حكاية بوجرجي مهداة ل د. إياد قحوش

[عمر بن أبي ربيعة]

اسمح لي أخي د إياد أن أستعير منك (بوجرجي الوطن)
مهداة لك و لجميع أحبة المنتدى و دائما الغيمة الأولى هي التي تبدأ المطر
لكم تقديري

حكــــــــــاية بو جرجي....

(بو جرجي)
حكاية من بلادي
و بلادي مليانة (جرجي)
بيـّي قلـّلي إسمو (حسين)
و إمـّي قالت: بجرو عرجة
ناس الـْ قالوا : إسمو أحمد
كانوا ينادولوا الدّكنجي
و في ناس يقولوا: (معروف)
و الصـّنعة كانت كندرجي
كان بإيدو يحمل سلـّة
و بالسـّلـّة في إشيا حلوة
و لمـّا يطلّ
صبايا الضـّيعة
يلاقولوا بـ ِأحلى كرجة
و جدّي خبـّرني
من ظغري.... قلـّي :
السـّيف بإيدو فرجة
جيش العصملـّي بيشهدلو
و بعدو إسمو بساح المرجة
و قالوا : حارب جيش فرنسا
و خرطوشو.... رعـّب الفرنجة
جمـّع كل ّ ولادوا و قلـّن:
يا ولادي:
هالأرض بيرخصلا الدّم
و الـْ بيقصـّر ما هو إبني
و أهون إشرب كاس السـّم
و لا يقولوا : الموت بيرعبني
يا ولادي:
الـْ بيفرّط بـِ أرضو خاين
و الـْ ما عندو أرض بينذلّ
و أهون إخسر كلّ ولادي
و لا يقولوا : خاين بو جرجي
و لا يقولوا : خاين بو جرجي...!

د محمود إسماعيل خليل