في ناس بتعيش بكرامه بوجه عام=وفي ناس بدها الذل وشفار الحسام
وشعب التعود عالحروب وعالخصام=لا بالسلام بيفهم ولا بالكلام
يا بوعلي !!! خلي النبــــــــــــوة للقدير
هيدي مســـــــــــائل ربنا فيها خبــــير
نحن بشـــر يا بوعلي .......... والله الكبير
نجّا اللي بدو ياه ... من بحر .. وســـعير
من جنوبنا نبع السلام بينشرب=وما همنا عا قد ما المدفع ضرب
ومش بس يرجع هالاسير للي انزرب=المفروض نرجع كلنا من المغترب
ولو خيـّرت ابن الجنوب الما ورب=بيقلك السلم وبلا حرب وحِرب
نحنا وفلسطين العروبه مننعرب=دفعنا جزية دم كرمال العرب
كرمال يللي بالحكي نالو الارب=ونحنا ببوز المدفع وقفنا سرب
تفضل يا جعفر شارك بحرب الجنوب=تا ما يقولو الحربجي جعفر هرب
شو باك جوّك في ملاقاتي اضطرب=وين الذكا وين الشعر وين الطرب
وهالحلوة الجعفر عا فرشتها اقترب=اكلت قتل منو تا مدمعها زرب
__________________
الزجل هو خطاب الروح وهمزة الوصل بين الجسد والآلهه.
كشّف يا ليل القافية ولاد النجوم***وقلّن عا موقع شعر مشتاوي ...!!!هجووم
وينك يا جعفر من سبات الشعر قوم***واعطي جواب بيسحر ...!!!وما في لزوم
تقدّم عزر مرفوض ب وجه العموم***ومعروف عنّك للزجل كنز العلوم
بيوت الهزيلة صوم عنها بالزجل***لكن عن الكلمة الجميلة لا تصوم
__________________
[poem font="Arial,5,#00008b,bold,normal" bkcolor="" bkimage="" border="none,1," type=0 line=0 align=center use=ex num="0,"]
ايّاك تضوي للحياة شموع ***ما العمر شمعة وهيك ترتيبو
خبز القصيدة بتاكلو تا تجوع***وخبز الدني بتجوع تا تجيبو[/poem]
لوحة التحكم الخاصة بك
خروج
بحث
الأعضاء
التقويم
