المشاركة الأصلية كتبت بواسطة مروان في عملاق بهالميدان=خلْف خيالو متخبّي عَ صحابو بيبقى زعلان=وعامل قُبّه من الحَبّي *** ياراجح ظلّك مسرور=وحاجي تبالغ بالأفكار لا تكون عليهن مغرور=هودي صحابك أهل الدار هالرَدّه ال مِنْها مقهور=ومَسّت مِتْنبّي الأشعار ماكان زعْل ثمان شهور=عليها نفْسو المتنبّي

بألقاب كتيري موجود = و خجلة وجّو بيخبّي
جعفر, بو رشد ومسعود = واحد في جرن الكبّه

**

دين السرقه واكتب نصّ = يمنعها وامضِ الورقه
وخللي ل بالسرقه مختصّ = عالورقه يمرق مرقه
من ساعة مامسكنا اللصّ = وقلنالو هيدي سرقه
وهوي نازل فينا الرصّ = بمسبه وغير مسبه

راجح

في عملاق بهالميدان=خلْف خيالو متخبّي
عَ صحابو بيبقى زعلان=وعامل قُبه من الحَبّي
***
إنت وجعفر إخوي تنين=كل واحد عا نيّاتو
في عْليكن للمشتى دين=تعودو تسْقو ورداتو
عندي فكره بهاليومين=تستدعو حلف النّاتو
بلكي القصف من الميلين=يرَجّع إلكن لمحَبّي

بألـقـاب كتـيـري مـوجــود =و خـجـلـة وجّـــو بيـخـبّـي
جعفر, بـو رشـد ومسعـود =واحــد فــي جــرن الـكـبّـه
**
وحياتك قلبي فاضي = وعالصلحه مادد ايدي
و بتمنى يحكم قاضي = منزه فكرو تجريدي
نحنا صفحنا عالماضي = وفتحنا صفحه جديده
بس المجرم مش راضي = يدبك الا "عالشبيّ"

**
راجح

ياشعر عَ جناحك أنا برتاح=وعَ نصوص قانونك أنا ماضي
ببقى معك فوق الأرض سوّاح=وبالعاصفه مْخاضك من مْخاضي
***
كنت بزمانك تنشر الأفراح=وتَّشتش الزعلان والراضي
وبخيمتك نعزف رنين قداح=ويتعانق المتهوم والقاضي
***
لكن بإسمك صار عِنّا سلاح=يضرب على المليان والفاضي
ومن ريشك الشعّار عِمْلو رماح=وإنتي عليهن هيك متغاضي
***
ياشعر لِمّ من لقلب لجراح=وضَلَّك معي قاعد عَ رمش الغيم
نبكي أنا وايّاك عالماضي

المشاركة الأصلية كتبت بواسطة مروان ياشعر عَ جناحك أنا برتاح=وعَ نصوص قانونك أنا ماضي ببقى معك فوق الأرض سوّاح=وبالعاصفه مْخاضك من مْخاضي *** كنت بزمانك تنشر الأفراح=وتَّشتش الزعلان والراضي وبخيمتك نعزف رنين قداح=ويتعانق المتهوم والقاضي *** لكن بإسمك صار عِنّا سلاح=يضرب على المليان والفاضي ومن ريشك الشعّار عِمْلو رماح=وإنتي عليهن هيك متغاضي *** ياشعر لِمّ من لقلب لجراح=وضَلَّك معي قاعد عَ رمش الغيم نبكي أنا وايّاك عالماضي

مروان.. ِتلّ الأرز عالتَلّه= ت نفيّق النسمات عالتَلّه
لبست صبايا اللوز أحلى هدوم=وآدار خبّى البرد بالسلّه
**
وياريت فيها الناس تبقى غيوم = بتشرب بحر.. بتطير.. بتعلّي

بتكره السرقه, بليلها بتقوم = بتدلق شتي وبترجّع الغلّه
**
الانسان يمكن يغلط, ومحكوم = ت يعيش بين جنينتو فلّه
يتراجع ,ويمحي عتم الهموم = بشمعة ندم للفجر بتصلّي
لكن اذا عنّد ياعيب الشوم= بيخسر كرامه بين كل الناس
وبيربح من خطيّتو مذلّه
**
راجح

صوب السّما ياموهبه روحي=نوحي عَ روحك من بعد روحي
قلبي ضِنِي وتقطّع الشريان=والمسأله بالخير ما بتوحي
***
هالدمّ يلّي بالجسم جريان=وللنّور عَ بيظهر من جروحي
حيثو لقصّة شعرنا قريان=قاعد يسقسق من شفا سطوحي
***
يا موهبه شوفي الشعر عريان=قولي معي وبالمحْرمه لوحي
حاجي ياراجح دمعتي هريان=حاجي ياجعفر تلهِب قروحي
مَنّي أنا من العاقبه بريان=بهالقلب عَ بيتباعَدو الدقّات
بلكي بإيديكي إلهن تشوحي