حنيّت قلبي عليك ما بق شد فيك***تا تصير ديك...!! الخوف عا زنودي رميك
قرّب عليي وضمنّي ضمّة شريك***بتعصر محبة صادقة من شب شيك
قبلك أجاني ديك بلّش بالدبيك***زكزكت فيه المرجلي تا يضل ديك
ولا تخاف قلبي متل صنّين الزجل***اطلع لعندي ناطرك...!!! بالتلفريك

******************

اوووف اوووف اووف
الموقع طريق معبدّي وشعري بويك***وعندي التواضع بكتبو بقلام بيك
لنّك يهودي ولا شخص من بلشفيك***منشان اقسا عليك بعطف عا الركيك

آب وإبن والرّوح عقدة مألهة *** الأهرام عقدة ولا مهندس حلهّا
نجوم السما يا مفتكر واصلّها *** دخان شعرك بس بيوصلّها
حكّيت غيمي وصرت صوبي تدلّها *** وعرفت يا مروان شو قلتّلها
شتـّي عليي من السما دموع الوحي = العبرات بتصّفي عِبر بمحلهّا

اوف اووووووووووف
صرلي مطلمس شهر ...!!!والله حلّها***تنزل عليي بيوت الله كلّها

لوّفكت بالموضوع ودماغك شرد***وما شفت بالأنجيل من حكيّك ورد
عزمك انحلّ ودمك قبالي برد***لم شفت عقدة حاجبي وزندي الزرد
المحلول بالأوزان من عنّا انطرد***وعقد الزمرّد قيمتو بتقل الزرد
وبيت العقد كلّين اوعى تدقرو***بينزل عاراسك متل حبّات البرد


اوووووف اووووف
سليمان سبع القافية توقّوا ...!!!ان حرد***بيمحي المواقع بالزجل متل الجرد

لوما رباط الّيد يعقد عا الحروق***كان اللهب والنار وصلت للعروق
منّي نصيحة سماع يا وجه الخلوق***واعقد حزامك بالسفر لمّا تسوق
ياما حلول عطيتنا ومشيّت سوق***وضلّت حلولك متل شم ولا تدوق
عقدة حزام مقاوم الحرّر وطن***وحلول اوسلو ضيّعت كل الحقوق

اوووووووووف اوووف

كلما بتسمع ديك صاح و صوت بوق***يمّا خيانة بتجرح ويمّا شروق
بتعرف بو شربل لا جمل عندو ونوق***وشو جابرك تا اليوم تعلق عا الدبوق

عقد االعمل ب براغ أمنّلك وصول***ولوما الحياة معقّدي ..!!وين العقول
لمّا الرئيس بينعزم قبل الوصول***أعقد شريطة مزيّني عند الدخول
يا بو الحلول المايعة وين الأصول***تا تحلّ عقدة مقدّسي وترجع تقول
عقدة سلاح مقاومتنا مشكلي***ان كنّو حلولك هيك ...!!!ما بدنا حلول

**************

اوووف اوووف
انعقّدت مرة بخاف ما تشرب كحول***وتبرم عا حل مشاكلك حسب الميول

انا يا موقع ان طنّبت خدّي***وعقدت حواجبي قبل التحدّي
مش معناتها بحكم مأبد***عا شاعر موهبة رغم التعدّي

يا بن سلمان لا تفزع تأكد***ب قلبي ما الك ألا المودّة
قناطر منبري بتضّل معبد***عليها بيدخلو من عهد جدّي

انا بالشعر موضوع المعقّد***فحصتك بالزجل من فرد ردّي
وسحبتك عا فضا أوسع وأبعد***وتا صرت مهم ...!!طلّعت ل حدّي

انت زهرة يتيمي بغصن عقّد***لبعد نيسان مش ممكن تهدّي
وانا عقد الزواج وبيت أسعد***قلوب تنين عا زات المْخـدّي

انا عقدة شعر مجدول أجعد***انا زنّار كلما انشدّ شدّي
عصر خصر الجمال الصار يشحد***عقد صابيعها ويقول شدّي

ويا مشتاوي الصرت للشعر معبد***وطيورك هاجروا من قبل مدّي
رجع بو شربل بشعرو المخلّد***فتح باب التحدي بنار حدّي

انا قرم الشمالي المش معوّد***حلّ المشنقة عن خصم ضدّي
وما زالو ريّس الموقع تحدد***انا البّحلّ بالموقع وبربط
لأنّو ما حدا بالشعر قدّي


تحياتي خيي مروان وها القصيدة عملتا انا وجايي من مساقة بعيدي انا وعم سوق ولسا واصل