غزليات ثناء حيدر ....

[ثناء حيدر]

الأحبة
شعراء الزجل ...
أتمنى أن تشاركوني هذا الموضوع ، بغزليات تسمو بنا إلى سماء الروح والعشق والحبّ ! ...
بكل المحبة .

يا نحل اجني من الزهر أحلى رحيق ---- ويا غزل امنحني على دربــــك طريق
ويا بحر عرّبش عَ الصــخور الهايمة ---- ويا ليل خلّي الســـــهر والموعد رفيق

متلك أنا يا نحل عم اجــــــــني غزل ---- متلك أنا يا شــــــــعر عم ازرع أمل
ويا ليل عم دوّر على وجــــــه القمر ---- تيصير لحظة غربتي حدّي صديق

[ثناء حيدر]

بسَــــيْهر نجوم اللـيل والعتمات ...... والقمر عربش فوق عَ التــــلّي

ناطـــــــــــرا طلّي من الطـلات ...... يا ريت تمرق بعد شـــي طلّي

بنطر إجـر تدعس على العتبات ...... متل الزمـــــــــان الناطر الغلّي

متل النحل ... بيغلّ بالزهـرات ...... ناطر عسل بالشــــــهد تا يملّي

ونطرت ... حتى يبعت الردات ...... تاري حبيب القلب قاسي كتير

----- وكلشي حكى قلّي ... وما قلّي -----

[ثناء حيدر]

تصحيح الزجلية
أعتذر عن خطأ مطبعي حدث أثناء الكتابة

المشاركة الأصلية كتبت بواسطة ثناء حيدر

الأحبة
شعراء الزجل ...
أتمنى أن تشاركوني هذا الموضوع ، بغزليات تسمو بنا إلى سماء الروح والعشق والحبّ ! ...
بكل المحبة .

يا نحل اجني من الزهر أحلى رحيق ---- ويا غزل امنحني على دربــــك طريق
ويا بحر عرّبش عَ الصــخور الهايمة ---- ويا ليل خلّي الســـــهر والموعد رفيق

متلك أنا يا نحل عم اجــــــــني عسل ---- متلك أنا يا شــــــــــعر عم ازرع أمل
ويا ليل عم دوّر على شــــــوية غزل ---- تيصير لحظة غربتي حدّي صديــــــق

وللقراء الشكر الجزيل

[ثناء حيدر]

نطرتَك يا غالي حـــدّ راس العين ----- والنبع حــــــدّي ... يدفق الميي

تحت مَدِّةْ حـــــور ... عَ الميلين ----- وشـــوشــــتها ما تقول يا خطيي

وعَ الشّجر كانو هَوْن عصفورين ----- بينغوشــــــــــو ع َالحبّ وعليي

يقلاّ شــــــوفيها ســــارحة ولوَيْن ----- تقلّو متلْ ما سرحتْ يا حســون

------ وع الســـّـــكتْ كنتْ تقولْ غنيي ------

[هالة]

اولا الحمد لله على سلامتك أيتها الرائعة ، أسفت جداَ لخبر اصابتك ، والحمد لله أنك بخير ، أرى أنك شديدة البأس على الاوجاع كما شعرك الجميل ، افتقدنا لهمساتك في المنتدى ، فأمطرينا غزلا شاعرتنا العزيزة فالغزل من أناملك له طعم آخر

[أحمـ بيطارـــد]

بعض مما جاش في النفس :
حرمتـــيني رسايلــــكي المـــلاني ----- حب وعاطفة وشوق وحناني
معقـــــول حبيب قلــبي نســـــاني ----- ونوى يغرق قليبي بأحـــزاني
صــدى صوتك موسيقى وأغــاني ----- حلــيت بقولك كل قصــــداني
لو نذكر اسمـــك تزلــزل كيـــاني ----- بقيت بهالدينا معــــدم وفــاني
فهمـــتي قصــدي من هالمعـــاني ----- ومعاد تسمعي من فلان وفلاني
لو وســــط الكفــــن صفا منــامي ----- تذكريني بخير يا أغلا خلاني


ألف الحمد لله عالسلامة يا ست ثناء حيدر ، وبتمنى تصححيلي ما كتبت لأنك أستاذتنا بهالمجال
وإلنا أكيد لقاء تاني.........

أحمد بيطار

[ثناء حيدر]

الغالية هالة
شكراً لمشاعرك الرقيقة ... ولا أراك الله مكروهاً يا غاليتي
هالة رغباتك أوامر ... لعيونك اسمعي غزل وتغني به وهل أجمل من الغزل ؟؟؟
لك شكري وتقديري .

