وصيّة
****************
لما بأيديك لمستي الخد
بمرقة حنوني كفّ ايدك مر
نسيت التعب والمر
نسيت الأمس والغد
ونسيت إنّي حد
محبوبي
لا تواخديني كتر ما غبتي
وكتر ما عليي بغيابك مر
وحدة وتعب وهموم
ما عدت أتذكر
كيف الشعور بكون
لمّا عجنبي شمع بتدوبي
*******
ويوما قْعدنا مع بعض ساعات
عمّ السكوت ...
كتير !
ما حكينا
وصار وهج الحب عا دينا
من إيدك لأيدي حنين يفوت
يحمي الأمان بدمع عينينا
*******
وأحسن ما عنّي ترجعي تغيبي
ويبعت الدهر مصايبو لينا
صليت إنّو
لو سوى منموت
ووراق صفصاف
يصير لنا تابوت
يلّي عليها مبارح مشينا
وتفوت خيطان الشمس ما بين
غصون الشجر وتصير إلنا حرام
وما همنّا لو قد
ما يعتبو علينا
*******
ما بريد لما نموت
لا ناس يبكو كتير
لا دموع لا أقلام
لا شعر لا تصوير
نحنا مش مْشاهير
تا يعملو تأبين
كْرامة لعينينا
*******
ولمّا يجو تا يبعدونا
عن بعض حتى يدفنونا
يصرخ بوجهن أنين النهر
وبصوت كلو عتاب وقهر
يمنع حدا من الناس يلمسنا
وتا يبعدو عنْا ويتركونا
يقول النهر للناس
إنا قبل ما نموت
عا هيك وصّينا
__________________
الشاعر جبل صوّان ما بيشيخ
وكوكب ضيا ما في ألو نهاية
بيكتب بلا أسباب أو غاية
بيوصل الشّمس بخيط بالمرّيخ ...
| 
لوحة التحكم الخاصة بك
خروج
بحث
الأعضاء
التقويم