الأخ أحمد بيطار
جزيل الشكر لمشاعرك الطيبة وسؤالك عن صحتي، قدرني الله على رد الجميل بالأفراح .

وين القمر ... غافي ....... وين الحلو ســـرحان
نايم ... على كتـافي ....... ومن حبنا حـــــيران

كاس الهوى الصافي ....... وعم يشربو ســكران
يا حلو ... لا تجافي ....... محبوبك ... الولهـان

ناطر على حفــــافي ....... التاريخ ... والأزمان
تايقلك ... عـــوافي ....... وتبقى إلو ... عنوان

[ثناء حيدر]

حكي الغزل ... يا حــلو ... يا أسمر ------ معربش عَ حيطان القلب واكتر
هوّي الحياة ... وطعمها ... عَ الحلّ ------ هوّي عسل هالعمر ... والسّكر

[محارب الخيّال]

حكي الغزل...أحلى من السكر.......عطره...حلو..أطيب من العنبر..!!
لوما كلام الغزل بين..أحباب.......شفت القلوب....شلون... تتكسر....!!


الرائعه
ثناء حيدر...أول زجل...متواضع
لاني لا اجيد هذا...الفن...واعلم انه له
اهله...واصحابه...وفنانيه...انما...مشاركه
متواضعه ليس ألا...!!
تقبلي تقديري !!

[ثناء حيدر]

خليك حـدّي ... بس كلّ العمر --- وان كان ضاق، منوصلو بكم شهر
برندحـــــــلك مواويل وحكايات --- وإنت ... عم تكتب قبالي شـــــعر
ومنصير نجمـــة متل هالنجمات --- ويمـــــــــوت من قهرو قبالي البدر
ليالي الســــما بتضل عشقانات --- ونحنا عليها بعشــــــــــــقنا منمون

------- بلكي بطـــــــــــــوّل تا يجينا الفجر -------

[ثناء حيدر]

يا حلو... يا ناطر ع مفرق دربْ --- قلبـي معـك ... لا تلوّعو بيكفيـه
مخبـّيك في عبّــــو دلال الحـــبّ --- عن كلّ هالدنيــي الهوى بيغنيــه
إغرق بحبـــّي ... بحلّفك بالربّ --- وضلّك بقلبي ... ندرغل غنانيه
وخلّيك جوّاتـــو ... غرامو غبّ --- بيكبر إذا بيعطيك ... أو تعطيه

[ثناء حيدر]

قَـَلّي حياتي وهمستو صارت صلا --- وصار الهوى بروحي ينقوز عا الهدا
ومن وقتها سكران قلبي عَ الحــلا --- خايف ليصحا يوم ... ما يـــلاقي حدا

[ثناء حيدر]

ياليل ليّلْ يافجـــــــــر لا تطلّ --- خلّــــــي نجومك ناطرة حـدّي
ويا عتم غطينـي ويازهر الفلّ --- خليك لراس الحلو مخـــــــــدّة
غفينا ســـــــوا وأحلامنا بتغلّ --- يا ســــما ودّي ويا أرض ودّي
ياريتنــي بضلّ وحبيبي يضلّ --- غافي ع زندي الخدّ عا خــــدّي
ونبقى سـوا عشاق فوق مطلّ --- الضيعة ... وغير هَيْكْ ما بدّي
وياريت لا فلّ الهـوى ولا فلّ --- وقت المحبة من ســــــنين العمر
--- وياريت يبقى العمر عا قدّي ---

[ثناء حيدر]

كلما الفجر شقشق على الأزهار -- وقطر النِّدي عربشْ على ورودي
والسوســنة الحلوة البهاك الدار -- شــــــــــافت حكاية حب مولودة
غارت النســـمة وزهرة الجلنار -- من غفوة المحبوب ع زنــــودي
وشوشتها ... قلتلها شــو صار -- هيدا حبيب القلب معبـــــــــودي
بصــــــلّي إلو ليل وفجر ونهار -- وبدعي بطول العمر بســجودي
بخبّيه جوّا العين بالأســــــــرار -- عا طول مش إيـــــام مــعدودة
بحلف بحق الآلهة عشـــــــــتار -- كيف ماجرى أو برْْمِتْ الأقـدار
--- رَحْ ضَلّ قصة حبّ مشهودة ---

[rba100]

البي غيرك ما استحلى يا ام عيون الكحلى
ورمان خدودك احلى من تفاح الزبداني



من اقوال ابو علي

يا احلى حلوة خلقتي عا اصولك
ميلي تا يميل الغصن عا ميولك
يسلملي شعرك يسلملي طولك
تسلملي الكحلي فوقي لعيونا

ونشكر لشاعرتنا المبدعة ثناء وبانتظار المزيد